2 Timoteo 3:2 - Qheshwa Biblia DC

^2-4 Runakuna kanqanku paykuna kikinkuta munakojkuna, qolqeta astawan munajkuna, alabakojkuna, jatunchakojkuna, Diospa contranta rimajkuna, tatasninkuta mana kasojkuna, mana yuyarejkuna, Diosta mana yupaychajkuna, mana khuyakojkuna, mana allinyakuyta munajkuna, qhasimanta tumpajkuna, sajra munaykunata mana atipayta atejkuna, rumi sonqos, allin kajta chejnejkuna, wasanchajkuna, mana kajmanta phiñakojkuna, runaykachajkuna, kay pacha kusikuykunata munakojkuna, Diosta munakunankumanta nisqaqa.

DIOSPA QHELQACHISQAN DEUTEROCANONICAL

² Chaypacha runakuna kay jina kanqanku: Imallatapis paykunallapaj munajkuna, qolqemanta wañusqa, runaykachajkuna, may kasqankuta yuyajkuna ima. Kallanqankutaj Diosmanta alqorakojkuna, tatankuta mamankuta mana kasojkuna, mana pachis niyta yachajkuna, chantá Diosta mana manchachikojkuna ima.

DIOSPA QHELQACHISQ

² Chaypacha runakuna kay jina kanqanku: Imallatapis paykunallapaj munajkuna, qolqemanta wañusqa, runaykachajkuna, may kasqankuta yuyajkuna ima. Kallanqankutaj Diosmanta alqorakojkuna, tatankuta mamankuta mana kasojkuna, mana pachis niyta yachajkuna, chantá Diosta mana manchachikojkuna ima.

Quechua South Bolivia: Dios Parlapawanchej

² Cankancu runas pay quiquillancuta munacojcuna, kolke munacojcuna, mentacojcuna, jatunchacojcuna, sajra parlajcuna, tatasnincuta mana casojcuna, mana graciasta kocojcuna, Diosta mana manchachicojcuna.

2 Timoteo 3:2 Referans Kwoze

Filipenses 2:21

Tukuy mask'anku ari paykunajllata, manataj Cristo Jesuspa kajtaqa.

Salmos 10:3

Sajra runaqa imaynatachus munasqanmanta alabakun. Munapayajqa maldicin, Señortaj qhesachan.

Judas 1:16

Paykunaqa wasa rimakus kanku. Phiñanachejkunataj, munayninkuman jinataj purinku. Siminkoqa may jatun kasqankumanta parlan, runastataj llunk'unku qolqerayku.

1 Timoteo 6:10

Tukuy sajra kajpa saphenqa qolqeta munakuy. Chayta munapayaspa wakenqa Diosmanta t'aqakorqanku, ashkha imaymana llakiykunapitaj rikukorqanku.

2 Pedro 2:18

Chay runasqa, jatunmanta qhasi mana kajta parlaspa, wajkunata aychaj millay munayninman, tukuy laya runasman ima pusanku pikunachus cheqamanta ayqerqankuña, chay pantaypi kausajkunamanta.

Santiago 4:6

Payqa astawan khuyakuwanchej. Chayrayku escrituras nin: Diosqa jatunchakojkunata qhesachan, k'umuykukojkunatataj yanapan.

Colosenses 3:5

Wañuchiychej ari qankunapi jallp'a patapi sajra imasta munasqaykichejta: Qhenchachakuyta, khuchiriota, aychaj munayninta ruwayta, sajra munapayayta, anchata qolqeta munapayayta ima. Chayqa lantita yupaychaywan ninakun.

1 Pedro 5:5

Jinallatataj waynas, kurajkunata kasuychej. Purajmanta kasunakuspa llamp'u sonqos kaychej. Diosqa jatunchakojkunata qhesachan, k'umuykukojkunatataj yanapan.

San Lucas 12:15

Chantá nillarqataj: Qhawakuychej, tukuy imasta munapayaymanta. Runaj kausaynenqa mana qhapaj kayllapichu kashan.

Daniel (hebreo) 11:36

Wichaynejpi kaj reyqa tukuy ima munasqanta ruwanqa. Jatunchakuynenqa maypuni kanqa. Tukuy dioskunajpata kurajnin kasqanta creekonqa. Cheqa Diospa contrantataj manchay sajrata parlanqa. Tukuy imataj paypajqa allin renqa, Dios paypaj jasut'ita apachimunankama. Diosqa imaynatachus ruwanan karqa chaytaqa junt'anqapuni.

Apocalipsis 16:11

Janaj pacha Diospaj sajrata rimarqanku nanayninkurayku, ch'upusninkuraykutaj; manataj sajra ruwasqasninkumanta Diosman kutirikorqankuchu.

2 Pedro 2:12

Kay runastaj mana yuyayniyoj, animales jina mana yachaspalla sajrata rimanku. Paykunaqa presochasqas, tukuchisqastaj kanankupaj nacikorqanku. Ajinamanta wañonqanku kikin animales jina.

2 Pedro 2:3

Qolqeta munapayaspataj qankunamanta qhatuta ruwanku, llullata parlaspa; paykunapajtaj jasut'eqa unaymantaña mana qonqasqachu kashan, chinkayninkupis mana puñushanchu.

Santiago 4:16

Chaywampis kunanqa may wapus kankichej alabakuspa. Tukuy chay alabakoyqa mana walejchu, sajramin.

