Amós 5:2 - Qheshwa Biblia DC

² Chhika k'acha llimphu Israel urmapun, manaña ujtawan sayariyta atinampaj. Kikin pampapi wijch'usqa qhepakun, mana pipis kanchu aysarej.

DIOSPA QHELQACHISQAN DEUTEROCANONICAL

² Manaraj qharita rejsej sipas jina Israelqa urman, manaña ujtawan sayariyta atinanpaj jina. Kikin jallp'api wijch'usqa qhepakun, manataj pipis kanchu aysarej.

DIOSPA QHELQACHISQ

² Manaraj qharita rejsej sipas jina Israelqa urman, manaña ujtawan sayariyta atinanpaj jina. Kikin jallp'api wijch'usqa qhepakun, manataj pipis kanchu aysarej.

Amós 5:2 Referans Kwoze

Jeremías 14:17

Aylluyman niy kayta: Tuta p'unchay mana sayk'uyta ñawisninkumanta waqaykunas surumuchunku, aylluypa chay jina sinch'i ñak'ariyninmanta, sinch'i nanasqasniyoj kasqanmanta.

Amós 9:11

Uj p'unchay jamushan Davidpa ayllunta urmasqamanta sayarichinaypaj. Davidpa yupaychana wasinta sayarichisaj, lajrasninta llup'aykusaj, pampachasqa kasqanmanta oqharisaj, watejmanta sayarichisaj, imaynachus ñaupajta karqa kikinta.

Amós 8:14

Samariaj lantisninrayku jurajkuna nenqanku: Oh Dan, diosniykej kausayninmanta; qampis Beerseba dioskunasniykichej kausayninmanta, nejkunapis urmanqanku manaña ujtawan sayarimunankupaj.

Oseas 14:1

Israel, kutirikuy Señor Diosniykiman, imaraykuchus juchasniykirayku urmarqanki!

Oseas 6:2

Uj ratollapi kausayninchejta kutichipuwasunchej, sayarichiwasunchej ñaupaqempi kausananchejpaj.

Lamentaciones 2:13

Chaymantaqa pi rikojtataj pusamusqaykiri? Jerusalempa ususin, pimantaj rijch'achisqaykiri? Siompa llimphu ususin, pimantaj rijch'achisqayki qanta sonqochasunaypajri? Qampa llakiyniykeqa mar qocha jina may jatumpuni. Pitaj kunanqa thañichisonqari?

Jeremías 50:32

Qan phiñanakuta mask'aj nación misk'aspa urmanki, manataj pipis uyarikoj kanqachu. Tukuy llajtasniykiman ninata jap'iykuchisaj, chay ninataj tukuy muyuynintinta ruphaykonqa.

Jeremías 31:4

Israel, watejmanta oqharisqayki. Watejmanta chhulloj chhullojkunawan jamunkichej kusiywan tusurispa.

Jeremías 18:13

Chayrayku Señorqa niwarqa: Naciones ukhupi tapuriychej, ichapis pi kay jinata nejta uyarin. Israel aylloqa manchay millayllatapuni ruwan!

Jeremías 4:20

Sapa kuti llakiykunasmanta willaykunas chayamun. Tukuy jallp'antin phirisqa kashan. Uj ratollapi toldosniy phirisqas rikhurerqanku, maqanakuna toldosnimpis phaskasqas karqanku.

Jeremías 2:27

Uj k'aspita ninkichej: Qan tatay kanki!, nispa. Uj rumitataj ninkichej: Qan mamay kanki!, nispa. Noqamantaj wasanchakuwankichej, manataj uyaykichejta rikuchikuwankichejchu. Maypachachus ñak'ariypi rikhuriytawankamari, nishawankichej: Jamuy salvanawaykupaj!, nispa.

Isaías 43:17

Llojsichimorqataj carrosta, caballospi rejkunata, mayta wapuykachaj soldadosta ima. Tukuyninku chinkarerqanku amaña ujtawan jatarimunankupaj. Chaypi paykunaqa uj mechero jina tukukapunku.

Isaías 37:22

Kay jinata Señorqa nin chay reypa contranta: Rey Senaquerib, Sión llajtaqa uj sipas jina qhesachasunki, uyaykipi asiykukusunki. Jerusalén llajtaqa qhepaykimanta umanta khiwirispa asiykakamusunki.

Isaías 24:20

Jallp'aqa uj machasqa runa jina, chankaykachanqa, ch'ujlla jina kaynejman jaqaynejman wajtaykachakonqa. Juchasnenqa manchaytapuni llasaykun, urmachenqataj manañataj ujtawan sayarikonqankuchu.

Isaías 14:21

Wakichiychej wawasninkuta wañuchinaykichejpaj, tatasninku juchallikusqankurayku; amaña oqharikuspa jallp'ata jap'ikunankupaj, nitaj kay pachata llajtaswan junt'achinankupaj.

Isaías 3:8

Cheqamanta Jerusalenqa urmaykapun, Judapis thuñiykukun, imaraykuchus chaypeqa mana parlanasta parlanku, millay imasta Señorpa contranta ruwanku, Señorpa jatun kayninta qhesachaspa.

2 Reyes 17:16

Señor Diosninkoj tukuy kamachisqasninta saqerparerqanku. Paykunataj metalta unuyachispa iskay waka lantista ruwakorqanku. Asera k'ullu lantistapis ruwakullarqankutaj. Chay jawaqa yupaychallarqankutaj Baalta, cielopi tukuy qoyllurkunatawan.

2 Reyes 15:29

Israelmanta rey Pekaj p'unchaykunasnimpitaj asiriospa reynin Tiglat-pileser jamuspataj Israelmanta wakin llajtasta jap'ikaporqa: Ijonta, Abel-bet-amaacata, Janoata, Cedestsa, Hazorta, Galaadta, Galileata tukuynin Neftalitawan. Chaymantataj Asiriaman presosta aparqa.

Jeremías 8:4

Qan, Jeremías, aylluyman kay parlasusqayta willaykuriy: Pipis urmaytawan sayarikun chayqa, ñanta chinkachejpis ñanman kutirimun.

Jeremías 9:9

Manachu kay imasmantaqa jasut'iymanri? Manachu ajina llajtamanqa ruwasqanman jina qopuyman? Noqa Señormin chayta nini.

Jeremías 9:21

Wañoyqa wasisninchejman yaykuykamun, palaciosninchejpi, callespi wawasta wañuchinampaj, waynastataj plazaspi.