Amós 9:11 - Qheshwa Biblia DC

¹¹ Uj p'unchay jamushan Davidpa ayllunta urmasqamanta sayarichinaypaj. Davidpa yupaychana wasinta sayarichisaj, lajrasninta llup'aykusaj, pampachasqa kasqanmanta oqharisaj, watejmanta sayarichisaj, imaynachus ñaupajta karqa kikinta.

DIOSPA QHELQACHISQAN DEUTEROCANONICAL

¹¹ Uj p'unchay jamushan, chay p'unchaypitaj Davidpa ayllunta urmasqa kasqanmanta oqharisaj, watejmantataj sayarichisaj, imaynachus ñawpajta karqa, kikinta.

DIOSPA QHELQACHISQ

¹¹ Uj p'unchay jamushan, chay p'unchaypitaj Davidpa ayllunta urmasqa kasqanmanta oqharisaj, watejmantataj sayarichisaj, imaynachus ñawpajta karqa, kikinta.

Amós 9:11 Referans Kwoze

Isaías 16:5

Chaypacha khuyakuywan kamachina tiyanata sayachenqa, chaypitaj Davidpa mirayninmanta uj rey tiyaykonqa. Payqa tukuy sonqowan cheqanchanqa, cheqan kajtataj sayachenqa, maychus kajtataj usqhayta ruwanqa.

Salmos 80:12

Imaraykutaj cerconta urmacherqanki, ñan purejkuna poqoyninta p'itinankupajri?

Isaías 63:11

Chaypacha payqa kamachin Moisesmanta, ayllun israelitasmantawan yuyarikorqa nerqataj: Maytaj kunan mar qochamanta wicharichimusorqachej, ovejasta jina michejnintawan khuska, chayri? Maytaj kunan Santo Espiritunta israelitaspa chaupinman churarqa chayri?

Oseas 3:5

Chay qhepantaqa, israelitas kutimuspa Señor Diosninkuta mask'anqanku, jinataj reyninku Davidtapis. Qhepa p'unchaykunapeqa, tukuy sonqowan yupaychaypi Señorman qayllaykonqanku, Paypa tukuy khuyakoj imasninmantaj.

Ezequiel 36:11

Qankunapi runasta ashkhata miraykuchisaj. Miranqanku, wiñanqankutaj. Ñaupa tiempospi may chhikachus kaj kanku, chay jina ashkhallataj kanqanku. Qankunataj ñaupa karqankichej, chaymantapis aswan allintaraj tiyakunkichej. Yachankichejtaj noqa Señor kasqayta.

Ezequiel 17:24

Tukuynin sach'as kajkuna yachanqanku noqa Señor kasqayta, jatunchakoj sach'asta noqa urmachisqayta, juch'uypaj qhawasqa sach'atataj wiñachisqaytataj, q'omer sach'ata ch'akichisqayta, ch'akisqa sach'achatataj q'omeryachisqayta. Noqa Señormin nini, junt'asajtaj.

Lamentaciones 5:21

Wajyakapuwayku ari Señor, noqaykutaj qanman jampusqayku. Kay p'unchayniykutaqa mosojyachiy ari, ñaupajta karqa ajinata.

Jeremías 46:26

Babiloniamanta rey Nabucodonosorpa atiynin uraman urmanankuta saqesaj, chay wañuchejkunaj enemigosninkoj atiynin uraman, jinallataj reypa runasnimpa atiynin uraman. Jinapis, Egiptopi qhepa p'unchaymantawan ñaupajpi jina runas tiyakaponqanku. Noqa Señor chayta nini.

Isaías 5:5

Kunanqa, uvas sach'asniywan imanasajchus chayta nisqaykichej: Perqasninta thuñisaj, jinamanta chinkanqa, perqasninta urmarachisaj, tukuy sarunankupaj.

