Amós 5:16 - Qheshwa Biblia DC

¹⁶ Ajinatamin nin Tukuy Atiyniyoj Señor Diosqa: Tukuy plazaspi waqay kanqa, tukuy callespitaj nanaywan qhapariy kanqa, chay llakiymantaj campo runasta wajyanqanku, waqaspa kausajkunatapis chay waqayman wajyanqanku.

DIOSPA QHELQACHISQAN DEUTEROCANONICAL

¹⁶ Ajinatamin nin Tukuy Atiyniyoj Tata Dios: Tukuy plazakunapi waqay kanqa, tukuy callekunapitaj nanaywan qhapariy kanqa. Campo runakunata wajyanqanku paykunawan khuska waqanankupaj, pagomanta waqajkunatataj waqanankupaj mink'allanqankutaj.

DIOSPA QHELQACHISQ

¹⁶ Ajinatamin nin Tukuy Atiyniyoj Tata Dios: Tukuy plazakunapi waqay kanqa, tukuy callekunapitaj nanaywan qhapariy kanqa. Campo runakunata wajyanqanku paykunawan khuska waqanankupaj, pagomanta waqajkunatataj waqanankupaj mink'allanqankutaj.

Amós 5:16 Referans Kwoze

Joel 1:11

Qankuna, campospi, uvas sach'aspitaj llank'ajkunaqa, llakiyniykichejpi waqaychej, imaraykuchus tarpoyqa, trigota oqharina, cebadata oqharinapis pierdekapun.

Jeremías 9:10

Orqosnejpi waqaychej, ayqhoychejtaj, llakiy wayñusta pasto pampaspi takiychej, imaraykuchus ruphasqasña kashanku, nitaj pipis chaynintaqa purinñachu, manañataj wakaspa ulisqankupis uyarikunñachu, phawaj p'isqospis, sajra animalespis ayqekaporqanku.

Apocalipsis 18:19

Umasninkumantaj ñut'u jallp'ata jich'aykukuspa qhaparerqanku, jik'un jik'unta waqaspataj nerqanku: Way, way jatun llajtamanta! Mar qochapi tukuy botesniyoj paypa kapuyninwan qhapajyarqanku. Kunantaj uj horallapi ch'inyarparin.

Apocalipsis 18:10

Paypa ñak'ariyninmanta manchaywan, karupi sayaykuspa, nenqanku: Way, way chay jatun Babilonia llajtamanta! Uj horallapi ñak'ariyniyki chayamusunki.

Miqueas 2:4

Jaqay p'unchaykunapeqa llakiy waqay yarawista takisonqanku. Nisonqachejtaj: Cheqamanta q'ala tukuyninchejpuni t'una ruwasqas karqanchej; llajtanchej kaj, Señorninchejpata kajkunapis wajpaj makinman chayarqa ni pejpa jark'akusqallan; tukuy jallp'asninchejpis q'ala rak'irasqa karqa noqanchejta jap'ikapoj jamojkuna ukhupi.

Miqueas 1:8

Chayrayku waqasaj jik'un jik'unta, chayraykumin q'ara chakilla purisaj q'arallataj pampa alqo jina auqespa, qhaparqachaspataj waqaspa suri jina.

Amós 8:10

Wañusqasmanta waqayman fiestasniykichejta tukuchisaj. Takisqasniykichejtapis aya p'ampaypi waqayman tukuchisaj. Luto p'achasta churachisqaykichej. Umasniykichejta ruthuchisqaykichej, llakiypi kasqaykichej yachakunampaj. Waqankichejtaj uj runa k'ata wawan wañupojtin waqan jinata. Tukuy ima tukukonqa may llakiypi.

Amós 5:27

Damascomanta aswan jaqayman apachichisqaykichej. Ajinata nin Tukuy Atiyniyoj Señor Diosqa. Chaymin sutenqa.

Amós 3:13

Ajinata nin soldadospa Tukuy Atiyniyoj Diosnin: Jacobpa ayllumpa contrampi ch'ayaykuychej.

Joel 1:14

Runasta tantarqamuychej, ayunomantataj paykunaman willaraychej. Señor Diosninchejpa templompi tantaykuychej kurajkunasta, kay llajtapi tiyakoj tukuynin runastawan, Señormantataj qhaparikuychej.

Joel 1:8

Imaynatachus uj casarakoj sipas waqan luto p'achata churakuspa, paywan casarakoj novion wañupusqanrayku,

Jeremías 4:31

Nanaywan qhapariykunasta uyarini, uj warmi, ñaupaj kaj wawanta nacechikuspa nanaywan qhaparqachan ajina. Chaykunaqa Sión orqoj qharparikusqasnin kanku, makisnintataj jaywarakun. Ay noqamanta! Kay runa wañuchis wañuchishawankuña!, nispa.

Isaías 22:12

Chayrayku, Tukuy Atiyniyoj Señorqa wajyasorqachej, mayta llakikuspa waqanaykichejpaj, umaykichejtataj ruthunaykichejpaj, qhashqa p'achastataj churakunaykichejpaj.

Isaías 15:8

Chay jinata runaspa qhaparikusqankoqa, Moab jallp'aj mojonesninkama uyarikorqa. Waqasqankutaj chayarqa Eglainkama, Beer-elimkama ima.

2 Crónicas 35:25

Jeremiasqa uj yarawita wakicherqa Josiaspa wañupusqanmanta yuyarikunapaj tukuy takiykuna qharispi warmispipis. Josiasmanta yuyarikuspa kay yarawita takinkupuni kunankama. Kay yaraweqa Israel ayllu ukhupi takisqapuni, qelqasqataj yarawi takiykuna libropi.

Oseas 4:3

Chayrayku kay llajtaqa llakiyllapipuni kashan. Q'ala mana kallpayojllaña kashanku chay tukuy tiyakojkunaqa; monte animalespis, phawaj p'isqospis chantá mar qochapi challwaspis tukuynin wañurashanku.

Joel 1:15

Way, Señorpa p'unchaynin qayllamushanña! Chay jatun manchachej p'unchayqa tukuy atiyniyoj Diosmanta t'unaykuyta apamushawanchej!

Amós 8:3

Chay p'unchaypi palaciopi takisqankoqa may llakiyman tukonqa. Ashkha runas wañonqanku, ayasninkoqa jawa ch'in laqhaman wijch'usqas kanqanku. Chaytamin nin Señorqa.

Jeremías 9:16

Tatasninkoj mana rejsisqan llajtasman ch'eqerachisaj, chaypitaj makinkupi t'ojsinaswan qhatiykachachisaj, mana ujniyojta tukuchinankukama.