Amós 5:15 - Qheshwa Biblia DC

¹⁵ Sajra kajta chejniychej, allin kajtataj munakuychej. Cheqan ruwayta sayachiychej juzgana cheqapi; ichapis jinamanta Tukuy Atiyniyoj Señor Dios khuyasonqachej Israelmanta puchoj runasta.

DIOSPA QHELQACHISQAN DEUTEROCANONICAL

¹⁵ Mana allin kajta chejniychej, allin kajtataj munakuychej. Justicia ruwana wasipi cheqan justicia ruwasqa kananta mask'aychej. Jinata ruwajtiykichej, ichapis Tukuy Atiyniyoj Tata Dios puchoj israelitakunamanta khuyarikunman.

DIOSPA QHELQACHISQ

¹⁵ Mana allin kajta chejniychej, allin kajtataj munakuychej. Justicia ruwana wasipi cheqan justicia ruwasqa kananta mask'aychej. Jinata ruwajtiykichej, ichapis Tukuy Atiyniyoj Tata Dios puchoj israelitakunamanta khuyarikunman.

Amós 5:15 Referans Kwoze

Romanos 12:9

Munakuspaqa, ama munakojllamanchu rijch'akuychej. Sajra kajta chejniychej, allin kajtataj ruwaychej.

3 Juan 1:11

Munasqa hermano, ama sajra kajtaqa yachaqakuychu, astawanqa cheqa kajllata. Cheqa kajta ruwajqa, Diosmanta. Pichus sajrata ruwajrí, Diosta mana rejsinchu.

Joel 2:14

Ichapis yuyaychakunman qankunata mana jasut'iyta, aswantataj bendicionninta apachimusunkichejman. Ajinamanta poqoj granosmanta, vinomantataj ofrendasta Tukuy Atiyniyoj Diosniykichejman jaywanaykichejpaj.

Salmos 97:10

Señorqa sajrata chejnikojkunata munakun. Payman t'aqasqakunaj kausayninkuta waqaychan, sajrakunaj makisninman urmanankumantapis libran.

Romanos 8:7

Chayrayku aychaj sajra yuyaynenqa Diospa contrampi; imaraykuchus Diospa leyninwan mana kamachichikunchu, nitaj kasuyta atinchu.

Miqueas 5:3

Señorqa kunan saqerenqa Paypata kajkunata, chay warmi pichus uj qhari wawata nacechikunan kashan chay nacekunankama. Chaypacha tantarikonqanku chay llajtankumanta wijch'usqas kashanku llajta masisnin israelitaswan.

Éxodo 32:30

Q'ayantin Moisesqa runasman nerqa: Qankunaqa uj jatun juchata ruwarqankichej, kunanqa wicharisaj maypichus Señor kashan chayman, ichapis Señorqa juchasniykichejta pampachanqa.

Jonás 3:9

Ichapis Diosninchej jinamanta juchasninchejta pampachanman, k'ajaj phiñakuynintaj tiyaykunaman, jinamanta mana wañusunchu, nispa.

Amós 5:24

Astawampis ashkhayachun cheqan ruway yaku jina, k'acha kaytaj kachun mana tukukoj yaku pujyu jina.

Salmos 36:4

Camampi winkuspa sajrata ruwananta yuyaynimpi wakichikun. Sajra ñannimpi kayta munampuni, manataj sajra kajta saqeyta munanchu.

1 Reyes 20:31

Chanta kamachisnenqa Ben-adadman nerqanku: Noqaykoqa uyariyku Israelmanta reyesqa, khuyakoj reykuna kasqankuta; ukhunchejman qhashqa p'achasta churakunachej, wasqhastawan kunkasninchejman, chanta rinachej Israelpa reyninman, ichapis ajinamanta kausajta saqewasun.

Romanos 7:22

Sonqoypeqa Diospa leynimpi kusikuni.

Miqueas 2:12

Jacobpa ayllunmanta kajkunata tukuyninta tantasaj; Israelmanta uj chhika puchojta oqharikapusaj. Tantaykusaj, ovejasta tropanman tantaykunchej ajinata, pastos chaupipi michisqa ovejas jina kanqanku, may chhika tunas jinataj ch'ajwarenqanku.

Amós 6:12

Caballosqa atinkumanchu chhankasta wichariyta? Mar qochataqa atikunmanchu wakasman llank'ayta? Qankuna cheqan kajta venenoman tukuchinkichej. Allin ruwaypa poqoynintapis jayaman tukuchinkichej.

Amós 5:10

Ay qankunamanta cheqan kajta ruwajta chejnejkuna, cheqanta sut'inchajkunata millachikojkuna.

Amós 5:6

Señorman qayllaychej, chantaqa kausankichejtaj. manachus jinata ruwankichej chayqa, Pay ninata apachimonqa Israelpa patanman; Betelpitaj mana pipis kanqachu chay ninata thasnoj.

