2 Timoteo 4:7 - Qheshwa Biblia DC

⁷ Allin tinkupi maqanakuniña, ruwanaytapis tukuychaniña, jinapis creespallapuni kani.

DIOSPA QHELQACHISQAN DEUTEROCANONICAL

⁷ Noqaqa soldado jina sumajta maqanakorqani tukuy imapi Diosta kasunaypaj. Maymanchus chayanayman chayashaniña. Chantá Diospi atinikusqaypi mana llawch'iyarqanichu.

DIOSPA QHELQACHISQ

⁷ Noqaqa soldado jina sumajta maqanakorqani tukuy imapi Diosta kasunaypaj. Maymanchus chayanayman chayashaniña. Chantá Diospi atinikusqaypi mana llawch'iyarqanichu.

Quechua South Bolivia: Dios Parlapawanchej

⁷ Sumaj makanacupi tincorkaniña sajra cajta atipanaypaj. Ruwanasniyta tucuniña. Diospa sumaj willanasninta encargawaskantapis junt'arkani.

2 Timoteo 4:7 Referans Kwoze

1 Timoteo 6:12

Sumajta maqanakuy ferayku, wiñay kausaymanta jap'iykukuy, chaypaj qanqa wajyasqa karqanki, tukuy rikushajtin Señorta sonqoykipi jap'ikusqaykirayku.

Hechos 20:24

Chaykunataqa mana manchachikunichu, nitaj wañuytapis; astawanqa kausayniyta tukuchiyta munani Señor Jesucristo kamachiwasqanta junt'aspa, willaspataj Diospa evangelionmanta, yanapayninmantawan.

San Juan 4:34

Jesustaj paykunaman nerqa: Mikhuyneyqa kachamuwajniypa munayninta junt'anay, ruwanantataj tukuchanay.

San Lucas 11:28

Jesustaj kuticherqa: Diospa palabranta uyarispa kasojkunarajmá aswan kusikuyniyojqa kanqanku.

Apocalipsis 3:8

Rejsini ruwasqasniykita. Qhaway, ñaupaqeykipi uj punkuta churani. Chaytaqa mana pipis wisq'ayta atinchu; imaraykuchus uj chhinka kallpayojllaraj kanki, palabraytataj waqaycharqanki, sutiytapis mana qhesacharqankichu.

Apocalipsis 3:10

Qanqa nisqayman jina pacienciakorqanki, noqapis qanta waqaychasqayki tentación horapi, chaytaj tukuy mundoman jamonqa, mundopi tiyakojkuna rejsisqas kanankupaj.

San Lucas 8:15

Sumaj jallp'api tarpusqa mujutaj ninakun, pikunachus sumaj sonqowan, cheqan yuyaywantaj Diospa palabranta uyarinku, jap'ispataj, pacienciawan sumaj poqoyta apanku.

1 Timoteo 6:20

Ya, Timoteo, allinta waqaychay imatachus nerqayki chayta. Ama kasuychu qhasi mana kaj palabraswan thautiykunata. Amataj kasuychu llulla yachachiytapis, sumaj yachay nisqa chayta.

2 Timoteo 1:14

Noqanchejpi tiyakoj Santo Espiritunejta tukuy nisusqayta waqaychay.

1 Timoteo 1:18

Timoteo wawáy, kayta kamachiyki ruwanaykita, imaynatachus ñaupajtaña hermanos, Espirituman jina yuyaychasqas qanmanta nerqanku, chaykunaman jina maqanakupi, allinta tinkunaykita, feniykita, allin concienciaykitawan jallch'aspa; imaraykuchus wakenqa concienciankuta mana kasuspa, feninkuta chinkacherqanku.

San Juan 17:6

Sutiykita rejsicherqani mundomanta qowasqayki runasman. Qampata karqanku, qopuwarqankitaj, paykunataj palabraykita waqaycharqanku.

Proverbios 23:23

Cheqa kajta jap'eqaypuni, amataj kacharikuychu, yachaymanta, unanchaymanta, yuyaychaymantawanqa.

Hechos 13:25

Juantaj wañunan qayllapiña nerqa: Pi kasqaytataj qankuna yuyankichejri? Mana suyasqaykichej chaychu kani. Payqa noqaj qhepayta jamushan, manataj phaskaranaypaj jinachu kani chakisninmanta ujut'asnillantapis.

Gálatas 2:2

Chayman rerqani Dios sut'ita kamachiwasqanrayku. Kurajkunamantaj willarqani evangeliota, chay willasqayqa ama qhasi kanampaj gentilespa chaupimpi.

Filipenses 1:30

Qankunapis chay maqanakupi kashankichej imaynatachus noqatapis rikuwarqankichej maqanakojta, kunampis noqapi uyarishankichej maqanakushallasqaytapuni.

2 Timoteo 3:10

Qanqa allinta jap'ikorqanki yachachisqayta. Yachankitaj imaynatachus kausasqayta, imaynatachus ruwayta munasqayta, feniy kallpayoj kasqanta, munakuyniyta, pacienciayta, qhatiykachawasqankuta, ñak'arisqayta ima. Qan yachanki imaynachus riwasqanta Antioquiapi, Iconiopi, Listrapi ima. Yachallankitaj mayta ñak'arisqayta. Chay tukuymantaqa Señorlla jark'awarqa.

Apocalipsis 6:11

Yuraj p'achasta sapa ujninkuman qorqanku, nerqankutaj uj pisitawan samarinankuta, kamachi masisninku, hermanosninku ima junt'amunankukama. Paykunapis wañuchisqasllataj kananku tiyan.

Números 8:25

Phishqa chunka watasniyojmantataj chay ruwanasmanta llojsiponqanku.

Jueces 3:2

Señorpuni saqerqa israelitas maqanakuyta yachanankupaj chay pischus ni jayk'aj maqanakuman chayarqankuchu chaykunapaj.