Amós 2:10 - Qheshwa Biblia DC

¹⁰ Qankunatataj Egiptomantapacha orqhomorqaykichej, tawa chunka watastataj pusaykacharqaykichej ch'in pampaspi, chay runaspa jallp'asninkuta qankunaman qonayrayku.

DIOSPA QHELQACHISQAN DEUTEROCANONICAL

¹⁰ Qankunatarí Egipto suyumanta orqhomorqaykichej, tawa chunka watatataj ch'innejpi pusaykacharqaykichej, amorreokunaj jallp'ankuta jap'inaykichejpaj.

DIOSPA QHELQACHISQ

¹⁰ Qankunatarí Egipto suyumanta orqhomorqaykichej, tawa chunka watatataj ch'innejpi pusaykacharqaykichej, amorreokunaj jallp'ankuta jap'inaykichejpaj.

Amós 2:10 Referans Kwoze

Deuteronomio 2:7

Qankunataqa Señor Diosniykichej bendicisunkichej tukuy ima ruwasqasniykichejpi. Kay tawa chunka watas junt'ata qankunawan karqa Señorqa. Kay chhika karu ch'inkunasta pay pusaykachasorqachej sumajta waqaychaspa, nitaj imatapis pisichisorqachejchu.

Éxodo 12:51

Chay kikin diallataj Señorqa orqhorqa Egiptomanta israelitaspa soldadosninta.

Amós 3:1

Uyariychej, israelitas, Señorpa nisqanta: Pi ayllustachus Señorqa Egiptomanta orqhomorqa chaykunaman nin: Tukuy kay jallp'a patapi kaj chhika ayllusmanta qankunallata ajllaykichej, chayrayku tukuy juchata ruwasqasniykichejmanta cuentata mañasqaykichej.

Hechos 13:18

Tawa chunka watata jina ch'in pampapi kashajtinku, imaymana kausayniyoj kashajtinkupis, Diosqa pacienciarqa paykunata.

Hechos 7:42

Chayraykutaj Dios paykunamanta t'aqakorqa, saqerqataj patapi kaj qoyllurkunata yupaychanankuta, imaynatachus profetaspa escribisqankupi nishan: Israelitas, noqamanchu uywasta wañuchispa jaywawarqankichej, tawa chunka watasta ch'in pampapi kashaspa?

Miqueas 6:4

Noqa Egiptomanta orqhorqayki, kamachi kashajtiyki librarqayki; Moisesta, Aaronta, Mariatapis kachamorqayki pusanasuypaj.

Amós 9:7

Ajinata nin Señorqa: Noqapajqa israelitas etiopeswan ujlla kankichej. Imaynatachus Egiptomanta pusamorqaykichej, ajinallatataj filisteostapis Cretamanta pusamorqani, arameostapis Kirmanta pusamorqani.

Éxodo 3:8

Chayrayku uraykamuni egipciospa makinmanta, atiyninmanta ima orqhonaypaj; chay jallp'ankumanta orqhospa sumaj jatun jallp'aman pusanaypaj, mayqempichus lechewan misk'iwan yaku jina corrishan chayman. Chay jallp'apeqa tiyakushanku kay runas: Cananeos, heteos, amorreos, ferezeos, heveos, hebuseos ima.

Ezequiel 20:10

Egipto jallp'amanta orqhospa paykunata ch'in pampaman pusarqani.

Salmos 95:10

Tawa chunka watasta chay runa mitawan phiñasqa karqani. Nerqanitaj: Kay runasqa mana allintachu purinku, manataj kamachisqasniytapis kasuwankuchu.

Nehemías 9:21

Tawa chunka watas junt'ata ch'in pampapi mikhuyta qorqanki, manataj jayk'ajpis imallankupis piserqachu; nitaj p'achasninkupis thantakorqachu, nitaj chakisninkupis punkejchu.

Deuteronomio 1:39

Qankunaqa creerqankichej, enemigosniykichejqa wawasniykichejta mamasnintawan jap'ikapunankuta. Kunanqa chay wawasniykichej manaraj yuyayniyojchu kajkuna yachanankupaj imachus allin, imachus mana allin kasqanta, chay jallp'aman chayanqanku. Noqa paykunaman chay jallp'ata qosaj jap'ikapunankupaj.

Éxodo 20:2

Noqa Señor Diosniyki kani, Egiptomanta orqhomorqayki, kamachillapuni kanaykimanta.

Números 21:25

Ajinamanta israelitasqa amorreospa llajtasnimpi tiyakaporqanku, Hesbón llajtaspi, tukuy campo jallp'asnintimpi.

Josué 13:4

Uraynejmantaj kashan tukuy cananeospa jallp'anku, sidoneospa llajtanku Meharamantapacha Afeckama, amorreospa jallp'ankoj mojonninkama.

Números 13:32

Wakin rejkunataj llullakuspa israelitasman nerqanku: Noqayku qhawamorqayku chay jallp'asqa chaypi tiyaj runasta mikhuykoj kasqa, chaypi tiyakoj runaspis jatuchaj kanku.

Números 32:13

Chaymanta Señorqa manchayta phiñakorqa, israelitasta ch'in pampaspi puricherqa tawa chunka watasta, tukuy rimajkuna wañuranankukama. Señorpa ñaupaqempi mana allinta ruwasqankurayku.

Josué 24:8

Chaymantataj noqaqa amorreospa jallp'anman pusamorqaykichej, pikunachus Jordán mayu chimpapi tiyakorqanku chayman. Paykunataj qankunawan maqanakorqanku, noqataj paykunata makisniykichejman churarqani, qankunataj paykunataqa atiparqankichej, jallp'asninkutataj jap'ikorqankichej. Ajinata qhawashajtiykichej noqaqa paykunata chinkacherqani.

Jeremías 2:6

Manaña noqamanta tapukuwankuchu: Maypitaj kashan, Egipto jallp'amanta orqhomuwarqanchej ch'inkunasnejta, may wayq'orara ch'in jallp'asnejta, mana yakuyoj jallp'asnejta, mana pejpa purisqan, nitaj tiyakusqan, may manchachikuna jallp'asnejta pusamuwarqanchej chay Diosri?, nispa.