2 Timoteo 3:16 - Qheshwa Biblia DC

¹⁶ Tukuy Escriturasqa Diospa yuyaychasqan, walejtaj yachachinapaj, uyanchanapaj, k'amispa wanachinapaj, cheqan kajpi yuyaychanapaj ima.

DIOSPA QHELQACHISQAN DEUTEROCANONICAL

¹⁶ Diospa tukuy Qhelqachisqanqa paypa yuyaychasqan kaspa, may sumajmin cheqa kajmanta yachachinawanchejpaj, noqanchejpi imachus mana allinchu kashan, chayta reparachinawanchejpaj ima. Jinallataj pantaykunchej chayqa, Diospa Qhelqachisqanqa cheqan ñanman churawanchej, chantá cheqanta puriyta yachachiwanchej ima.

DIOSPA QHELQACHISQ

¹⁶ Diospa tukuy Qhelqachisqanqa paypa yuyaychasqan kaspa, may sumajmin cheqa kajmanta yachachinawanchejpaj, noqanchejpi imachus mana allinchu kashan, chayta reparachinawanchejpaj ima. Jinallataj pantaykunchej chayqa, Diospa Qhelqachisqanqa cheqan ñanman churawanchej, chantá cheqanta puriyta yachachiwanchej ima.

Quechua South Bolivia: Dios Parlapawanchej

¹⁶ Diospa palabranpi tucuy kelkaskaska paymantamin. Chayraycu allinta sirven runata yachachinapaj, juchanta reparachinapaj, cheka cajman cutirichinapaj chekan causaypi wiñachinapajpis.

2 Timoteo 3:16 Referans Kwoze

Romanos 15:4

Ñaupajta escribisqas karqanku chaykunaqa, yachachinawanchejpaj escribisqas karqanku; Escriturapi pacienciakuspa sonqochakuspataj suyayniyoj kananchejpaj.

Hebreos 4:12

Diospa palabranqa kausayniyoj, atiyniyojtaj; khuchuytataj atin astawan iskay filoyoj espadamanta nisqaqa; yaykuntaj ukhukama, almata, espirituta, ankusta, chilenatapis p'itinankama; allintataj rejsin sonqoj yuyasqasninta, munasqasnintapis.

Marcos 12:24

Jesustaj paykunaman kuticherqa: Qankunaqa pantasqas kashankichej; mana Escriturasta, nitaj Diospa atiyninta rejsisqaykichejrayku.

Salmos 119:9

Imawantaj waynaqa llimphu kausayniyoj kanqari? Parlasqaykita kasuspa.

Proverbios 6:23

Cheqamanta kamachiykunaqa lamparamin, yachachiykunaqa k'anchaymin; k'amiykunawan reparachiykunawantaj kausay ñanmin.

2 Timoteo 4:2

Chayrayku, Diospa palabranta willay tiempompi, mana tiempompipis; jinallataj uyanchay, k'amiy, sonqochay pacienciawan allinta yachachispa.

Salmos 119:11

Palabrasniykita sonqoypi waqaychani, ama contraykipi juchallikunaypaj.

Salmos 119:130

Qampa parlayniykeqa k'anchay jina, llamp'u sonqoyojkunamantaj yachachin.

2 Samuel 23:2

Señorpa Espíritun noqanejta parlan; palabrasnenqa qalluypi kashan.

Proverbios 15:31

Pichus allin k'amiykunata jap'ikojqa. yachayniyojkunawan khuska kanqa.

2 Timoteo 2:25

Llamp'u sonqowan k'amichun contrampi sayaykukojkunatapis. Ichapis chay jinamanta Diosman kutirikunkuman, cheqan kajta rejsinankupaj.

Deuteronomio 4:36

Payqa janaj pachamantapacha parlasqanta uyarichisorqachej yachachisunaykichejpaj. Kay jallp'a patapitaj atiyniyoj ninanta rikuchisorqachej. Nina chaupimantataj palabrasninta uyarinkichej.

Hechos 20:20

Manataj imatapis pakarqaykichejchu, astawanqa imachus qankunapaj allin kajta willarqaykichej, wasimanta wasi purispataj tukuypa rikunanta yachacherqaykichej.

San Juan 3:20

Tukuy sajrata ruwajqa k'anchayta chejnin; manataj k'anchayman jamunchu, sajra ruwasqasnin ama sut'inchasqas kanankupaj.

San Mateo 13:52

Jesustaj paykunaman nillarqataj: Chayrayku, pi leymanta yachachejpis, janaj pacha reinomanta yachajqa, rijch'akun uj familiayoj runaman, pichus waqaychananmanta orqhomun mosojkunata, mauk'asta ima.

