2 Timoteo 1:9 - Qheshwa Biblia DC

⁹ Pay salvawarqanchej, wajyawarqanchejtaj llimphu kausayman, mana allinta ruwasqanchejraykuchu; astawanqa paypa munakuyninrayku, khuyakuyninrayku ima. Diosqa wajyawarqanchej Cristo Jesuspi, manaraj kay pacha ruway qallarikushajtin.

DIOSPA QHELQACHISQAN DEUTEROCANONICAL

⁹ Paymin qhespichiwarqanchej, chantá juchamanta t'aqasqa jina kawsananchejpaj wajyawarqanchej, mana allin kajta ruwasqanchejraykuchu, aswanpis imatachus munasqanta junt'ananrayku, chantá qhasilla k'acha yanapayninrayku ima. Ajinata Diosqa Cristo Jesusnejta chay qhasilla k'acha yanapayninta qowarqanchej, manaraj kay pacha ruwasqa kashajtin.

DIOSPA QHELQACHISQ

⁹ Paymin qhespichiwarqanchej, chantá juchamanta t'aqasqa jina kawsananchejpaj wajyawarqanchej, mana allin kajta ruwasqanchejraykuchu, aswanpis imatachus munasqanta junt'ananrayku, chantá qhasilla k'acha yanapayninrayku ima. Ajinata Diosqa Cristo Jesusnejta chay qhasilla k'acha yanapayninta qowarqanchej, manaraj kay pacha ruwasqa kashajtin.

Quechua South Bolivia: Dios Parlapawanchej

⁹ Pay cacharichiwarkanchej wajyawarkanchejtaj llimphu causaypaj. Chayta ruwarka mana ruwaskasninchejraycuchu, manachayrí c'acha qhuyacuyninpi yuyaskanraycu. Ajinata yuyarka Cristo Jesuswan ujchaska cananchejta unay unaymantapacha.

2 Timoteo 1:9 Referans Kwoze

Romanos 16:25

Qankunata sinch'ita sayachej Diosta yupaychaychej, evangelionman jina. Jesucristomanta willasqaymantataj wiñaypa wiñaynintinmantapacha pakasqa yachay sut'inchasqay kasqanman jina.

Tito 1:2

Wiñay kausay suyaypi, mayqentachus mana llullakoj Dios qosqaykichej nerqa, manaraj kay mundo ruwasqa kashajtin.

Romanos 9:11

Chay wawas manaraj nacerqankuchu, chayrayku mana ruwarqankurajchu allin kajta, nitaj mana allin kajtapis; Diospa munaynin ajllasqanman jina junt'akunampaj. Chaytaj mana runasraykuchu, astawanqa wajyajpa munayninrayku junt'akorqa.

San Juan 17:24

Tatáy, munani qowasqayki yachachisqasqa, maypichus noqa kashani, chaypi noqawan kanankuta. Janaj pacha k'anchayta qowasqaykitapis rikunankupaj. Kay mundo manaraj ruwasqa kashajtin, munakuwarqankiña.

Efesios 1:11

Jinallataj Cristowan chayaqeta jap'erqanchej, tukuy imata ruwaj Diospa munayninman jina, wiñaymantapacha ajllawasqanchejrayku.

Apocalipsis 13:8

Tukuy jallp'api tiyakojkunataj payta yupaycharqanku; manataj paykunaj sutinkoqa escribisqachu karqa Corderoj kausaynimpa librompeqa. Corderoqa wañuchisqa karqa kay mundoj qallariyninmantapacha.

1 Pedro 1:20

Cristo chaypaj wakichisqa karqa, manaraj kay pacha ruwasqa kashajtin. Qhepantataj p'unchaykunapi rikhurimorqaña qankunata munakusqanrayku.

San Juan 17:9

Noqa paykunarayku mañakuni; mana mundoraykuchu, astawanqa, qan qowarqanki chaykunarayku. Paykunaqa qampata kanku.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

Hebreos 3:1

Ajllasqa hermanos, janaj pacha wajyaymanta chayaqeyojkuna, qhawaychej apostolta, feninchejmanta jatun sacerdoteta, Jesusta.