2 Tesalonicenses 2:4

Payqa sayaykukonqa, oqharikonqataj tukuy ima Dios sutichasqaj contrampi, chayrí yupaychanaj contrampi; Diospa templonman yaykuspataj Dios jina tiyaykukonqa, kikin Diospis kanman jinataj rikuchikonqa.

Romanos 11:18

Kunanqa ama runaykachaychu palqaspa contranta aswan allin kasqaykita. Sichus qan yuyakunki paykunamanta aswan allin kasqaykita chayqa, yachay saphita mana qanchu kausachinki, astawanqa saphi qanta kausachisunki.

Daniel (hebreo) 7:25

Jatun atiyniyoj Diospa contranta rimanqa, Diospa ayllunta ñak'arichispa chinkachinayanqa. Diospa kamachiyninta, fiestastapis waj jinaman tukuchiyta munanqa. Diospa aylluntaj makimpi kanqa, kinsa tiempos khuskanniyojkama.

Apocalipsis 16:21

Janaj pachamanta runasman manchay jatuchaj granizos urmamorqanku, uj quintal jina llasas. Runastaj granizoj ñak'arichisqanwan Diospaj sajrata rimarqanku, imaraykuchus chay llakeyqa maypuni karqa.

Santiago 2:8

Cheqamantachus junt'awajchej jatun leypa nisqanta, imaynatachus Escriturapi nin: Runa masiykita munakuy qan kikiykita jina, nispa. Chayta ruwawajchej chayqa, allinta ruwankichej.

1 Timoteo 3:3

Kanallantaj tiyan mana machaj, mana churanakoj, manachayqa llamp'u sonqoyoj, munakuyniyoj, mana qolqeta munapayaj.

1 Timoteo 1:20

Chaykunamanta kanku Himeneo, Alejandro ima. Paykunata Satanasman jaywarqani, ama ujtawampis Diospa contranta rimayta yachanankupaj.

Hechos 5:36

Yuyariychej imaynatachus kay ñaupaj p'unchaykunapi, uj Teudas nisqa rikhurimusqanta. Payqa yuyakorqa may atiyniyoj kasqanta. Chayraykutaj payta kasuspa tawa pachaj jina runas qhaterqanku. Teudasta wañuchejtinkutaj tukuy payta qhatejkuna ch'eqerarqanku, tukuy imastaj chinkaporqa.

San Lucas 16:14

Kay tukuyta uyarisharqanku qolqe munapayaj fariseos, asipayarqankutaj.

Apocalipsis 16:9

Runastaj sinch'i k'ajaywan ruphachikorqanku, Diospa sutimpa contrantataj rimarqanku. Qhesacharqanku pitachus aterqa qhechuyta chay jasut'iykunata; manataj Diosman kutirikorqankuchu payta jatunchanankupaj.

Apocalipsis 13:1

Mar qocha t'iyu patapi sayaykukorqani. Rikorqanitaj mar qochamanta uj phiña animalta wicharimushajta, chunka wajrayojta, qanchis umayojtataj; wajrasnin patapitaj chunka pilluyoj, umasnin patapitaj Diospaj sajrata rimay sutisniyoj.

2 Corintios 5:15

Señorqa tukuypaj wañorqa, kunan kausajkuna manaña paykunapajchu kausanankupaj, astawanqa kausanankupaj, jaqay pichus wañorqa kausarimorqataj paykunanejta chaypaj.

San Mateo 15:6

Jinapeqa, mana tatanta, nitaj mamantapis respetanqañachu. Ajinamanta qankunaqa Diospa kamachisqanta p'akinkichej, chay ñaupa usuykichejrayku.

Isaías 10:15

Hachaqa k'utoj runamanta may sumaj kasqanta yuyakunmanchu? Sierrapis khuchoj runamanta may kasqanta yuyakunmanchu? Chayqa kanman uj k'aspi chayri tojnupis runata apaykachanman jina.

Proverbios 6:17

Leqhoj ñawista, llulla parlaykunata, mana juchayoj runata wañuchiyta,

Salmos 49:6

Paykuna qhapaj kayninkupi atienekunku, ashkha kapuyninkumantataj alabakunku.

Salmos 52:1

Imaraykutaj sajra kayniykimanta jatunchakunki, atiyniyoj runa? Diospa khuyakuynenqa kallampuni.

San Lucas 6:35

Enemigosniykichejta munakuychej ari allinta ruwaspa; mañaychejtaj mana imata paykunamanta suyaspa; jinamanta jatun t'inkaykichejqa kanqa. Chaymantataj janaj pachapi kaj Diospa wawasnin kankichej. Payqa khuyan mana yuyarikojkunata, sajra sonqoyojkunata ima.

1 Timoteo 1:9

Kayta yachanchej, leyqa mana cheqan runaspajchu churasqa karqa. Manachayqa churasqa karqa leyta p'akejkunapaj, mana kasukojkunapaj, Diosta mana manchachikojkunapaj, juchasapaspaj, pikunachus tatanta, chayrí, mamanta wañuchejkunapaj, runa wañuchejkunapaj ima.

2 Pedro 2:10

Astawantaj ñak'arichenqa pikunachus aychaj qhepanta, munapayaypi, millay kausaypitaj purispa, Señorta mana kasunkuchu, chaykunata. Mana manchayniyojkuna, mana kasukojkunataj, jatun atiykunapaj sajrata rimayta mana manchachikunkuchu.