Jeremías 31:7

Señorqa nin: Kusiy takiykunasta kusiywan takiychej Jacobpa ayllunrayku. Paymin tukuy nacionesmanta aswan kurajqa. Uyariychej yupaychaykunasta, niychejtaj: Señorqa ayllunta salvarqa, Israelmanta puchojkunata.

Salmos 119:104

Kamachisqasniykimanta yachayta orqhoni; chayrayku chejnikuni tukuy sajra puriyta.

Salmos 37:27

Sajra kajmanta karunchakuy, allin kajtataj ruway, wiñaypajtaj uj cheqapi tiyakunki.

Salmos 34:14

Karunchakuy tukuy ima sajramanta, allin kajtataj ruway. Sonqo tiyasqa kayta mask'ay, chaytataj qhatiy.

2 Reyes 19:4

Ichapis Señorqa uyarinña, chay kuraj kamachejpa parlasqasninta, pitachus wiraqochin Asiriamanta reyqa kachamorqa, kausaj Diosmanta sajrata parlanampaj. Señor Diosniykeqa chay ch'ichi palabrasninta uyarispa jasut'ichun. Kunanqa kaypi qhepakojkunarayku Diosmanta mañay ari.

2 Reyes 15:29

Israelmanta rey Pekaj p'unchaykunasnimpitaj asiriospa reynin Tiglat-pileser jamuspataj Israelmanta wakin llajtasta jap'ikaporqa: Ijonta, Abel-bet-amaacata, Janoata, Cedestsa, Hazorta, Galaadta, Galileata tukuynin Neftalitawan. Chaymantataj Asiriaman presosta aparqa.

2 Reyes 13:7

Joacazpata manaña ashkhachu runas karqa, imaraykuchus Siriamanta rey Hazael tukuyninkutapuni wañuykucherqa, pampapitaj jallp'ata jina saruykorqa. Paypataqa tiyaporqaraj phishqa chunka soldados caballospi rejkuna, chunka carretas, chunka waranqa soldadospiwan.

2 Samuel 16:12

Ichapis Señorqa uyariwanqa kay llakiyniyta rikuspa, bendicionesninta apachimuwanman chay maldicionespa cuentanmantaqa.

Salmos 80:1

Israelta michej, uyariy, José aylluta tropaykita jina pusanki, querubinespa patampi tiyakoj k'anchaykamuy.

Daniel (hebreo) 2:49

Danielpa mañasqanman jina Sacracta, Mesacta, Abed-negotawan rey churarqa aswan kuraj puestosman Babilonia llajtapi. Danieltaj tiyakorqa reypa tiyakunan wasipi.

Amós 7:3

Señortaj chay imasta ruwayta mana munarqachu, chayqa mana jinachu kanqa, nispa.

Jonás 1:6

Buquepi kamachejtaj jamuytawan Jonasman qayllaykuspa nerqa: Imanayasunkitaj puñuysiki? Sayariy, Diosniykiman qhaparikuy, ichapis pay khuyakuwasunman ama wañunanchejpaj.

Sofonías 2:3

Qankuna kay pachapi pisi kapuyniyojkuna tukuyniykichej Señorta mask'aychej, jinallataj kamachisqasninta junt'ajkuna, cheqa kaj imasta ruwaychej k'umuykukuychejtaj. Ajinamanta ichapis waqaychasqas kankichej Señorpa phiñakuynin p'unchaynimpi.

Malaquías 3:18

Chaypacha qankuna ujtawan reparakunkichej, imachus allin, imatajchus mana allin kasqanta, reparakunkichejtaj pichus Diosta yupaychasqanta, pitajchus Diosta mana yupaychasqantawan.

Jeremías 18:8

Chay nación sajramanta t'aqakunman chaypachaqa, chay apachimunay karqa chay jasut'ita manaña apachimusajchu.

Jeremías 22:3

Kay llajtapi ruwaychej allin kajta, cheqan kajtataj. Chay ñak'arejkunata sajra runaspa ñaupaqenmanta kacharichiychej, ama k'umuykachachiychejchu, nitaj ñak'arichiychejchu waj llajtayojkunata, Amataj wajcha wawasta, warmi sapastapis. Ama wañuchiychejchu mana juchayoj runastaqa.

Ezequiel 45:9

Señorqa kay jinata nin: Kaykamalla kachun Israelpi kamachejkuna! Ama astawan mana allin kajta ruwaychejchu, nitaj mana kajmantapis orqhoychejchu. Cheqa kajman jina puriychej, cheqantataj imatapis ruwaychej. Amaña runasniymanta jallp'ankuta suwaychejchu. Noqa Señor kaytaqa kamachini.

Miqueas 3:2

Chaywampis qankunaqa, allin kajta chejninkichej munakunkichejtaj sajra kajta, qankuna aylluytaqa qaranta ch'uskinkichej q'ara tullusllatataj saqenkichej.