Amós 9:15 - Qheshwa Biblia DC

¹⁵ Chay kikin jallp'ankupi paykunata tiyachisaj, manañataj ni jayk'aj qosqay jallp'ankumanta wijch'usqaschu kanqanku. Ajinatamin nin Señor Diosniykeqa.

DIOSPA QHELQACHISQAN DEUTEROCANONICAL

¹⁵ Noqa paykunata kikin suyunkupi tiyachisaj, manañataj ni jayk'aj qosqay jallp'ankumanta waj suyuman apasqachu kanqanku, nispa. Ajinata Tata Dios nin.

DIOSPA QHELQACHISQ

¹⁵ Noqa paykunata kikin suyunkupi tiyachisaj, manañataj ni jayk'aj qosqay jallp'ankumanta waj suyuman apasqachu kanqanku, nispa. Ajinata Tata Dios nin.

Amós 9:15 Referans Kwoze

Jeremías 24:6

Paykunata waqaychasaj, kay jallp'amantaj kutichimusaj, kaypitaj allimpi jatarichisaj. Paykunataqa manaña tukuchisajchu; plantaykusaj manañataj jayk'ajpis sik'irasajchu.

Ezequiel 37:25

Kamachiy Jacobman qorqani chay jallp'api tiyakonqanku, ñaupa tatasninku tiyakorqanku chaypi. Chay jallp'api paykuna wiñaypaj tiyakonqanku, wawasninku, paykunaj mirayninku ima. Kamachiy Davidtaj paykunaj kuraj kamachejninku kanqa wiñaypaj wiñaynintinkama.

Ezequiel 34:28

Waj llajtayojkunaqa manaña ujtawan paykunata presochanqankuchu, nillataj campospi kaj millay khuruspis paykunata mikhonqankuchu. Astawanqa mana ima llakiyniyoj, nitaj piwan mancharichisqas tiyakonqanku.

Isaías 60:21

Llajtaykipi runasqa tukuy imata cheqantapuni ruwanqanku; jallp'ata chayaqenkupaj wiñaypaj jap'ikonqanku, ajinamanta makisniywan ruwasqasniy ch'illchimojkuna noqata yupaychanawankupaj.

Joel 3:20

Chay jinata wañuchisqankurayku, noqa paykunata wañurachisaj. Juchayojtarí mana perdonasajchu. Judapi jinallataj Jerusalempipis, runas tiyakonqankupuni wiñaypaj wiñaynintinkama. Noqa, Señortaj, Sión orqopi tiyakusaj.

Jeremías 32:41

Noqa kusikusaj paykunata allinman churaspa, tukuy sonqowan, tukuy cheqan kayninwantaj paykunata kay jallp'api tiyachisaj.

Miqueas 4:4

Jinaqa tukuy kausanqanku ni ima manchayniyoj; sapa ujtaj samarikuyta atenqa uvasninku llanthupi, jinataj higueronkoj llanthoj urampi. Kaykuna, Tukuy Atiyniyoj Señorpa kikin palabrasnin kanku.

Salmos 44:2

Makillaykiwantaj wijch'orqanki, mana qampi yuyaj runasta. Nacionesta ñak'aricherqanki, tatasniykutataj chayman tiyacherqanki.

Salmos 80:8

Egiptomanta uj uvas sach'ata orqhorqanki. Qanta mana rejsisoj nacionesta wijch'orqanki, chaymantaj plantaykorqanki.

Jeremías 3:18

Maypachachus chay p'unchay chayamojtin, Judá aylluwan tantaykukonqa Israel aylluwan khuska. Kutimonqanku wichaynej jallp'amanta qankunaj ñaupa tatasniykichejman chayaqenkupaj jina qarqani chay jallp'asman.

Jeremías 23:8

Manachayqa juranqanku: Señorpa kausayninrayku pichus orqhomorqa wichaynej jallp'asmanta, chay tukuynin waj jallp'asmantapis ch'eqerasqas kasharqanku chaymanta, nispa. Kikin jallp'ankupitaj kausanqanku.

Jeremías 32:15

Tukuy Atiyniyoj Israelpa Señor Diosnin nin: Kay jallp'api rantillanqankupuni wasista, jallp'asta uvas huertastapis, nispa.

Jeremías 33:7

Judamanta, jinataj Israelmanta wijch'usqa kajkunata kutichimpusaj, watejmantataj jatarichisaj qallariypi jina.

Ezequiel 37:21

Paykunaman ninkichej: Atiyniyoj Señorqa kay jinata nin: Israelpa wawasnintaqa, maymanchus rerqanku chay llajtasmanta orqhomusaj, tukuynejmanta tantaykamusaj, jallp'ankumantaj kutirichimusaj.

Jeremías 16:15

Manachayqa ninkichej: Señorpa kausayninrayku, pichus israelitasta wichay jallp'amanta orqhomorqa, jinataj chay tukuy maymanchus ch'eqerachisqas karqankichej chay jallp'asmantapis. Noqa ruwasaj qankuna jallp'aykichejman kutimpunaykichejta, chay ñaupa tatasniykichejman qorqani chay jallp'asman.