Efesios 2:5

Juchasninchejpi wañusqasraj kashajtinchej, Diosqa Cristowan khuska kausayta qowarqanchej. Diospa khuyakuyninrayku salvasqas kankichej.

1 Tesalonicenses 4:7

Diosqa mana millay kausaymanchu wajyasorqachej, astawanqa llimphu kausayman.

1 Corintios 1:18

Cristoj cruzninmanta parlayqa, uj locoyasqa runaj parlasqanwan ninakun; noqanchej salvasqa kajkunapajtaj Diospa atiynin.

San Juan 6:37

Diospa tukuy qowasqan noqaman jamonqa; noqaman jamojtarí, mana qharqosajchu.

Apocalipsis 17:8

Chay rikusqayki phiña animalqa karqa, manataj kanchu. Ukhu pachamanta wicharimonqa, chinkaymantaj renqa. Jallp'a patapi tiyakojkunataj, pikunaj sutisninkuchus kausay libropi mana escribisqachu kashanku kay mundoj qallariyninmantapacha, phiña animalta rikuspa t'ukonqanku. Chay animaltaj karqa, manataj kanchu, kanqataj.

Efesios 3:11

Kayta Dios ruwarqa wiñay munayninman jina, Cristo Jesús Señorninchejpi ruwasqa kanampaj.

Romanos 3:20

Leypa kamachisqasninta ruwasqanrayku, mana pipis Diospa ñaupaqempi salvasqachu kanqa; leynejta juchaqa rejsichikun.

1 Timoteo 1:1

Noqa Pablo, Jesucristoj kamachin kani, Salvajninchej Diospa kamachisqanrayku; jinallataj Señor Jesucristoj kamachisqanrayku. Paytaj suyayninchej.

Efesios 1:9

Munayninman jina pakasqa imasta rejsichiwarqanchej, pay kikin ruwayta munarqa chayta.

Romanos 9:24

Chaykunata wajyallarqataj, niyta munani: Noqanchejta, chantá mana judiosllamantachu, manachayqa gentilesmantapis wajyallarqataj.

San Lucas 10:21

Chay kikimpachataj, Jesusqa Santo Espiritunejta may kusisqa kaspa nerqa: Tatáy, janaj pachajta kay pachajtawan Señornin, yupaychayki kay imasta pakasqaykimanta, yachayniyojkunamanta yuyayniyojkunamantawan; wawasmantaj kay imasmanta willasqaykimanta. Arí Tatáy, ajinata qanqa munarqanki.

San Mateo 1:21

Mariataj uj qhari wawata nacichikonqa, sutichankitaj Jesús sutiwan; imaraykuchus pay ayllunta salvanqa juchasninmanta.

Hechos 2:47

Diosta yupaychaspataj karqanku, tukuy runawantaj munachikorqanku. Sapa p'unchaytaj Señorqa iglesiaman yapasharqa, salvasqa kananku karqa chaykunata.

Hechos 15:18

Ajinata nin Señorqa. Tukuy ruwasqasninta unaymantapachaña rejsicherqa.

Romanos 11:14

Ichachus ajinapi kallpachayman yawarniymanta kajkunata, paykunapis salvakuyta munanankupaj, paykunamanta wakillantapis salvanaypaj.

Romanos 11:29

Diospa qosqasnenqa, wajyaynimpis mana qhechukuyniyojchu.

Filipenses 3:14

Ñaupajman rishani chayanaman chayanaykama t'inkata jap'inaypaj, patamanta Dios wajyawarqa Cristo Jesuspi, chayman.

2 Timoteo 1:1

Noqa Pablo, Jesucristoj apostolnin kani, Diospa munayninrayku, Cristo Jesuspi kausay kasqanrayku Diospa qosqayki nisqanman jina.