Amós 5:20 - Qheshwa Biblia DC

²⁰ Arí, Señorpa jamunampeqa laqha tutalla kanqa, mana k'anchayqa kanqachu; laqha kanqa, manapuni imaynamantapis sut'imonqachu.

DIOSPA QHELQACHISQAN DEUTEROCANONICAL

²⁰ Arí, Tata Diospa p'unchaynin laqhalla kanqa, manataj k'anchay kanqachu. Tuti laqha kanqa, manataj sut'ichu.

DIOSPA QHELQACHISQ

²⁰ Arí, Tata Diospa p'unchaynin laqhalla kanqa, manataj k'anchay kanqachu. Tuti laqha kanqa, manataj sut'ichu.

Amós 5:20 Referans Kwoze

Isaías 13:10

Chayrayku janaj pachapi kaj qoyllurkuna, imaschus k'anchajkuna ima manaña k'anchanqankuchu. Inti llojsimuytawan laqhayaykonqa, killapis manaña k'anchanqachu.

Sofonías 1:15

Phiñakuy p'unchay kanqa. Chay p'unchaypitaj kay imas kanqanku: Llakikuy ayqoytaj. Thuñikuy, ch'impacha kaytaj. Tutayay, may laqhayaytaj. Phuyusqa p'unchay, laqha llanthutaj.

Ezequiel 34:12

Imaynatachus uj michejqa ch'eqerasqa ovejasnin chaupipi rikhurispa rejsirakapun, ajinata noqapis ovejasniyta rejsirakapusaj. Mayqen cheqamanchus phuyusqa p'unchaypi ch'eqerakaporqanku chaykunamanta tarikampusaj.

Apocalipsis 16:10

Phishqa kaj angeltaj phiña animalpa tiyananman copanmanta jich'aykorqa, reinontaj laqhayaykorqa, nanaywantaj runakunaqa qallusninkuta khanirakorqanku.

Judas 1:13

Phiñarisqa mar qochaj yakusnin, paykunaqa kikin p'enqayninkuta phosoqonku, ch'eqerasqa purej qoyllurkuna, pikunapajchus laqhayaypa tutayaynin wiñaypaj waqaychasqa kashan.

San Mateo 22:13

Reytaj kamachisninman nerqa: Chakin makin watasqata jawa laqhaman wijch'uychej; chaypitaj waqay, kiru k'arukuytaj kanqa.

Nahúm 1:8

Jinapis imaynatachus yaku junt'aykuspa q'alata apakapun ajinatamin tukuy Paywan churanakojkunataqa pichaponqa, may llakiykunaswan laqhayaylla qhatirenqa tukuy enemigosnintapis.

San Mateo 24:29

Ñak'ariy tiempo tukukojtintaj, inti laqhayaykaponqa; killapis manaña k'anchanqachu, qoyllurkunataj urmaramonqanku; janaj pacha atiykunataj kuyurenqanku.

Isaías 8:22

Jallp'ata qhawarispataj rikonqanku llakiyta, laqhayayta, laqhapachata, may waqaytataj, laqha ukhupitaj rikhurenqanku.

Abdías 1:15

Wajkunata chay kikin ruwasqasniyki jinallatataj qanwampis ruwakonqa. Chay ruwasqasniykiman jina jap'ikapunki! Qallapiñamin kashan tukuy nacionespaj Señorpa p'unchaynenqa.

Joel 2:2

Chay p'unchayqa tuta, laqhataj. Phuyusqa p'unchay, llanthusqataj kanqa. May atiyniyoj, yupay mana atinataj orqos pataman mast'alla junt'aykamunku, sut'iyayta jina k'ancharispa. Chayman rijch'akojqa mana jayk'ajpis karqachu, nitaj jayk'ajpis kanqañachu.