Amós 5:11 - Qheshwa Biblia DC

¹¹ Qankunaqa mana atiwajchejchu rumimanta ruwasqaykichej wasispi, nitaj vinotapis ujyawajchejchu tarpusqaykichej uvasmanta; wajchasta sarusqaykichejrayku; trigomanta impuestota mañasqaykichejrayku.

DIOSPA QHELQACHISQAN DEUTEROCANONICAL

¹¹ Qankunaqa ch'eqosqa rumimanta ruwasqaykichej wasikunapi mana tiyakuyta atinkichejchu, nitaj poqochisqaykichej uvamanta vinotapis ujyayta atinkichejchu, imaraykuchus wajchakunata waqacherqankichej, poqochisqanku trigomantataj ashkha impuestota orqhorqankichej.

DIOSPA QHELQACHISQ

¹¹ Qankunaqa ch'eqosqa rumimanta ruwasqaykichej wasikunapi mana tiyakuyta atinkichejchu, nitaj poqochisqaykichej uvamanta vinotapis ujyayta atinkichejchu, imaraykuchus wajchakunata waqacherqankichej, poqochisqanku trigomantataj ashkha impuestota orqhorqankichej.

Amós 5:11 Referans Kwoze

Sofonías 1:13

Chayrayku waqaychasninkuta, suwas qhechonqanku. Wasisninkutaj thuñisqas kanqa. Wasista ruwakonqanku, manataj chay wasispi tiyakonqankuchu. Uvasta plantanqanku, chay uvas sach'aj poqoyninmantataj vinota mana ujyanqankuchu.

Miqueas 6:15

Tarpunki chaypis manataj cosechata orqharinkichu; aceitunasta kutaspapis, manataj aceitenta oqharinkichu; uvasta saruspapis manataj vinotaqa ujyankichu;

Deuteronomio 28:30

Sapa ujniykichejpa casaranampaj parlasqan chay warmeqa, ujwantaj riponqa. Sapa ujniykichej wasita ruwakunkichej, nitaj chaypi tiyakunkichejchu. Uvas sach'asta churankichej, nitaj poqoyninta mikhunkichejchu.

Santiago 2:6

Qankunaqa wajchata p'enqacherqankichej, manachu qhapajkunaqa atiyninkuwan llank'achisorqachej, llakichisorqachej? Manachu paykunallataj juecespaman qhatatisorqachej?

Hageo 1:6

Qankuna ashkhata tarpunkichej, pisitataj oqharinkichej. Mikhunkichej, manataj sajsakunkichejchu. Ujyankichej, chaywampis ch'akichikullankichejpuni. P'achata churakunkichej, manataj q'oñikunkichejchu. Jornal llank'ajtaj, pagonta jap'ispa jusk'u wayaqaman churaykun.

Miqueas 2:2

Jallp'asta munapayanku, jap'ikapunkutaj; wasista munapayanku, suwankutaj. Runastapis mayta ñak'arichinku, ayllusninkutapis chantá tukuy kapuyninkutapis.

Amós 3:15

Phirita ruwasaj chiri tiempo wasista, q'oñi tiempo wasistapis. Merfilmanta wasista chinkachisaj, jatuchaj palaciostapis t'unasaj. Ajinata nin Señorqa.

Isaías 16:10

Llank'ana jallp'aspi kusiy takiy tukukaponqa, uva huertaspi manaña takiykuna kanqachu, manaña kusikonqankuchu, manaña vino ruwanapaj uvastapis ch'irwanqankuchu. Kusiywan ch'ajwanankoqa tukukun.

Ezequiel 26:12

Qhapaj kapuyniykita suwasonqanku, qhatunapaj kaj imasniykita qhechurasonqanku. Perqasniykita loqheykonqanku, k'acha wasisniykitataj thuñiykonqanku. Rumisniykita, kurkusniykita, thuñisqa perqasniykitawan, mar qochaman wijch'onqanku.

Amós 2:6

Ajinata nin Señorqa: Israelitasqa ashkha sajra imasta ruwaspa juchallikunku; chayrayku paykunata jasut'isajpuni, paykunaqa mana juchayoj qolqerayku vendenku; wajcha runastataj ujut'asrayku vendenku.

Amós 3:9

Asdodpa palaciosnimpi, Egiptoj palaciosnimpiwan willamuychej, niychejtaj: Samaria orqosman tantakamuychej, qhawaychejtaj imayna pejtuchus chaypi kasqanta, imaynatatajchus runasta ñak'arichisqankuta.

Amós 4:1

Uyarichej kay palabrasta, sumaj mentasqa warmis, Samaria orqospi tiyakojkuna. Qankuna ñak'arichinkichej wajchasta, pisichikojkunata maqankichej. Qosasniykichejtataj kamachinkichej: Apamuychej vinota, ujyanachejtaj, nispa.

Amós 6:11

Señorqa jasut'ita apachimonqa jatuchaj wasisman, juch'uychaj wasismanwan, ajinamanta chay wasis thuñispa chinkachisqas kanqanku.

Amós 6:12

Caballosqa atinkumanchu chhankasta wichariyta? Mar qochataqa atikunmanchu wakasman llank'ayta? Qankuna cheqan kajta venenoman tukuchinkichej. Allin ruwaypa poqoynintapis jayaman tukuchinkichej.

Amós 8:4

Uyariychej kayta: Qankunaqa llamp'u sonqoyojkunamanta ch'irwashankichej, chay jallp'aspi wajcha runastataj mana allimpi rikhurichinkichej.

Miqueas 1:6

Chayraykumin Señor nin: Samaria llajtata ruwasaj phirisqa wasi qollusllataña, uvas plantana campotataj kicharisaj. Chay llajtamanta rumisninta tukuy pampata junt'achisaj, ura urannej rumistapis patannej sut'iman churamusaj.

Malaquías 1:4

Esaojpa miraynin Edom llajtayojkunachus ninkuman: T'unasqas karqanchej, watejmanta llajtanchejta sayachinallataj nispa chayqa; Tukuy Atiyniyoj Señorqa paykunaman kutichinman: Watejmanta llajtankuta ruwakojtinkoqa, noqa ujtawan t'unallasajtaj. Jallp'ankumantataj nenqanku: Kay jallp'aqa sajra nisqa, runasninkumantataj nenqanku: Kay runaswanqa Señor wiñaypaj phiñasqa, nispa.

Job 20:19

Wajchasmanta qhechuspa mana imayojta saqerqa, jap'ikaporqa mana ruwasqan wasista.

Ezequiel 34:21

Qankunaqa tulluyasqa ovejasta tanqaspa karunchacherqankichej. Wajraspataj tullu ovejasta jawaman ayqecherqankichej.

Oseas 9:2

Israel aylloqa mana trigoyoj nitaj vinoyoj kanqa, mosoj vinon kajpis mana bastachu kanqa.

Amós 2:7

Wajchasta ñak'arichinku, k'umuykachachinkutaj, manataj imatapis cheqanta ruwayta munankuchu pisi yachayniyoj runaspaj. Tatantaj wawantaj uj warmillawan puñuykunku. Ajinamanta llimphu sutiyta ch'ichichanku.

Amós 9:14

Chaymanta karu llajtaman wijch'usqamanta Israel aylluyta pusakampusaj. Watejmanta sayarichenqanku t'unasqa llajtankuta, chaypitaj tiyakonqanku; watejmanta uvaskunata plantanqanku, vinotataj ujyanqanku. Chaymanta huertasta ruwanqanku, chaykunapi poqojtataj mikhonqanku.