Amós 4:13 - Qheshwa Biblia DC

¹³ Señormin ruwarqa orqostaqa, jinallataj wayratapis; runamantaj imatachus yuyasqanta rejsicherqa; k'anchay kajta laqhaman tukuchin; jallp'a patasta purejqa; Señor, Tukuy Atiyniyoj Dios: Chaymin sutenqa.

DIOSPA QHELQACHISQAN DEUTEROCANONICAL

¹³ Tata Diosmin orqokunata, wayratapis ruwarqa. Runamanpis imatachus yuyasqanta rejsichillantaj. Payqa k'anchayta laqhaman tukuchin, kay pachaj aswan patanejtataj purin. Sutenqa Tukuy Atiyniyoj Tata Diosmin.

DIOSPA QHELQACHISQ

¹³ Tata Diosmin orqokunata, wayratapis ruwarqa. Runamanpis imatachus yuyasqanta rejsichillantaj. Payqa k'anchayta laqhaman tukuchin, kay pachaj aswan patanejtataj purin. Sutenqa Tukuy Atiyniyoj Tata Diosmin.

Amós 4:13 Referans Kwoze

Amós 5:8

Señormin chay chhika ashkha qoyllurkunata ruwajqa, tutatapis p'unchayman tukuchin, p'unchaytapis laqhaman tukuchin; Pay mar qochamanta yakutapis wajyaspa jallp'a pataman parachimun; Paymin jatuchaj perqasta urmachin, raqaymantaj tukuchin. Paypa sutenqa Señormin.

Miqueas 1:3

Señormin llojsimonqa maypichus tiyakushan chaymanta thaskispataj pay jamonqa montesniykichejpa orqosninta pampachaspa.

Amós 9:6

Señorqa janaj pachapi wasinta churan, chay muyurisqa qhosi qhatanatataj jallp'a pataman k'umpuykun; paymin mar qochamanta yakustaqa wajyan, jallp'a patamantaj jich'amun. Chaypataqa Señormin sutenqa.

Isaías 47:4

Tukuy Atiyniyoj Señor, salvadorninchej, Israelpa Santo Diosnenqa, kay jinata nin:

Daniel (hebreo) 2:28

Chay tukuywampis janaj pachapi uj Dios tiyan. Payqa sut'ita rikuchin pakaypi kaj tukuy imasta. Paymin rey Nabucodonosormanqa sut'ita rikuchin, imaschus jamoj p'unchaykunapi chayamunanta. Kayqa, reyman willasaj mosqoyninta, imaschus rikhurerqa puñushajtin chayta.

Jeremías 13:16

Señor Diosniykichejta yupaychaychej, manaraj pay laqhayayta apachimushajtin, manaraj laqhayaj orqopi misk'akushajtiykichej, Manaraj laqhayayman tukuchishajtin, Manchay suyasqaykichej chay k'anchay manaraj tukukapushajtin.

Salmos 65:6

Qan orqosta sinch'ita sayachinki, atiyniykiwan, kallpaykiwantaj.

Deuteronomio 33:29

Qanqa, Israel, sumaj kusikuyniyoj kanki. Pitaj qan jinari? Qantaqa Señorpuni librasonqa. Pay imamantapis jark'akusunki, yanapasunkitaj. Paymin atipanayki espadaykeqa. Enemigosniykeqa qanman k'umuykamusonqanku. Qantaj wapuykachasqankuta tukuchinki.

Zacarías 12:1

Kayta, Israelmanta Señor parlarqa: Señor pichus janaj pachata aysarqa, kay pachatapis sayacherqa, runamampis kausayta qorqa, ajinata nisunkichej: Qhaway, Jerusalenqa uj vinoyoj vasota jap'enqa; tukuy qayllampi kaj llajtakunatataj machaykuchenqa. Maypachachus chaykuna Jerusalenman maqanakoj yaykonqanku chaypacha, Judamanta kaj waj llajtasmampis yaykullanqankutaj.

Amós 8:9

Chay p'unchaytaj nin Señor Diosqa: Chaupi p'unchay kashajtin intita laqhaykuchimusaj, chay kikin p'unchayllataj jallp'ata laqhaykuchimusaj.

Jeremías 51:19

Jacobpa Diosenqa mana jinachu. Payqa ruwan tukuy kay pachapi kaj imasta. Paymin Israelta ajllakorqa paypata kanampaj; sutenqa Tukuy Atiyniyoj Señormin.

Jeremías 10:16

Waj jinapuni kay tukuy imasta ruwajqa, chaymin Jacobpa Diosnenqa. Paymin Israel aylluta paypata kanampaj ajllakorqa. Tukuy Atiyniyoj Señormin sutenqa. Profetaqa nin:

Isaías 40:12

Pitaj mar qochata makinwan t'ajlliyan, janaj pachatapis mashkhanchus kasqanta wikiyan? Pitaj kay pachata kaj chhika jallp'ata chimpuman churanri, romanawantaj jatuchaj orqosta pesan, jinallataj juch'uy lomastapis?

Deuteronomio 32:13

Paykunata pata jallp'asnejta pusarqa, campo poqoykunatapis mikhucherqa. Chhankamanta llojsimoj misk'ita ujyacherqa, sinch'i rumimanta llojsimoj aceiteta ujyacherqa.

