Apocalipsis 14:11 - Qheshwa Biblia DC

¹¹ Ñak'ariyninkoj q'osñintaj wiñaypaj wicharin. Chay phiña animalta, lantintapis yupaychajkunaqa, mana tuta p'unchay samankuchu, nillataj sutimpa marcanta churachikojkunapis.

DIOSPA QHELQACHISQAN DEUTEROCANONICAL

¹¹ Chantá paykunaj ñak'arisqankoj q'oshñintaj wiñay wiñaypaj q'oshñenqa. Chay waj sierpe rikhurimojta, lantintapis yupaychajkuna, chantá marcanta churachikojkuna ima tuta p'unchay ñak'arispa, mana samarenqankuchu.

DIOSPA QHELQACHISQ

¹¹ Chantá paykunaj ñak'arisqankoj q'oshñintaj wiñay wiñaypaj q'oshñenqa. Chay waj sierpe rikhurimojta, lantintapis yupaychajkuna, chantá marcanta churachikojkuna ima tuta p'unchay ñak'arispa, mana samarenqankuchu.

Quechua South Bolivia: Dios Parlapawanchej

¹¹ Ñac'ariynincumanta k'oshñitaj wicharimun wiñaypa wiñayninpaj. Millay animalta rijch'acuynintapis yupaychajcunaka sutinwan marcachicojcunaka mana samarispa tuta p'unchay ñac'arenkancu, —nispa.

Apocalipsis 14:11 Referans Kwoze

Apocalipsis 19:3

Ujtawantaj nerqanku: Aleluya! Babilonia llajtaj q'osñintaj wiñaypa wiñayninkama wicharishan.

Isaías 34:10

Chaytaj tuta p'unchay larwallanqapuni, q'osñimpis mana tukukuyniyojta q'osñillanqapuni. Jinamanta chay jallp'aqa watan watan wijch'usqa kanqa, manataj pipis ni jayk'aj chayninta purenqachu.

Apocalipsis 20:10

Paykunata ch'aukiyaj supaytaj nina qochaman wijch'uykusqa karqa, maypichus chay phiña animal, llulla profetawan kasharqanku chayman; tuta p'unchaytaj, wiñaypa wiñayninkama ñak'arenqanku.

San Mateo 25:46

Kaykunataj, wiñay ñak'ariyman renqanku; cheqan kajta ruwajkunataj, wiñay kausayman renqanku.

San Mateo 25:41

Chantá lloq'empi kajkunamantaj nenqa: Riychej kaymanta, sajra runas, wiñay nina larwayman; mayqenchus wakichisqa kashan supaypaj, chantá angelesnimpaj ima.

Apocalipsis 18:18

Ruphaykusqampa q'osñinta rikuspataj qhaparerqanku: Ima llajtataj kay jatun llajtaman rijch'akorqari?, nispa.

Apocalipsis 14:9

Kinsa kaj angeltaj paykunata qhaterqa, qhaparispataj nerqa: Pillapis phiña animalta lantintapis yupaychanman, frentempitaj, chayrí makimpitaj marcata churachikunman chayqa, paypis Diospa phiñakuynimpa vinonmanta ujyallanqataj, chay mana imawan chajrusqa, jich'asqataj kashan phiñakuynimpa vasompi, chaymanta. Ajinallatataj ninawan, azufrewan ñak'arichisqa kanqa, ajllasqa angelespa ñaupaqempi, Corderoj ñaupaqempi ima.

Isaías 33:14

Juchasapasqa Siompi mayta kharkatiterqanku, puraj uyastapis t'ukuylla jap'erqa. Pitaj noqanchejmanta kay jina nina ukhupi kausanmanri, pitaj kay jinata wiñaypaj nina k'ajaj ukhupi tiyakunmanri?

Génesis 19:28

Chaymanta qhawarerqa Sodomata Gomorratawan, chay tukuynin valletawan. Rikorqataj chay tukuyninmanta manchay q'osñilla llojsimushajta hornomanta jina.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Apocalipsis 7:12

Nerqankutaj: Amén. Khuyakuy, yupaychay, yachay, graciasta kutichiy, jatunchay, atiy, kallpachay, Diosninchejman wiñay wiñaypaj kachun. Amén.

Hebreos 1:8

Payllataj Churimanta nin: Tiyakunaykeqa Diosníy, wiñaypaj wiñaynintinkama; reinoykej taunanqa, cheqan kaj taunamin.

Salmos 145:1

Diosníy, reyníy, jatunchasqayki; wiñaypa wiñaynimpajtaj sutiykita yupaychasaj.

Salmos 10:16

Señorqa wiñaypaj rey. Diospi mana creejkunaqa llajtankumanta wijch'usqas kanqanku.

Éxodo 15:18

Señorqa kamachenqa wiñaypa wiñaynimpajpuni.

Apocalipsis 22:5

Chaypitaj tuta mana astawan kanqañachu. Manataj k'anchanaj k'anchayninta necesitanqankuñachu, nitaj intej k'anchaynintapis. Diosqa Señortaj k'anchaykonqa paykunata; wiñay wiñaypajtaj paykuna kamachenqanku.

Apocalipsis 13:12

Ñaupaj phiña animal jina tukuy atiyniyoj karqa paypa ñaupaqempi, kay pachawan, chaypi tiyakojkunawan, chay ñaupa phiña animalta yupaychacherqa, pejpatachus chay wañuyman apaj k'irisnin thañisqa karqa.

San Mateo 11:28

Noqaman jamuychej, tukuy sayk'usqa kajkuna, llasa q'epiyojkuna ima; noqataj samachisqaykichej.

Joel 2:30

Janaj pachapi jatuchej t'ukunasta rikhuchisaj. Jallp'apitaj rikhuchisaj yawarta, ninata, q'osñi jina phuyustawan.

Isaías 57:20

Juchasapasqa wayraj qhollchoqeyachisqan mar qocha jina kanku, kayman jaqayman q'opasninta, t'urusninta, phosoqosnintapis wijch'un, ajinata mana allinta kayta atinkuchu.

Deuteronomio 28:65

Chay nacionespi mana sonqo tiyasqa kayta atinkichejchu, nitaj uj cheqallapi kakuytapis. Señorqa sustullichisonqachej, tukuchisonqachejtaj waqay ñawisniyojman, llakisqa sonqosniyojman ima.

Isaías 34:8

Chay p'unchaypi Señorqa Sionta ñak'arichisqankumanta pagachikonqa.

Daniel (hebreo) 3:6

Tukuy pikunachá mana qonqorikonqankuchu, nitaj chay lantita yupaychanqankuchu chaykunaqa, chay rato uj larwashaj hornoman wijch'uykusqas kanqanku.

Apocalipsis 13:15

Payman atiyta qorqanku, phiña animalpa lantinman kausaj espirituta qonampaj, lantintaj parlanampaj. Kamacherqataj phiña animalpa lantinta yupaychanankuta, mana yupaychajtarí wañuchinankuta.

Apocalipsis 13:17

Manataj pipis rantiyta, chayrí qhatuyta atejchu, astawanqa marcayoj kajlla, chayrí phiña animalpa sutinwan, chayrí sutimpa yupayninwan kajlla.

Apocalipsis 18:9

Kay pachapi reyes paywan qhenchachakorqanku, paywantaj sajra puriykunapi kausarqanku. Chaykuna ruphakusqampa q'osñinta rikuspa, pay jawa qhaparispa waqanqanku.