2 Timoteo 2:7 - Qheshwa Biblia DC

⁷ Kay nisqayta uyariy, Señortaj qosonqa yuyayta tukuy imata yachanaykipaj.

DIOSPA QHELQACHISQAN DEUTEROCANONICAL

⁷ Kay nisqaypi sumajta unanchay, Tukuyta Kamachej Jesustaj yachayta qosonqa kay tukuy ima umaykiman yaykunanpaj.

DIOSPA QHELQACHISQ

⁷ Kay nisqaypi sumajta unanchay, Tukuyta Kamachej Jesustaj yachayta qosonqa kay tukuy ima umaykiman yaykunanpaj.

Quechua South Bolivia: Dios Parlapawanchej

⁷ Tanteyacuy niskasniymanta. Señortaj tucuy cay imaspi yuyayta kosonka.

2 Timoteo 2:7 Referans Kwoze

Santiago 1:5

Mayqellampis qankunamanta mana yachayniyoj kanman chayqa, Diosmanta mañakuchun. Dios qon tukuyman ashkhamanta mana k'amispalla. Cheqamanta chay yachayqa payman qosqa kanqa.

1 Juan 5:20

Yachanchej Diospa Churin jamuspa yachayta qowasqanchejta, cheqa Diosta rejsinanchejpaj; cheqa Churimpitaj kananchejpaj. Pay cheqa kaj Diosqa, wiñay kausaytaj.

San Lucas 24:45

Chaymantataj sut'incharqa, allinta unanchanankupaj Diospa palabranta; nispa: Ajina escribisqa kashan, jinatapuni Cristoqa ñak'arinan karqa; chantataj wañusqakuna ukhumanta kausarimunan karqa kinsa p'unchayninman.

San Juan 14:26

Sonqochaj Santo Espiritutaj, pitachus sutiypi Dios Tata kachamonqa; pay tukuy imata yachachisonqachej, yuyarichisonqachej taj tukuy ima nisqayta.

Santiago 3:17

Diosmanta jamoj yachayqa llimphu, sonqo tiyakuyniyoj, munakuyniyoj, khuyakuywan junt'asqa, sumaj poqoyniyoj, sut'inta ruwajtaj, manataj puraj uyachu.

1 Timoteo 4:15

Chaykunata ruway, chaykunapi sonqoykita churay, ñaupajman rishasqaykita tukuy rikunankupaj.

Colosenses 1:9

Chayrayku noqaykoqa qankunamanta uyarisqaykumantapacha, mana saqeykuchu Diosmanta mañakuyta, Diospa munayninta rejsispa junt'a kanaykichejpaj tukuy laya yachaywan, espiritupi unanchaywampis.

San Juan 16:13

Chay cheqa Espíritu chayamojtin, pay cheqa kajman pusasonqachej; imaraykuchus mana payllamantachu parlanqa, astawanqa Dios Tatamanta tukuy uyarisqanta nenqa. Qankunamantaj willasonqachej imaschus qhepata jamunankuta.

San Lucas 21:15

Noqa yachayta qosqaykichej parlanaykichejpaj; chay parlasqaykichejtataj enemigosniykichejqa, mana atipayta, nitaj kutichikuytapis atenqankuchu.

Hebreos 13:7

Yuyarikuychej ñaupajman pusasojniykichejmanta, pikunachus Diospa palabranmanta parlasorqachej chaykunamanta; unanchaychej imaynatachus kausakusqankuta, feninkutataj yachaqakuychej.

Hebreos 12:3

Yuyarikuychej Jesusmanta, pichus juchasapaspa chay chhika jasut'isqankuta ñak'arerqa ama llauchhuyaspa sayk'unaykichejpaj.

Hebreos 7:4

Qhawaychej ari, imayna jatunchus Melquisedec kasqanta, Abrahampis, maqanakupi tukuy qhechusqanmanta, sapa chunkamanta ujta payman qorqa.

Hebreos 3:1

Ajllasqa hermanos, janaj pacha wajyaymanta chayaqeyojkuna, qhawaychej apostolta, feninchejmanta jatun sacerdoteta, Jesusta.

