Amós 9:1 - Qheshwa Biblia DC

¹ Señorta altar patapi rikorqani, niwarqataj: Wasi k'aspista wajtay, punkus thalakunankama, runaspa uman patapitaj urmaykuspa t'unakuchunku, puchojkunatataj espadawan t'ojsispa wañurachisaj; jinamanta mana pipis kanqachu pakakoj, nitaj ayqejpis, jinamanta llusp'inampaj.

DIOSPA QHELQACHISQAN DEUTEROCANONICAL

¹ Chantá noqaqa Tukuyta Kamachej Diosta altar qayllapi sayashajta rikorqani. Paytaj niwarqa: Temploj sayantankunata wajtay, punkukuna thalakunankupaj. P'akirakuspa, runakunaj umankuman urmaykuchun. Noqataj puchojkunata espadawan wañurachisaj, manataj pipis pakakuyta nitaj ayqeytapis atenqachu.

DIOSPA QHELQACHISQ

¹ Chantá noqaqa Tukuyta Kamachej Diosta altar qayllapi sayashajta rikorqani. Paytaj niwarqa: Temploj sayantankunata wajtay, punkukuna thalakunankupaj. P'akirakuspa, runakunaj umankuman urmaykuchun. Noqataj puchojkunata espadawan wañurachisaj, manataj pipis pakakuyta nitaj ayqeytapis atenqachu.

Amós 9:1 Referans Kwoze

Salmos 68:21

Cheqamanta Diosninchejqa enemigosninchejpa umanta p'akenqa, juchallikullankupuni chaykunaj umanta.

Apocalipsis 1:17

Payta rikuspataj, wañusqa jina chakisninman urmarqani. Paytaj makisninta churaykuwarqa, nispa: Ama mancharikuychu. Noqa kani ñaupaj kaj, qhepa kajtaj.

San Juan 1:18

Mana pipis Diostaqa jayk'ajpis rikorqachu; uj k'ata churi, Dios Tatawan kajlla paytaqa rejsicherqa.

Habacuc 3:13

Qan llojsimunki aylluykita yanapaj, chantá qan kikiykej ajllasqayki reyta. Juchasapaj wasimpa techontataj qan phirerqanki, cimiento rumisnintataj chhankankama thuñiykorqanki.

Amós 3:14

Ima p'unchaychus Israelmanta cuentata mañasaj juchata ruwasqasninmanta, chaypacha Betelpa altaresninta phirisaj, wajrasnimpis p'akikuspa pampaman urmanqanku.

Isaías 6:1

Rey Uziaspa wañupusqan watapi, Señorta rikorqani uj sumaj alto trono patapi tiyashajta, p'achampa cantosnintaj yupaychana wasiman junt'aykorqa.

San Juan 1:32

Juan willallarqataj nispa: Santo Espirituta palomata jina janaj pachamanta uraykamojta rikorqani; chaytaj Jesuspa patannejpi kakorqa.

Sofonías 2:14

Wasisninkumanta k'aspis orqhorasqas kanqanku, chay raqayespitaj oveja tropas wisq'akonqa, chanta tukuy laya campo animalestaj kakonqanku. Juku, khirkinchu ima wasi punku trancaspi puñonqanku. Suwintustaj takenqanku chay raqaypa ventanasnimpi trancasnimpiwan.

Ezequiel 10:4

Chantá Señorpa k'anchaynenqa querubinespa patanmanta, Diosta yupaychana wasiman yaykuna chaynejman purirerqa. Phuyutaj Diosta yupaychana wasiman junt'aykorqa. Señorpa k'anchaynintaj patio junt'ata k'anchaykorqa.

Ezequiel 9:2

Chantá rikorqani, wichaynejpi kaj punkumanta sojta runas yaykumushajta, sapa ujninku armayoj karqanku. Paykunawan khuska lino nisqa yuraj p'achayoj runa jamusharqa. Chumpimpi churasqa kasharqa, imaschus qelqanapaj karqa chay herramientas. Paykuna yaykumuytawan broncemanta altar qayllapi sayarqanku.

