2 Timoteo 1:7 - Qheshwa Biblia DC

⁷ Diosqa mana manchachikoj espiritutachu qowarqanchej. Astawanqa atiyniyoj espirituta, munakuyta, allin yuyayniyojtataj.

DIOSPA QHELQACHISQAN DEUTEROCANONICAL

⁷ Ajinata niyki, imaraykuchus Diosqa mana manchachikoj sonqotachu qowarqanchej, manachayqa Espíritun atiyta qowanchej, wajkunata munakunapaj kallpata, sonqonchejpa munasqanwan mana apaykachachikuyta ima.

DIOSPA QHELQACHISQ

⁷ Ajinata niyki, imaraykuchus Diosqa mana manchachikoj sonqotachu qowarqanchej, manachayqa Espíritun atiyta qowanchej, wajkunata munakunapaj kallpata, sonqonchejpa munasqanwan mana apaykachachikuyta ima.

Quechua South Bolivia: Dios Parlapawanchej

⁷ Dioska manamin manchachicoj yuyaytachu kowarkanchej. Astawanpis atiyniyoj cayta, munacuyniyoj cayta, cheka yuyayniyoj caytapis kowarkanchej.

2 Timoteo 1:7 Referans Kwoze

Romanos 8:15

Mana kamachipi kanapajchu Espiritutaqa jap'erqankichej, ujtawan mancharisqallapuni kanaykichejpaj, astawanqa chay Espirituta jap'erqankichej Diospa wawasnimpaj rejsisqas kanaykichejpaj. Chayrayku Diosmanta mañakuychej: Tatáy, Tatáy, nispa.

1 Juan 4:18

Munakuypeqa mana manchachikuy kanchu. Junt'asqa munakoyqa manchachikuyta jawaman qharqon. Manchachikoyqa ñak'ariykunata apamun. Manchachikojqa manaraj munakuywan junt'asqachu kashan.

Gálatas 5:22

Espíritoj ruwasqasninrí kaykuna: Munakuy, kusiy, sonqo tiyasqa kay, pacienciayoj kay, khuyakuy, k'acha kay, fe, llamp'u sonqo kay, maychus kajta kausakuy ima. Kaykunaj contrampeqa mana ima leypis kanchu.

San Juan 14:27

Sonqo samakuyta saqeykichej, sonqo samayniyta qoykichej; mana mundoj qosqanta jinachu qoykichej. Sonqoykichej ama phutikuchunchu, nitaj manchachikuchun chu.

San Lucas 10:19

Kunanqa atiyta qoykichej, catarista, atoj atojkunatapis sarunaykichejpaj; enemigoj tukuy kallpantapis atipanaykichejpaj; manataj imapis imanasonqachejchu.

Hechos 1:8

Manachayqa Santo Espíritu qankunaman jamojtin, atiyta jap'inkichej. Rispataj, noqamanta imatachus yachasqaykichejta willankichej Jerusalempi, tukuy Judea jallp'api, Samariapi, tukuy kay pachaj cantosnintimpi ima.

Zacarías 4:6

Chaypi nillawarqataj: Kayqa, Señormanta uj willay Zorobabelman: Atipayqa mana maqanakojkuna soldadoswanchu, nitaj kallpaywanchu, manachayqa Espirituwanmin, nin Tukuy Atiyniyoj Señor.

Proverbios 2:7

Señormin qon sumaj yachayta cheqanta purejkunaman, mana juchayojkunajtaqa Señormin jark'akojnenqa.

Proverbios 8:14

Noqapi kashan yuyaychaywan, ruwaywanqa. Noqa kani yuyay, kallpataj.

Romanos 5:5

Suyakoyqa mana p'enqachikunchu, imaraykuchus Diospa munakuynenqa sonqonchejpi churasqa kashan, Santo Espiritunejta, mayqentachus Dios qowarqanchej.

Hebreos 2:15

Ajinallatataj salvanampaj, pikunachus wañuyta manchachikuspa, tukuy kausayninkupi kamachis jina kasharqanku, chaykunata.

Hechos 20:24

Chaykunataqa mana manchachikunichu, nitaj wañuytapis; astawanqa kausayniyta tukuchiyta munani Señor Jesucristo kamachiwasqanta junt'aspa, willaspataj Diospa evangelionmanta, yanapayninmantawan.

San Lucas 24:49

Qhawaychej noqa kachamusqaykichej, Dios Tatay qosunaykichej karqa chayta; chaykamarí, qhepakuychej Jerusalén llajtapi; patamanta atiywan kallpachasqas kanaykichejkama.

Hechos 10:38

Yachankichej, Nazaret llajtayoj Jesusman imaynatachus Dios qosqanta Santo Espirituta, atiytawan. Jesustaj tukuynejta purerqa allinta ruwaspa, thañichispataj sajraj atiynimpi tukuy ñak'arejkunata, Dios paywan kasqanrayku.

Miqueas 3:8

Noqatatajri Diospa espíritun atiywan junt'achiwan, justiciawan, kallpawantaj, uyanchanaypaj Israelpa mana kasukoj, juchayojtaj kasqanta.

Salmos 119:80

Kamachisqasniykipaj sonqoy cheqan kachun, ama imamantapis p'enqakunaypaj.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

Hechos 21:13

Chaymantataj Pablo niwarqayku: Imaraykutaj chay jinatapuni waqaspa sonqoyta nanachishawankichejri? Noqaqa wakichisqa kani, mana watachikunallaypajchu, astawanqa, Jerusalempi wañunaypaj Señor Jesuspa sutinrayku.

Colosenses 1:8

Noqaykumampis pay willawarqayku, Espiritupi munakuyniyoj kasqaykichejmanta.

Hechos 6:8

Estebantaj Diospa yanapayninwan, atiyninwan ima junt'a kaspa, milagrosta, señalesta ima runakuna chaupipi ruwasharqa.

Hechos 9:22

Saulotajrí astawan kallpachakuspa sut'ita willarqa Jesusqa Cristopuni kasqanta, Damascopi tiyakoj israelitastaj mana ima niyta aterqankuchu.

San Lucas 8:35

Runastaj llojserqanku qhawaj imachus kasqanta, Jesusman qayllaykuspataj rikorqanku ñaupaqempi chay runa tiyashajta, pimantachus sajra espíritu llojserqa chayta; p'achallisqata, yuyaynimpitaj kashajta, manchachikorqankutaj.

Hechos 26:25

Pablotaj kutichikorqa: Mana locoyashanichu, ancha respetasqa Festo. Tukuy parlasqayqa cheqapuni, yuyayniypitaj kani.

San Lucas 15:17

Yuyayninman churakuspataj sonqompi nerqa: Tataypa wasimpi llank'ajkunaqa ashkha mikhunayoj kanku, noqataj kaypi yarqhaymanta wañushaniña!

Hechos 26:11

Ashkha kutista paykunata sinagogaspi jasut'ichispa, Jesuspa contranta parlachiyta munaj kani. Chay jinatapuni phiñakuspa paykunata qhatiykacharqani karu llajtasnintimpi.

Isaías 11:2

Chaypa patampi Señorpa Espíritun samarikonqa, chaytaj qonqa yachayta, yuyayta, yuyaychayta, atiyta, tukuy imata rejsiyta, Señorta manchachikuyta ima.