Filipenses 4:8

Kunanqa hermanos, yuyaychej tukuy cheqa kajpi, tukuy allin kajpi, tukuy cheqan kajpi, tukuy ima llimphu kaypi, tukuy allin munakuypi, tukuy ima allin sutiyojpi. Sichus ima atiyllapis kanman, imapis yupaychanapaj jina kanman chayqa, chaypi yuyaychej.

1 Corintios 12:8

Wakinmanqa Espiritunejta yachay palabras qosqa, parlayta atinampaj; wakinmantaj kikin Espiritullataj qon yachaysapa yachaykunata.

Hechos 7:10

Diosqa, Joseta tukuy llakiyninmanta orqhorqa. Allin rijch'ayta, yachaytawan qorqa, egipcio reypa ñaupaqempi; paytaj churarqa Egiptota kamachinampaj, ajinallatataj wasimpipis kamachinampaj.

Daniel (hebreo) 1:17

Kay tawa waynasmantaj Dios qorqa sumaj yachaysapa umata, tukuy laya librosmanta yachayta, tukuy sumaj yachaytataj. Chantapis Daniel yachallarqataj rikuykunata, mosqoykunatawan sut'inchayta.

Isaías 28:26

Diosmin chayta yachachin imaynatachus ruwananta.

Proverbios 24:32

Chayta rikuspa umayman churakorqani; chayta qhawarispa kayta yachakorqani:

Salmos 119:125

Noqa kamachiyki kani. Yuyayta qoway. Noqa yachayta munani kamachisqasniykita.

Isaías 5:12

Qankunaqa jatuchaj mikhuykunata wakirichinkichej, chaypitaj tocarinkichej arpasta, guitarrasta, cajasta, qenastawan. Qankunaqa ashkha vinota ujyarinkichej, manañataj qhawarinkichejchu Señorpa ruwanasninta, nitaj makisninwan ruwasqasnintapis.

Salmos 119:144

Kamachisqasniykeqa cheqampuni kanku, yachayta qoway kausayta atinaypaj!

Salmos 119:73

Qan, Señor, makisniykiwan ruwawarqanki, sumaj yuyayta qoway kamachisqasniykita yachanaypaj.

Salmos 64:9

Chaypacha tukuy runas Diosta jatunchanqanku; ruwasqasninmanta parlanqanku, yachanqankutaj Diospa ruwasqasninta.

1 Crónicas 29:19

Waway Salomonmampis qollaytaj cheqa sonqoyoj kayta, kamachisqasniykita, nisqasniykita, leykunasniykitapis junt'ayta atinampaj. Tukuy chaykunata ruwaspa Diosta yupaychana wasita sayarichinampaj, chaypajqa noqa wakichiniña.

1 Crónicas 22:12

Señor sumaj yuyayta qosuchun, jinataj allin yachayniyoj kaytapis, maypachachus Israelta kamachishajtiyki, chaypacha Señor Diosniykej leyninta junt'anaykipaj.

Deuteronomio 32:29

Sichus paykuna yachayniyoj kankuman chayqa, umachakunkuman, imamanchus tukunankuta.

Deuteronomio 4:39

Kunanqa yachaychej unanchaychejtaj. Señorlla Diosqa kasqanta janaj pachapi, kay pachapipis, jinallataj manapuni waj Dios kasqanta.

Santiago 3:15

Kay yachayqa mana Diosmantachu jamun, astawanqa kay pachallamanta, aychamanta, supaymanta ima.

San Lucas 9:44

Allinta uyarichej kayta, amataj qonqaychejchu. Runaj Churinta enemigosnin runaswan jap'ichenqanku.

Isaías 1:3

Wakaqa dueñonta rejsin, burropis maypichus dueñon qarasqanta rejsillantaj; Israel aylluyrí mana rejsikapuwanchu, nitaj yuyayniyojchu.

2 Timoteo 2:6

Llank'aj runaqa poqoykunata oqharinampaj, ñaupajta llank'ananraj tiyan.

2 Timoteo 2:8

Jesucristomanta yuyarikuy. Payqa Davidpa mirayninmanta karqa; kausarimorqataj wañusqakunamanta, evangeliota willasqayman jina.