Abdías 1:14 - Qheshwa Biblia DC

¹⁴ Mana sayaykunaykichu karqa chay ñan pasanasnimpi ayqekojkunata wañurachinaykipaj. Nillataj chay ñak'ariy p'unchaypi ayqakojkunata jap'ispa jaywaykunaykichu karqa.

DIOSPA QHELQACHISQAN DEUTEROCANONICAL

¹⁴ Mana k'ullku ñanpi suyaykunaykichu karqa ayqekojkunata wañurachinaykipaj. Nillataj ñak'ariy p'unchaypi ayqekojkunata jap'ispa, awqankuman jaywaykunaykichu karqa.

DIOSPA QHELQACHISQ

¹⁴ Mana k'ullku ñanpi suyaykunaykichu karqa ayqekojkunata wañurachinaykipaj. Nillataj ñak'ariy p'unchaypi ayqekojkunata jap'ispa, awqankuman jaywaykunaykichu karqa.

Abdías 1:14 Referans Kwoze

Abdías 1:12

Mana qanqa kusikunaykichu karqa maypachachus hermanoyki llakiypi rikhurerqa chay p'unchaypeqa. Mana llajtanman yaykunaykichu karqa ñak'ariypi kashajtin, nillataj kusikunaykichu karqa may llakiypi rikukushajtin. Manallataj kusikunaykichu karqa Judata rikuspa chay ñak'ariy llakiy p'unchaynimpeqa, nillataj asiykukunaykichu karqa llakiyninkupi.

Amós 1:9

Ajinata nin Señorqa: Tiromanta runasqa ashkha sajra imasta ruwaspa juchallinku, chayrayku paykunata jasut'isajpuni; paykunaqa tukuy aylluntinta Edomman vendeykunku wata runasta jina, chay aylluwantaj uj tratota ruwarqanku hermanos jina kanankupaj.

Amós 1:6

Ajinata nin Señorqa: Gazamanta runas ashkha sajra imaspi juchallinku, chaynejta jasut'isajpuni; imaraykuchus llajtantinta apaspa Edonman presosta pusakaporqanku.

Jeremías 30:7

Uj jatun ñak'ariy p'unchay qayllamun, chay jina p'unchayqa mana ujtawan kanqachu. Uj llakiy p'unchaykuna Jacobpa ayllumpaj kanqa, chaywampis salvakonqa.

Isaías 37:3

Chayaspataj Isaiasman willarqanku: Kay jinata nin rey Ezequías: Kunan p'unchayqa may llakiypi tarikunchej, may k'amisqa, k'umuykachachisqataj. Imaynachus uj onqoj warmeqa onqokunampachapi mana kallpayoj llauch'ipacha tarikun, ajinata rikhurinchej.

Salmos 31:8

Mana enemigosniypa makisninman jaywaykuwarqankichu, qan sinch'ita chakisniyta sayacherqanki.

Génesis 35:3

Usqhayllata risunchej Betelman; chaypi ruwamunay tiyan uj altarta, llakisqa kashajtiy yanapawaj Diosman, Pay yanapawan tukuy puriyniypi.

San Mateo 22:9

Kunanqa riychej, ñankunapi tarisqaykichejtakama banqueteman wajyamuychej.

Isaías 16:3

Ninkutaj: Imaynatachus ruwanaykita niwayku ari, noqaykuta jark'akuwayku chaupi p'unchaypi llanthuykiwan pakaykuwayku ari ch'isin jina. Chay wijch'umusqa kajkunataqa pakaykuy ari, amataj ayqekojkunata jap'ichiychu ari.

Isaías 16:4

Moabmanta ayqekojkunata wajyarikuy ari, chay ñak'arichejkunamanta qanqa pakay ari; imaraykuchus chay ñak'arichejqa tukukonqa. Chay jinatapuni tukuchejqa chinkanqa. Chay sarojpis kay jallp'a patapeqa chinkachisqa kanqa.