Job 1:10

Manachu qan payta jark'anki tukuy imamanta, ayllunta, tukuy imasnin kajtapis? Qan bendicishanki tukuy ima ruwasqasninta; chayrayku tukuy ima kapuyniyoj manchay qhapajtaj kay jallp'api.

Miqueas 7:14

Señor, waqaychay Israel aylluykita, qampata kaj ovejasniykita, imaraykuchus sapallanku sach'as ukhupi kashanku, chay muyuyninkupitaj poqoj jallp'as karishanku! Ñaupa tiempospi jina apay chay Basán jinataj Galaad pastosman.

Miqueas 5:2

Qantajrí Efratamanta Belén, Judapi llajtas kajmanta aswan juch'uy kanki, qanmantamin llojsenqa Israelta kamachejqa unay aylloj mirayninmanta.

Jeremías 30:9

Paykuna noqa Señor Diosninkuta kasuwanqanku, rey kanampaj churasaj chay Davidtapis kasonqanku.

Salmos 143:5

Ñaupajmanta yuyarikuni, tukuy ruwasqasniykipi yuyarikuni.

Salmos 89:40

Tukuy perqasninkuta jusk'uranki, llajtasninkutapis raqaykunaman tukuchinki.

Números 24:18

Edomta jap'ikaponqa, Enemigon Seirta munayninman churanqa, Israelqa qhari jina imatapis ruwanqa.

Isaías 58:12

Qampa mirayniyki thuñisqa ñaupa raqaykunata watejmanta ruwanqanku; chay ñaupa runaspa ruwasqallanmantaj sayachenqanku; chaymantataj qankunata nisonqachej: Raqaykunata watejmanta sayachejkuna, chaypi tiyakunapaj watejmanta wasichajkuna, nispa.

Isaías 65:9

Jacobpa mirayninta sayarichisaj. Judá ayllumanta ajllasaj lomasninta chaypi chayaqenkupaj qonaypaj. Chay ajllasqasneyqa chayaqenkupaj jallp'asta jap'ikonqanku. Chaypi kamachisneyqa tiyakonqanku.

Jeremías 18:9

Waj ratopi noqa nerqani chay nacionta wiñachinayta, chayri sayarichinayta.

Abdías 1:17

Jinapis, Sión orqoqa uj santo lugar kanqa. Chayman chay puchojkunaqa ayqekunaqanku. Jacob ayllumanta kajkunaqa jallp'asninkuman kutipullanqankutaj.

Miqueas 7:8

Qan contray kaj nación, ama kusikuychu kay mana allin qhatiriwasqanmanta, urmarqani chaypis sayarikullasajtaj laqhayaypis muyuykuwachun, Señorllamin k'anchayneyqa.

Miqueas 7:11

Jerusalén, ña jamushanñamin chay p'unchay maypachachus perqasniyki watejmanta ruwasqa kananqa jinataj jallp'aykej cantosnimpis astawan suchurisqa kananqa.

Zacarías 6:12

Niytaj: Tukuy Atiyniyoj Señor nillantaj, chay wiñashan nisqa qhareqa kikin saphisninmanta p'utumunanta, Señorpa yupaychana wasintataj jatarichinanta.

Zacarías 12:7

Ñaupajtaqa, noqa Señor salvasaj Judajpa ayllunmanta kajkunataraj, jinamanta Davidpa wawasnin nitaj Jerusalempi tiyakojkunapis, Judaj ayllunmanta astawan jatunyaspa runaykachanankupaj.

Zacarías 14:10

Tukuy jallp'aqa pampachasqa kanqa Jerusalenmanta surnejpi chay Gabamanta Rimonkama. Jerusalén llajtaqa wichaynejpiña rikhurenqa, chaynejpitaj tiyakonqanku Benjamimpa punkunmantapacha Esquina punkukama. Chaypi ñaupa punku karqa. Jinataj Hananeelpa torrenmantapacha reypa aceitenta ruwanasninkama.