Amós 1:2 - Qheshwa Biblia DC

² Nerqataj: Sión orqomanta Señor musphayta qhaparimojtin, chantá Jerusalenmantawan chaypacha, ch'iki jallp'as ch'akiponqa, Carmelo orqo puntaspis astawan ch'akenqa.

DIOSPA QHELQACHISQAN DEUTEROCANONICAL

² Amós nerqa: Jerusalenpi Tata Dios sinch'ita Sión orqomanta parlajtin, pampapi q'omer pasto ch'akiponqa, jinallataj Carmelo orqopis ch'akiponqa.

DIOSPA QHELQACHISQ

² Amós nerqa: Jerusalenpi Tata Dios sinch'ita Sión orqomanta parlajtin, pampapi q'omer pasto ch'akiponqa, jinallataj Carmelo orqopis ch'akiponqa.

Amós 1:2 Referans Kwoze

Joel 3:16

Maypachachus Señorqa uyarichimonqa jatun qhapariyninta, Jerusalempi Sión orqomantapacha chaypachaqa, janaj pacha, jinallataj jallp'apis kharkatiyta qallarinku. Chaywampis Señorqa waqaychajnin jark'ajnintaj kanqa israelita runaspaj, paykuna ayllun kasqanrayku.

Jeremías 25:30

Qan, Jeremías, sutiypi kay tukuyta willaray, niytaj: Señorqa chay sinch'i qhapariyninta kachaykamun, maypichus llimphu tiyakunan chay patamantapacha. Uvasta ch'irwajkuna jina qhaparin, paypa ayllumpa contranta, tukuy jallp'api tiyakojkunaj contrampiwan.

Amós 9:3

Carmelo orqo puntamampis pakakamuchunku, chaymampis risaj mask'aj; sichus ukhu mar qochaman pakakamuwanqanku chaypis, qocha ukhupi purej katarita kachaykusaj, chayñataj chinkachinampaj.

Jeremías 12:4

Mayk'ajkamataj jallp'a ch'akillapuni kanqari, campopi qhoraspis qawisqas kanqankuri? Uywakuna, phawajkunapis wañurapushanku, kay jallp'api tiyakojkunaspa juchasninrayku. Paykuna yuyanku ruwasqasninkuta mana rikusqaykita.

Isaías 42:13

Señorqa atipaj runa jina rikhurimonqa, ch'ajwapi maqanakoj runa jina phiñakonqa, jatunmanta manchayta qhaparispa enemigosninta atipanampaj.

Nahúm 1:4

Payqa manchachin mar qochatapis chantá ch'akirparichintaj. Ch'akichillantaj mayuspi yakustapis. Basampa camposninmanta Carmelo orqosninmantapis qhorasnin qawipunku, Líbanoj t'ikasnimpis qawipullantaj.

Joel 2:11

Señorqa ejercitompa ñaupaqempi kashan. Jatun qhapariynintataj uyarichin. Soldadosnenqa may ashkhapuni kanku. Kamachisqasninta junt'ajkunataj mana yupay atinas kanku. May jatun, manchachikunataj Señorpa p'unchaynenqa! Mana kanchu pipis ñaupaqempi sayarejqa.

Oseas 13:8

China jukumari imaynatachus uñasninta chinkachispa llojsin mask'aj, ajinata ñanninkuman llojsisaj, sonqonkutataj t'unata ruwasaj. Chay kikimpi uj león jina oqoykusaj, monte animal jinataj q'alata t'unasaj.

Jeremías 50:19

Israel aylluy jallp'anman kutipunanta saqesaj, imaynatachus ovejapaj ashkha pastos tiyan ajina, Carmelopi, Basami, Efraimpa orqosnimpi, Galaadpi ima.

Isaías 35:2

Chay ch'in pampaqa qhallallarispa t'ikanqa, mayta kusikuspataj takenqanku. Líbano orqo jina may k'achitu kanqa, Carmelo jallp'as, Sarón jallp'as jinataj sumajta poqoj jallp'as kanqa. Ajinamanta paykunaqa Señorpa atiyninta rikonqanku, Diosninchejpa k'acha kaynintawan.

Isaías 33:9

Jallp'aqa llakisqa, onqosqataj kashan; Líbano orqoqa may p'enqaywan qawisqa kashan, Sarón jallp'aqa ch'impachaman tukupun, Basán jallp'awan, Carmelo jallp'awanqa t'ojrapacha kashan.

Proverbios 20:2

Uj phiñasqa reyqa qhaparishaj león jina. Phiñachejqa kausayninta wañuy pataman churan.

1 Samuel 25:2

Maón llajtapi uj manchay qhapaj runa tiyakorqa, kinsa waranqa ovejasniyoj, waranqa cabrasniyoj. Carmel llajtapitaj uywasnin tiyaporqa. Chaypachataj Carmelpi ovejasninta ruthusharqa.

Salmos 46:6

Tukuy llajtas qhaparinku, kamachejkunapis kharkatinku, jallp'apis unuyan pay parlarejtin.

Jeremías 28:8

Ñaupa tiempospi kaj profetasqa manaraj qan, nitaj noqapis kashajtinchej willarasqanku ashkha nacionespa contrampi atiyniyoj reykunaj contrankupi ima kananta, maqanakus, ñak'ariykunas, onqoykunas ima.

Oseas 11:10

Paykuna Señorta qhatenqanku, Señortaj uj león jina qhaparenqa. Paypata kajkunata inti llojsimuy ladomanta qharkatitispa jamonqanku.

Joel 1:19

Señor, qanta qhaparikamuyki. Nina ruphaykun ari ch'impi kaj qhorasta, jinallataj campopi kaj sach'astapis!

Salmos 29:4

Señorpa parlaynenqa sinch'i, Señorpa parlaynenqa atiyniyoj.