Amós 7:6 - Qheshwa Biblia DC

⁶ Señortaj mana munanchu saqeyta, nintaj: Chaypis mana jinachu kanqa, nispa.

DIOSPA QHELQACHISQAN DEUTEROCANONICAL

⁶ Chayrayku Tata Dios imatachus yuyasqanta manaña ruwayta munarqachu: Manallataj chaypis kanqachu, nispa.

DIOSPA QHELQACHISQ

⁶ Chayrayku Tata Dios imatachus yuyasqanta manaña ruwayta munarqachu: Manallataj chaypis kanqachu, nispa.

Amós 7:6 Referans Kwoze

Jonás 4:2

Señormantaj kay jinata nerqa: Qhawariy Señor, kaytamá nerqayki jallp'aypi kashaspallaraj. Chayrayku ayqesharqani Tarsisman. Yachani ari, khuyakoj sonqo nanachikoj Dios kasqaykita, mana chhika usqhayta phiñakoj kasqaykita, chhika jatun khuyakuyniyoj kasqaykita, jasut'ej rishaspa mana jasut'isqaykita chay jina millay sajrata ruwasqankumanta.

Jonás 3:10

Diosqa ajinata ruwasqankuta rikusqa, sajra ruwayninkuta saqespa allin ñanman kutirikusqankuta. Chayrayku Diosqa manaña ruwarqachu imatachus ruwayta munasqantaqa.

Amós 7:3

Señortaj chay imasta ruwayta mana munarqachu, chayqa mana jinachu kanqa, nispa.

Jeremías 26:19

Rey Ezequías, Judamanta tukuy ayllupis Miqueasta wañucherqankuchuri? Uj jinataj karqa: Señorta reyqa manchachikorqa, mañakorqataj paykunamanta khuyarikunanta. Jinataj chaypacha Señorqa manaña ñak'ariykunasta apachimorqachu, mayqenkunatachus apachinanta nerqa chaykunata. Kunanrí, noqanchejqa jatun juchatawanchu yapaykukusunman?

Salmos 135:14

Señorqa ayllunwan justiciata ruwanqa, kamachisninmantataj khuyakonqa.

Salmos 90:13

Señor, noqaykuman kutirimpuy. Mashkha unaytataj suyankiri? Kay kamachiykitaqa khuyakuy.

Jueces 10:16

Israelitastaj t'aqakorqanku chay mana rejsisqa dioskunasninkumanta, Señortataj yupaycharqanku, Señorpis manaña munarqachu israelitas astawan ñak'arinallankutapuni.

Jueces 2:18

Señorqa sapa kuti jatarichej uj kuraj runata chantá yanapajtaj. Chay kuraj runa kausashajtintaj israelitasta kacharichejpuni enemigosnimpa makisninmanta, sinch'i ñak'ariypi waqasqasninkuta uyarispataj paykunata khuyakoj.

Génesis 6:7

Señorqa nerqa: Jallp'a patamanta q'alata chinkachisaj kay ruwasqasniy runasta; jinallataj uywasta, pampata qhatatakojkunata, p'isqostawan. Anchata pesachikuni kaykunata ruwasqaymanta.

Salmos 106:45

Paykunawan trato ruwasqanmanta yuyarikorqa, sonqontataj nanachikorqa, munakuynin may jatun kasqanrayku.

Jeremías 42:10

Sichus qankuna kay jallp'api tiyakuyta munankichej chayqa, noqa qankunata aswan allin kajwan yanapasqaykichej, mana chinkachisqaykichejchu, manachayqa allinta sayachisqaykichej, manataj t'irasqaykichejchu. Mayta sonqoyta nanachikuni kay ñak'ariykunasta qankunaman apachimusqaymanta.

Joel 2:13

Qankuna, Señor Diosniykichejman kutirikampuychej! P'achasta llik'inaykichejtaqa, sonqoykichejta llik'iychej! Imaraykuchus, Señorqa sonqonta wawayachikojmin, khuyakojtaj. May pacienciayoj, tukuy munakuyniyojtaj Payqa. Jasut'isuyta yuyasqanta saqepuytapuni munan.

Amós 7:7

Señorqa kayta rikuchillawarqataj: Señorqa uj perqa qayllapi kasharqa, makimpitaj jap'ishasqa uj wasi ruwajpa plomadanta.

Éxodo 32:14

Chaymanta Señorqa phiñakuyninta tiyaykuchikorqa, manañataj Israel runasninta chinkachiyta munarqachu.

1 Crónicas 21:15

Diosqa uj angelta kacharqa Jerusalén llajtata tukuchimunampaj. Maypachachus llajtata tukuchisajtintaj, Señorqa chayta rikuspa mayta llakikorqa, chay llakiyta ruwashasqanmanta. Chay wañurachisharqa chay angeltataj kamacherqa: Chayllaña, amaña wañurachiychu, nispa. Chay ratopeqa Señorpa angelnin kasharqa, maypichus jebuseo Ornán trigota trillasharqa chaynejpi.

Salmos 78:38

Diostaj paykunamanta khuyakoj, sajra kayninkuta pampachaj paykunata mana tukuchispa; ashkha kuti ithiricherqa phiñakuyninta, manataj phiñakuywan atipachikorqachu.