Amós 8:13 - Qheshwa Biblia DC

¹³ Chay p'unchaykunapeqa k'achita sipaskuna, wapu waynakuna ima llauch'iyanqanku ch'akiywan yakumanta jina.

DIOSPA QHELQACHISQAN DEUTEROCANONICAL

¹³ Chay p'unchayqa k'acha sipaskuna, wapu waynakunapis yaku ch'akiywan llawch'iyanqanku.

DIOSPA QHELQACHISQ

¹³ Chay p'unchayqa k'acha sipaskuna, wapu waynakunapis yaku ch'akiywan llawch'iyanqanku.

Amós 8:13 Referans Kwoze

Oseas 2:3

Mana chayqa imaynatachus nacerqa chay p'unchaypi jina q'alallata saqesaj, ch'aki jallp'a ch'in pampaman tukuchisaj, yaku ch'akiywantaj wañuchisaj.

Lamentaciones 2:21

Kaynejpi jaqaynejpi wijch'u wijch'ulla espadawan wañuchisqas kashanku, wawas, machu runas, sipaskuna, wayna runas ima. K'ajaj phiñakuyniyki p'unchaypi wañuracherqanki, ñak'ararqankitaj mana khuyakuspa.

Lamentaciones 1:18

Señorqa cheqampuni, noqarí paypa contranta oqharikorqani. Kunanqa, runakuna, tukuy qhawaychej, rikuychejtaj imaynachus nanayniy kasqanta. Llimphu sipaskunasniywan, waynakunasniywan karuman apachisqas kanku.

Zacarías 9:17

May walej, may k'achitupunitaj kanqa chay jallp'ankoqa! May chhika trigo poqojtin, vinopis ch'irwakojtenqa; wayna wawasninchej sipaskunasninchejpis k'achitus wiñarenqanku.

Lamentaciones 2:10

Sionmanta kurajkunaqa ch'inmanta pampapi tiyarakunku, umasninkuman jallp'awan qhallarakuspa, qhashqa p'achas churaykusqas. Jerusalempi llimphu kaj sipaskunaspis pampakama k'umuykorqanku.

Jeremías 48:18

Qan Dibón llajta chay k'achitu tiyanaykimanta uraykamuy, ch'aki pampanejpitaj tiyaykukuy; Moabta chinkachejqa qampa contraykipi jamushan, paytaj chay pakakunayki wasista thuñenqa.

Isaías 40:30

Majt'illosqa llauchhuyanku, sayk'upunkutaj. Waynakunapis sayk'upunku, urmapunkutaj.

Salmos 63:1

Diosníy, qan Diosniy kanki. Tukuy sonqo mask'ayki. Qanmanta ch'akisqa kani. Tukuy kayniywan munakuyki, mana yakuyoj qhasi ch'aki jallp'a jina.

Deuteronomio 32:25

Guerra chayamojtin callespi wawasninkoqa wañonqanku, wasi ukhuspitaj manchay manchachikuy kanqa. Jinata wañonqanku waynas, sipaskuna, machu runas, ñuñoj wawas ima.

Isaías 9:17

Chayrayku Señorqa mana khuyanchu waynasta, nitaj wajcha wawasta, nitaj viudastapis. Tukuyninku sajras kanku, juchasapastaj; tukuyninkutaj parlanku sajra palabrasllata. Chay tukuywampis, Señorpa k'ajaj phiñakuynenqa manarajpuni thasnukunchu, payqa jasut'inampaj makin oqharisqallarajpuni kashan.

Oseas 2:5

Maman qhenchachakorqa, honranta t'akarqa kay jinata nispa: Risaj mask'amusaj munasqasniyta, paykuna qowanku t'antayta, ujyanayta, millmayta, linoytapis, chantá aceiteyta ujyanasniytapis.