Hechos 18:25

Apolosqa Señorpa ñannimpi yachachisqa karqa, tukuy sonqotaj maychus kajta willaspa yachachej Jesusmanta. Chaywampis payqa, Juampa bautismollanta rejserqa.

Romanos 2:20

Yuyallankitaj, mana yachajkunaj yachachejnin kasqaykita; wawaspa yachachejnin, leypitaj yachaypa rijch'aynin, cheqa kajpatawan tiyapusunki.

Nehemías 9:20

Chay jawari, allin kaj Espirituykita qorqanki paykunaman yachachinaykipaj. Manataj jayk'ajpis siminkumanta piserqachu cielomanta apachimusqayki t'antaqa. Yakutapis qorqanki ch'akiyninkuta thasnunampaj.

Gálatas 3:8

Escriturapis ñaupajmanta yachaspa, Dios gentilesta fenejta runasnimpaj qhawasqanta, kay sumaj willayta Abrahammanña qorqa, nispa: Qampi tukuy runas bendicisqas kanqanku.

Hebreos 3:7

Chayrayku, ajinallatataj Santo Espiritupis nin: Kunan p'unchaychus parlasqanta uyariwajchej chayqa; ama sonqoykichejta rumiyachiychejchu, chay ch'ajwa oqharikuypi jina, chay tentación p'unchaypi, ch'in pampapi jinaqa, maypichus ñaupa tatasniykichej rejsinayawaspa tentawarqanku, rikorqankutaj ruwasqasniyta, tawa chunka wata junt'ata.

1 Corintios 12:7

Santo Espíritu rikuchikun sapa ujman, allin kanampaj.

Proverbios 15:10

Pichus cheqan ñanta chejnejtaqa, aswan sinch'itaña k'amina; pichus chay k'amisqata qhesachajqa, wañonqa.

San Juan 10:35

Sichus paykunata dioskuna nispa suticharqa chayqa, pikunamanchus Diospa palabran jamorqa chay Escrituraqa, mana pantanmanchu.

San Mateo 26:56

Kay tukuy imaqa ruwakun profetaspa escribisqan junt'akunampaj. Chaymantataj tukuynin yachachisqasnin saqerpayaspa ayqerqanku.

San Mateo 21:42

Jesustaj nerqa: Manachu jayk'ajpis Escriturapi leerqankichej? Ajinata nin: Wasi ruwajkunaj qhesachasqanku rumeqa, aswan sumaj wasi esquina rumi kapun. Chaytaqa Señor ruwasqa t'ukunanchejpaj jina.

Romanos 4:23

Chantá mana Abrahamllapajchu escribisqa karqa, Diospa cheqan kaynin qosqa kananqa.

Hebreos 11:1

Creeyqa suyakusqasninchejpa sinch'i sayaynin, mana rikusqanchejpata rikuchiynin.

Romanos 3:2

Anchatapuni, tukuy imaymanamanta, cheqatapuni ñaupajmantapacha Diospa palabran paykunaman qosqa karqa.

Hechos 28:25

Paykunapura mana uj yuyaylla kaspa riporqanku, Pablotaj paykunaman nerqa: Allintapuni Santo Espiritoqa ñaupa tatasninchejman nerqa Isaías profetanejta:

Marcos 12:36

Kikin Davidqa Santo Espiritunejta nerqa: Señorqa nerqa Señorniyta: Pañaypi tiyakuy; chejnisojkunata chakisniyki uraman churanaykama.

Miqueas 2:7

Manachu Jacobpa ayllonqa maldicisqachu kashanri? Chayri Dioschu manaña pacienciakuyta atiwanchej? Kay jinatachu Diosqa ruwanan? Manachu Payqa, palabrasnimpi kutikun Paypaj cheqanta kausajkunapajqa?

San Mateo 26:54

Ajina kajtenqa, imaynamantataj chantá Escrituras junt'akunkumanri?

San Mateo 22:43

Jesustaj nerqa: Imaraykutaj Davidqa, Espiritupi payta Señor nerqari?, nispa: Señorqa Señorniyman nerqa: Tiyakuy pañaynejpi, enemigosniykita chakisniyki uraman churanaykama.

Deuteronomio 29:29

Mana yachasqanchej imasqa Señor Diosninchejpallata. Diosninchej sut'inchawasqanchej imasqa noqanchejpajta, wawasninchejpata ima, wiñaypaj junt'ananchejpaj kay leypi ima kamachiykunachus kashan chaykunata.

Sofonías 3:2

Señorpa parlasqanta mana uyarerqachu, nitaj cheqanyachikuytapis munarqachu. Señorpi mana confiakorqachu, manataj payman qayllaykorqachu.