Amós 7:3 - Qheshwa Biblia DC

³ Señortaj chay imasta ruwayta mana munarqachu, chayqa mana jinachu kanqa, nispa.

DIOSPA QHELQACHISQAN DEUTEROCANONICAL

³ Chantá Tata Dios khuyakuspa, nerqa: Chaytaqa mana ruwasajchu, nispa.

DIOSPA QHELQACHISQ

³ Chantá Tata Dios khuyakuspa, nerqa: Chaytaqa mana ruwasajchu, nispa.

Amós 7:3 Referans Kwoze

Deuteronomio 32:36

Chaypacha Señorqa ayllunta yanapanqa pisi kallpayojta rikuspa. Señorqa kamachisninta khuyapayanqa, manaña pipis kasqanta rikuspa, kallpayoj kaj, mana kallpayoj kajpis.

Jonás 3:10

Diosqa ajinata ruwasqankuta rikusqa, sajra ruwayninkuta saqespa allin ñanman kutirikusqankuta. Chayrayku Diosqa manaña ruwarqachu imatachus ruwayta munasqantaqa.

Oseas 11:8

Imaynallatataj saqesqayki, Efraín? Imaynatataj qonqarparisqayki Israel? Atiymanchu Adma llajtata jina phirisuyta, chayri imaynatachus Zeboim llajtawan ruwarqani ajinallatataj qamwampis ruwayta? Sonqoyqa nanasqaña kashan, qampaj khuyakuywan junt'asqa!

Amós 7:6

Señortaj mana munanchu saqeyta, nintaj: Chaypis mana jinachu kanqa, nispa.

Joel 2:14

Ichapis yuyaychakunman qankunata mana jasut'iyta, aswantataj bendicionninta apachimusunkichejman. Ajinamanta poqoj granosmanta, vinomantataj ofrendasta Tukuy Atiyniyoj Diosniykichejman jaywanaykichejpaj.

Salmos 106:45

Paykunawan trato ruwasqanmanta yuyarikorqa, sonqontataj nanachikorqa, munakuynin may jatun kasqanrayku.

Santiago 5:16

Chayrayku, willanakuychej juchasniykichejta purajmanta. Ujkuna ujkunapaj Diosmanta mañakuychej thañisqas kanaykichejpaj; cheqan kaj runaj tukuy sonqo mañakuynenqa, sinch'i atiyniyoj.

Jeremías 26:19

Rey Ezequías, Judamanta tukuy ayllupis Miqueasta wañucherqankuchuri? Uj jinataj karqa: Señorta reyqa manchachikorqa, mañakorqataj paykunamanta khuyarikunanta. Jinataj chaypacha Señorqa manaña ñak'ariykunasta apachimorqachu, mayqenkunatachus apachinanta nerqa chaykunata. Kunanrí, noqanchejqa jatun juchatawanchu yapaykukusunman?

1 Crónicas 21:15

Diosqa uj angelta kacharqa Jerusalén llajtata tukuchimunampaj. Maypachachus llajtata tukuchisajtintaj, Señorqa chayta rikuspa mayta llakikorqa, chay llakiyta ruwashasqanmanta. Chay wañurachisharqa chay angeltataj kamacherqa: Chayllaña, amaña wañurachiychu, nispa. Chay ratopeqa Señorpa angelnin kasharqa, maypichus jebuseo Ornán trigota trillasharqa chaynejpi.

Génesis 6:7

Señorqa nerqa: Jallp'a patamanta q'alata chinkachisaj kay ruwasqasniy runasta; jinallataj uywasta, pampata qhatatakojkunata, p'isqostawan. Anchata pesachikuni kaykunata ruwasqaymanta.

Salmos 90:13

Señor, noqaykuman kutirimpuy. Mashkha unaytataj suyankiri? Kay kamachiykitaqa khuyakuy.

Jeremías 42:10

Sichus qankuna kay jallp'api tiyakuyta munankichej chayqa, noqa qankunata aswan allin kajwan yanapasqaykichej, mana chinkachisqaykichejchu, manachayqa allinta sayachisqaykichej, manataj t'irasqaykichejchu. Mayta sonqoyta nanachikuni kay ñak'ariykunasta qankunaman apachimusqaymanta.

Joel 2:13

Qankuna, Señor Diosniykichejman kutirikampuychej! P'achasta llik'inaykichejtaqa, sonqoykichejta llik'iychej! Imaraykuchus, Señorqa sonqonta wawayachikojmin, khuyakojtaj. May pacienciayoj, tukuy munakuyniyojtaj Payqa. Jasut'isuyta yuyasqanta saqepuytapuni munan.

Amós 5:15

Sajra kajta chejniychej, allin kajtataj munakuychej. Cheqan ruwayta sayachiychej juzgana cheqapi; ichapis jinamanta Tukuy Atiyniyoj Señor Dios khuyasonqachej Israelmanta puchoj runasta.

Éxodo 32:14

Chaymanta Señorqa phiñakuyninta tiyaykuchikorqa, manañataj Israel runasninta chinkachiyta munarqachu.

Salmos 78:38

Diostaj paykunamanta khuyakoj, sajra kayninkuta pampachaj paykunata mana tukuchispa; ashkha kuti ithiricherqa phiñakuyninta, manataj phiñakuywan atipachikorqachu.