Éxodo 14:20

Ajinamanta phuyoqa chaupipi rikhurerqa egipcioswan israelitaswan ama rikunakunankupaj. Chay phuyoqa egipciosta laqhaykorqa, israelitastataj tutan k'ancharqa. Chay tutaqa ni mayqen qayllaykunakorqankuchu. Chayrayku egipciosqa israelitasta mana taripayta aterqankuchu.

Éxodo 10:22

Moisestaj chayta nejtinkama makinta pataman oqharerqa, laqhayaytaj manchayta laqhayaykorqa tukuynin Egipto jallp'ata kinsa día junt'ata.

San Juan 3:8

Wayraqa maymantachus munasqanmanta wayramun, sonasqantataj uyarinki, manataj yachankichu maymantachus jamusqanta, nillataj maymanchus risqantapis; chay kikinmin Espiritumanta nacisqa kajqa.

Habacuc 3:19

Señorniymin kallpata qowan; chakisniymampis qon kallpata usqhay usqhayta taruka jina purinaypaj, aswan pata patasnillanta purinaypaj chaypi salvasqa kanaypaj.

Amós 6:8

Pay kikinmanta Señorqa juran. Tukuy Atiyniyoj Señor Diosqa ajinata nin: Jacobpa ayllun wapuykachasqanta chejnini, palaciosninta mana rikuyta munanichu, enemigosman llajtata jaywasaj, imasninchá tiyan chaytawan.

Amós 5:27

Damascomanta aswan jaqayman apachichisqaykichej. Ajinata nin Tukuy Atiyniyoj Señor Diosqa. Chaymin sutenqa.

Amós 3:13

Ajinata nin soldadospa Tukuy Atiyniyoj Diosnin: Jacobpa ayllumpa contrampi ch'ayaykuychej.

Jeremías 51:16

Sinch'i qhapariyninwan phuyuspi yakusta sonarichin; kay pachaj cantosninmantapacha phuyusta pataman wicharichin. Paramojtimpis lliuj lliujkunata k'ancharichin; wayratapis jallch'ananmanta orqhomun.

Jeremías 10:13

Jatun sinch'i qhapariyninwan janaj pachapi yakuspis tantakunku, jallp'aj cantosninmantapacha phuyusta wicharichimun, paramunampajpis lliuj lliujkunasta k'ancharichimun, jallch'asqa kasqanmanta wayrasta orqhomun.

Isaías 48:2

Diospa llajtanmanta kayku ninkichej, Israelpa Diosninman atienekuyku nispa. Chay Diospa sutenqa Tukuy Atiyniyoj Señormin.

Isaías 5:30

Chay nacionqa chay p'unchaypi chayamuspa manchayta Israelpa contranta sonanqa mar qocha jina; pillapis jallp'ata qhawarejqa llakiywan laqhayaykushajta rikonqa, cielopi k'anchajkunatapis laqhayaykushajta.

Salmos 147:18

Pay kamachejtin chhullunkas chhulluranku. Pay wayrachimojtin, yakusqa puririnku.

Salmos 139:2

Tukuy ruwasqasniyta qan yachanki. Yuyasqaytaqa karumantapacha qan yachanki.

Salmos 135:7

Jallp'aj k'uchunmantapacha phuyusta orqhomun, para lliuj lliujkunata rikhurichin, wayratapis orqhomun.

San Juan 2:25

Manataj karqachu runamanta imatapis payman willana; payqa yachallarqa imachus runapi kasqanta.

San Mateo 9:4

Jesustaj imatachus yuyasqankuta yachaspa, nerqa: Imaraykutaj sonqoykichejpi sajra imasta yuyashankichej?

Daniel (hebreo) 2:30

Noqamampis kay mana yachay atina pakasqa kajta Dios rikuchiwarqa. Manamin tukuy runasmanta aswan yachayniyoj kasqayraykuchu, mana chayqa reyman sut'ita willanaypaj, imatachus niyta munasqanta chay mosqoynin, ajinamanta reyqa yachanampaj imastachus sonqompi yuyaychakusharqa chay imasmanta.

Joel 2:2

Chay p'unchayqa tuta, laqhataj. Phuyusqa p'unchay, llanthusqataj kanqa. May atiyniyoj, yupay mana atinataj orqos pataman mast'alla junt'aykamunku, sut'iyayta jina k'ancharispa. Chayman rijch'akojqa mana jayk'ajpis karqachu, nitaj jayk'ajpis kanqañachu.

Job 9:7

Dios kamachin intita mana llojsimunanta, jinallataj qoyllurkunatapis mana k'anchajta saqenchu.

Isaías 45:7

Noqa ruwani k'anchayta, laqhayayta. Noqallataj ruwani sonqo tiyakuyta, llakiytapis. Noqa Señorlla chay tukuy imastaqa ruwani.

Jeremías 46:18

Noqa rey kani, sutiytaj Tukuy Atiyniyoj Señor, kausayniyrayku juraykichej: Tabor jina, tukuy orqosmanta aswan jatun kaj, Carmelo orqotaj mar qocha cantopi aswan oqharisqa, ajinatamin jamushan chay enemigoqa.

Oseas 12:6

Ajinaqa ari, Israel kutirikuy Diosniykiman; ruwasqasniyki kachun munakuypi cheqa kajpitaj, Diosniykipitaj confiakullaypuni.