Ezequiel 1:28

Imaynatachus k'uychi phuyus chaupipi p'unchay paramojtin rikhurin, ajina muyuynimpi karqa. Kay jinamanta Señorpa jatun kaynenqa mosqoypi jina rikhuriwarqa. Chay jinata rikuspa, pampakama k'umuykorqani. Chay rato uj parlamojta uyarerqani.

Jeremías 48:44

Pichus chay jap'ejkunamanta ayqekojqa t'oqoman urmaykonqa, pichus t'oqomanta llojsimojrí tojllamanñataj urmaykonqa, imaraykuchus noqa Moabpa patanman chay jasut'ikunan tiempota apachimusaj.

Isaías 30:16

Mana chayqa qankunaqa nerqankichej: Mana, astawanqa caballospi ayqesqayku. Ayqellaychej ari. Chaymanta nillarqankichejtaj: Sumajta correj carretasman wicharisqayku. Arí, qhatisojkunaqa usqhayllata jap'irparisonqachej.

2 Crónicas 18:18

Chanta Micaiasqa nillarqataj: Kunanqa Señorpa palabranta uyariychej, Señorta rikorqani tronompi tiyasqata, paywan khuskataj kasharqanku janaj pachamanta ángeles paña ladompi, jinataj lloq'e ladompipis.

Hechos 26:13

Ñanta rishajtiytaj, Reyníy, chaupi p'unchaynejta rikorqani cielomanta k'anchay muyuykuwajta, noqawan rejkunatawan. Chay k'anchayqa intimantapis astawan k'ancharerqa.

Apocalipsis 8:3

Waj angeltaj jamuspa altarpa ñaupaqempi sayaykorqa, qorimanta incienso q'osñichina oqharisqa. Ashkha inciensotaj payman jaywasqa karqa, tukuy ajllasqaspa mañakuyninkuman yapaykunampaj tronoj ñaupaqempi, chay qori altarpi.

Salmos 68:22

Señorninchej nin: Basanman kutichimusqayki, Ukhu mar qochamanta kutichimusqayki.

Jeremías 11:11

Chayrayku, uj ñak'ariyta apachimusaj, chaymantaqa mana ayqeyta atenqankuchu. May jinata yanapata qhaparikamuwajtinkupis manapuni uyarisajchu. Noqa Señor chayta nini.

Ezequiel 15:7

Noqa paykunaj contrampi sayarisaj. Ninamanta ayqenqanku, waj ninañataj paykunata q'olaykonqa. Noqa paykunaj contrankupi sayarejtiy, qankunaqa, noqa Señor kasqayta rejsiwankichej.

Amós 7:17

Kay jinatamin nin Señorqa: Warmiyki llajta chaupipi qhenchachakonqa, qhari wawasniyki, jinataj warmi wawasniykipis wañurachisqas kanqanku espadawan. Jallp'asniykitaj sorteopi rak'ikonqanku, qantaj wañumunki mana cheqan Diospi creejkunaj llajtampi, israelitastaj karu llajtasman presos apachisqas kanqanku jallp'asninkumanta.

Sofonías 1:12

Jaqay p'unchaykunapi uj k'anchanata jap'isaj, Jerusalentataj sumajta qhawaykusaj. Chaypachaqa runasta jasut'isaj pikunachus tiyallanku ñaupa vino jina, chaykunata mana ima llakiyniyoj kashanku chaykunatawan. Paykunaqa sonqonkupi nishanku: Señorqa mana imatapis ruwanqachu. Señorqa allin kajta, nitaj mana allin kajtapis ruwanqachu.

Josué 10:18

Chantá Josueqa kamacherqa jatuchaj rumista tanqaykuspa chay chhanka jusk'uta wisq'aykunankuta, punku yaykunamantaj qhawajkunata churanankuta. Qankunapis ama kayllapi kaychejchu, enemigosniykichejta qhatiriychej, qhepataraj wakin yapakamojkunata wañurachimuychej. Ama saqeychejchu llajtankuman kutejta, imaraykuchus Señor Diosniykichejmin makisniykichejman jaywasunkichej, nispa.

Amós 7:9

Isaacpa sumaj altaresnin thuñisqas kanqanku, Israelpa Diospa yupaychana wasisnin urmachisqas kanqanku. Espadata oqharisaj Jeroboampa ayllumpa contrampi.