Amós 4:12 - Qheshwa Biblia DC

¹² Chayrayku Israel, qantapis kikinta ruwasqayki, chaytaqa ruwasajpuni. Wakichikuy Diosniykiwan tinkunaykipaj.

DIOSPA QHELQACHISQAN DEUTEROCANONICAL

¹² Chayrayku Israel, kunanqa noqa ruwasqaykiman jina qanwan ruwasaj, ajinata ruwanasuy kajtintaj, Diosniykiwan uyapurakunaykipaj wakichikuy, nispa. Ajinata Tata Dios nin.

DIOSPA QHELQACHISQ

¹² Chayrayku Israel, kunanqa noqa ruwasqaykiman jina qanwan ruwasaj, ajinata ruwanasuy kajtintaj, Diosniykiwan uyapurakunaykipaj wakichikuy, nispa. Ajinata Tata Dios nin.

Amós 4:12 Referans Kwoze

Ezequiel 13:5

Perqapi jusk'usman mana wicharerqankichejchu, ni perqatapis Israel aylloj muyuynimpi llajtata waqaychanampaj ruwankichejchu, maqanakuna p'unchaypi sinch'ita sayanampaj Señorpa p'unchaynin chayamojtin.

Isaías 47:3

Tukuy ukhuykipis q'alalla rikukonqa, p'enqayniykipis sut'ipacha kanqa, chaypacha aynita kutichisqayki. Mana pi runapis jark'awanqachu.

San Mateo 24:44

Chayrayku qankunapis wakichisqas kaychej; imaraykuchus mana yuyasqaykichej horapi Runaj Churenqa jamonqa.

San Mateo 5:25

Piwanchus phiñasqa kanki chayqa, paywan usqhayta ñanllataraj rishaspa allinyakuy, ama enemigoyki juezwan jap'ichisunampaj, jueztajrí soldadoswan, soldadostaj ama carcelman wisq'asunankupaj.

Oseas 13:8

China jukumari imaynatachus uñasninta chinkachispa llojsin mask'aj, ajinata ñanninkuman llojsisaj, sonqonkutataj t'unata ruwasaj. Chay kikimpi uj león jina oqoykusaj, monte animal jinataj q'alata t'unasaj.

Ezequiel 22:30

Chay runas ukhupi noqa mask'arqani pillapis kay llajtaj allinninta sayarinanta ñaupaqeypi noqamanta kay llajtarayku mañapunampaj, ajinamanta kay llajtata ama chinkachinampaj, manataj ujllatapis tarerqanichu.

Apocalipsis 3:3

Yuyariy ari imatachus jap'isqaykita, uyarisqaykitawan. Chaytaqa waqaychaytaj. Juchamanta kutirikuy. Manachus mana puñuspa qhawanki chayqa, suwa jina jamusqayki, nitaj ima horapichus jamunayta yachankichu.

Amós 2:14

Correspapis mana atinkichejchu ayqeyta; aswan kallpayoj kajpatapuni kallpan pisenqa. Mana librakuyta atenqachu sumaj kallpayoj kajpuni.

Isaías 32:11

Qankuna, mana imata ruwaspa chukoj warmis, manchachikuychej ari; mana imamanta llakiyniyoj warmis, kharkatiychej ari. Chay p'achasniykichejta lluch'ukuychej. Qhashqa p'achasta churakuychej llakisqa kasqaykichejta rikuchinaykichejpaj.

Isaías 64:2

Imaynatachus ninaqa unuyachin, mankapi yakutapis t'impuchin ajinata, enemigosniykiman imaynachus kasqaykita rikuchinaykipaj, qampa ñaupaqeykipi nacionespis kharkatitinankupaj.

Jeremías 5:22

Noqa Señor nini: Qankuna manachu manchachikuwankichej? Manachu ñaupaqeypi kaspa kharkatitinkichej? Noqa mar qochaj cantosninman t'iyuta churani. Chay tukuyninmanta astawan jaqaymanqa mar qocha mana pasanñachu. Chay qhollchoqeyasqasnenqa astawan astawan, manchayta sonarispa phiñarikun, chaywampis mana pasayta atinchu.