Amós 9:2 - Qheshwa Biblia DC

² May jina jallp'a ukhumampis pakakuchunku, chaymanta aysarqamusaj may jina patasmampis pakakuchunku, chaymanta wijch'ukamusaj.

DIOSPA QHELQACHISQAN DEUTEROCANONICAL

² Jallp'aj sonqonpipis pakakuchunku, chaymanta paykunata orqhomusaj. Janaj pachamanpis wicharichunku, chaymanta paykunata urayk'uchimusaj.

DIOSPA QHELQACHISQ

² Jallp'aj sonqonpipis pakakuchunku, chaymanta paykunata orqhomusaj. Janaj pachamanpis wicharichunku, chaymanta paykunata urayk'uchimusaj.

Amós 9:2 Referans Kwoze

Jeremías 51:53

Babiloniaqa cielokamapis wicharichun aswan pataman atiyninta churanampaj, chaymampis enemigosninta kachasaj chay atiyninta thuñiykamunankupaj. Noqa Señor chayta nini.

Abdías 1:4

Águila jinapis pataman oqharikuwaj, ch'askakuna chaypipis thapachakuwaj, chaymantapis urmachimusqayki. Señor nillantaj:

San Lucas 10:18

Paytaj nerqa: Noqaqa supayta rikorqani, lliuj lliuj jina cielomanta urmamojta.

Jeremías 49:16

Qan mayta runaykachasqaykirayku ch'aukiyachikorqanki, imaraykuchus mancharikuyllata chimpachej kanki. Qanqa chhanka k'ajllusllapi kausakoj kanki, orqoj puntasninmanta jap'ikuspa. Anka jinapis may altopi thapachakuy, chaymantapis uraykuchimusqayki. Noqa Señor chayta nini.

Isaías 2:19

Chanka jusk'usman sat'iykukonqanku, jallp'aj lajesninman lajrasninman ima, Señorpa may jina jatun kayninmanta, jatun kaynimpa lliphipiyninmantawan, jallp'a kharkatiychej jamojtin.

Job 26:6

Wañuypa reinon sepulturaqa, Diospaj mana pakanchu ima mana rikukojtapis.

Job 20:6

Machuykachasqan janaj pachakama chayajtin, umampis phuyukama oqharikojtin,

Job 34:22

Mana kanchu laqha, nitaj wañuy laqhapis, chaypi millayta ruwaj sajra runa pakakunampajqa.

Ezequiel 26:20

Maypichus wañusqas kashanku chaykama chinkaykuchisqayki, ñaupa tiempopi kaj runastawan khuskata. Aswan jallp'a ukhumantaj choqaykusqayki wiñaypaj ch'inyachisqa llajtaman, wañusqakunawan khuskataj tiyakunki, manataj ujtawan jayk'ajpis qampi llajtaqa ruwakonqachu, kay pachapi kausajkunaj jallp'ampeqa.

Ezequiel 31:14

Chay jinamanta, ama ni mayqen sach'apis may jina yaku qayllapi kashaspapis, chay jinatapuni jatunta wiñaspa, nitaj puntan phuyuskama chayaspa, nitaj yakuwan qarpasqa kaj tukuy sach'as jatun kasqampi atienekunankupaj. Tukuyninku wañunankupaj juchachasqas kanku jallp'a ukhuman, maypichus tukuy runaspa wawasnin kashanku chaykunawan tantakunankupaj, ukhupachaman yaykushanku chaykunawan khuska.

Job 22:13

Qanqa ninkichari: Imatataj Dios yachasqa? Imaynatataj laqhanejta qhawanqari?

Job 24:23

Diosqa saqen sumaj kusiypi kausajta, imaynatachus parisqantataj sumajta qhawan.