Amós 4:11 - Qheshwa Biblia DC

¹¹ Jasut'erqaykichej t'unanaykama, imaynatachus Sodomata Gomorratawan jasut'erqani jinata. Nina brasas orqhosqa jina karqankichej. Qankunataj mana kutirimuwankichejchu. Ajinata nin Señorqa.

DIOSPA QHELQACHISQAN DEUTEROCANONICAL

¹¹ Sonqo nanayta phiriykorqaykichej, imaynatachus Sodomata, Gomorratawan ruwarqani, ajinata. Ninamanta orqhosqa nina k'aja jina karqankichej. Chaywanpis manapuni noqaman kutirikamuwarqankichejchu. Noqa Tata Diosmin chayta nini.

DIOSPA QHELQACHISQ

¹¹ Sonqo nanayta phiriykorqaykichej, imaynatachus Sodomata, Gomorratawan ruwarqani, ajinata. Ninamanta orqhosqa nina k'aja jina karqankichej. Chaywanpis manapuni noqaman kutirikamuwarqankichejchu. Noqa Tata Diosmin chayta nini.

Amós 4:11 Referans Kwoze

Zacarías 3:2

Señorpa angelnintaj nerqa chay ch'ataykoj angeltaqa: Señor k'amisuchun, nispa. Jerusalenta munakoj chay Señor k'amisuchun nispataj, kay runata k'ajarishaj carbón jina karqa.

Isaías 13:19

Babiloniaqa nacionespa munakusqanku, caldeospa mentasqanku llajta. Chay llajtaqa tukukonqa Diospa tukuchisqan Sodoma, Gomorra llajtas jina.

Jeremías 23:14

Jerusalenmanta profetasta rikullanitaj manchay millay imasta ruwashajta. Qhenchachakunku, ch'aukiyankutaj, astawantaj umachakunku chay juchasapasta. Chayrayku paykunaqa mana juchamanta t'aqakunkuchu. Paykuna, chantá llajtapi tiyakojkuna noqapaj Sodoma llajta jina, Gomorra llajta jinataj kanku.

Judas 1:23

Wakintarí salvaychej, ninamanta ayqechispa; wakintataj manchachikuywan khuyakuychej, chejniychejtaj aychampa ch'ichichasqan p'achatapis.

Judas 1:7

Jinallatataj, Sodoma, Gomorra llajtas, chay qayllapi kajkunapis qhenchachakorqanku cuerponkoj contranta juchallispa; chayrayku paykunaqa wiñaypaj nina larwayta ñak'arerqanku. Chayqa wananapaj churasqa karqa.

2 Pedro 2:6

Jinallatataj Sodomapi, Gomorrapi tiyakoj runasta juchacharqa, ninawantaj ruphacherqa ushphayanankukama; qhepa p'unchaykunapi, Diosta mana yupaychaj runas yachanankupaj chayta ruwarqa.

Amós 4:6

Noqa yarqhayta apachimorqaykichej tukuy llajtasniykichejman; noqa mikhunamanta pisicherqaykichej, tukuy llajtasniykichejpi. Chaywampis qankunaqa mana noqaman kutirimuwankichejchu. Ajinata nin Señorqa.

Apocalipsis 9:20

Chay waj runas mana wañorqankuchu chay jasut'iykunawan; nitaj chaywampis makisninkoj ruwasqasninmanta Diosman kutirikorqankuchu, supaykunata yupaycharqanku, lantistawan, qorimanta ruwasqasta, qolqemanta, broncemanta, rumimanta, k'aspismanta ima. Chaykunaqa mana qhawayta atinkuchu, nitaj uyariyta, nitaj puriytapis.

1 Corintios 3:15

Pejpatachus ruwasqan ruphaykonqa chayqa, mana jap'enqachu chinkachisqanmanta. Chaywampis, payqa salvasqa kanqa, ninamanta jina ayqekuspa.

Oseas 11:8

Imaynallatataj saqesqayki, Efraín? Imaynatataj qonqarparisqayki Israel? Atiymanchu Adma llajtata jina phirisuyta, chayri imaynatachus Zeboim llajtawan ruwarqani ajinallatataj qamwampis ruwayta? Sonqoyqa nanasqaña kashan, qampaj khuyakuywan junt'asqa!

Ezequiel 24:13

Jerusalén, chay jina millay ch'ichichakusqasniykita llimphuchasuyta munarqani, qantaj manapuni llimphuchakorqankichu, llimphoqa kanki maypachachus noqa phiñakuyniyta qampi thasnusaj chaypacha.

Jeremías 49:18

Sodoma, Gomorra jinataj kanqa, chantá chay muyuynin llajtas thuñisqas karqanku, ajinata. Manataj pipis chaypi watejmanta tiyakonqañachu, ni uj ratollapajpis.

Romanos 9:29

Isaiaspis ñaupajta nerqa: Ejercitospa Señorninchus mana mirayta saqewasunman karqa chayqa, Sodoma, Gomorra llajtas jina kasunman karqa.

Deuteronomio 29:23

Tukuy kay jallp'apeqa rikonqanku azufrellata, kachillata, ruphasqa jallp'ata imalla. Chaypi mana imatapis tarponqankuchu, nitaj imapis poqoyta atenqachu, manapuni ima qhorallapis wiñayta atenqachu, imaynachus karqa Sodoma, Gomorra, Adma, Zaboim llajtaspi. Chaykunataqa sinch'i phiñakuyninwan chinkacherqa.

Deuteronomio 28:24

Señorqa pataykichejman parachimusonqachej ñut'u jallp'ata, t'iyuta ima, qankuna chinkachisqas kanaykichejkama.

Isaías 9:12

Sirios inti llojsimuynejmanta jamunku, inti yaykuynejmantataj filisteos. Chaykunataj Israeltaqa simi junt'ata mikhuykorqanku. Chaywampis Señorpa phiñakuynenqa manarajpuni thasnukunchu, jasut'inampaj wakichisqallapuni kashan.

Jeremías 5:3

Señor, qanqa cheqan runasta mask'ashanki. Jasut'erqanki, manataj nanachikorqankuchu; t'unaykorqankipis, manataj yachayta munarqankuchu. Ancha k'ullukojkunas kanku, rumismanta aswan sinch'istaj, manapuni allin ñanman kutirimuyta munarqankuchu.

Jeremías 50:40

Sodoma, chantá Gomorra, jinataj chay qayllampi llajtasnin ima, phirisqa qhepakonqa. Manañataj chaypi pipis tiyakonqachu, nitaj ñan purejkunapis jarakonqankuñachu. Noqa Señor chayta nini.

Oseas 11:5

Chaywampis paykunaqa manapuni kutirimuwayta munarqankuchu. Chayraykumari Egiptoman kutirinanku karqa. Asiriataj paykuna patapi kamachenqa.

Hageo 2:17

Noqa tukucherqani tukuy llank'asqaykichejta, onqoywan, granizowantaj. Chaywampis qankunaqa mana noqaman kutirimorqankichejchu, noqa Señor nini.