2 Timoteo 1:10 - Qheshwa Biblia DC

¹⁰ Kunantaj khuyakuynenqa rikuchisqa Salvawajninchej Jesucristoj rikhurimusqanrayku. Pay wañuyta qhechorqa, kausaytataj sut'iman orqhorqa, evangelionejta manaña wañuy kanampaj.

DIOSPA QHELQACHISQAN DEUTEROCANONICAL

¹⁰ Kunantajrí chay k'acha kaynenqa qhespichiwajninchej Jesucristo rikhurimusqanrayku rikuchisqa kashan. Payqa wañuypa atiyninta phirispa, sumaj willaynejta wiñay kawsayta qowarqanchej.

DIOSPA QHELQACHISQ

¹⁰ Kunantajrí chay k'acha kaynenqa qhespichiwajninchej Jesucristo rikhurimusqanrayku rikuchisqa kashan. Payqa wañuypa atiyninta phirispa, sumaj willaynejta wiñay kawsayta qowarqanchej.

Quechua South Bolivia: Dios Parlapawanchej

¹⁰ Cunanka c'acha yanapayninta ricuchiwanchej Cacharichejninchej Cristo Jesús riqhurimuyninwan. Wiñay wañuymanta cacharichiwarkanchej. Sumaj willanasninpi ricuchiwarkanchej imaynapichus ni jayc'aj tucucoj wiñay causayniyoj cananchejta.

2 Timoteo 1:10 Referans Kwoze

1 Juan 1:2

Kay kausayta qojtaj rikuchikorqa. Noqaykutaj payta rikorqayku. Ajinamanta, qankunaman wiñay kausaymanta willamuyku, rejsichimuykutaj. Chay wiñay kausayqa Dios Tatapi karqa, noqaykumantaj rikuchikuwarqayku.

Romanos 16:26

Chayqa kunan rikuchisqaña karqa, profetaspa escribisqankupi, wiñaymantapacha Diospa kamachiynin jina. Chay pakasqa yachayqa runasman rejsichisqaña kashan, creenankupaj kasunankupajtaj.

2 Pedro 3:18

Astawampis wiñaychej yanapaypi, Salvador Señorninchej Jesucristoj rejsiynimpiwan. Jatun kay paypaj kachun, kunanmantapacha wiñaypaj wiñaynintinkama. Amén.

Tito 2:11

Dios rikuchiwanchej khuyakuyninta, tukuy runas salvasqas kanankupaj.

1 Corintios 15:26

Qhepa kaj enemigotaj phirisqa kanqa. Chaytaj wañuy.

Romanos 2:7

Allinta ruwaspa sayajkunaman wiñay kausayta qonqa; pikunachus mask'anku janaj pacha k'anchayta, jatun kayta, mana jayk'aj wañuyta ima.

2 Timoteo 1:1

Noqa Pablo, Jesucristoj apostolnin kani, Diospa munayninrayku, Cristo Jesuspi kausay kasqanrayku Diospa qosqayki nisqanman jina.

Efesios 1:9

Munayninman jina pakasqa imasta rejsichiwarqanchej, pay kikin ruwayta munarqa chayta.

San Juan 14:6

Jesús payman nerqa: Noqa ñan kani, cheqataj, kausaytaj; mana pipis Dios Tataman jamuyta atinchu, mana noqanejta kaspaqa.

Oseas 13:14

Sepulturaj makinmantapis kacharichinaychu kanqa? Wañuymantapis orqhonaychu karqa? Maypitaj kashan, oh wañuy, chay wañuchej atiyniykiri? Manaña kay runaspaj khuyayneyqa kanqañachu!

Apocalipsis 22:17

Espirituwan, noviawan ninku: Jamuy. Ch'akichikojqa jamuchun, munajrí, kausay yakumanta qhasilla ujyachun.

Apocalipsis 22:14

Kusikuyniyojmin kanku p'achasninkuta t'ajsajkunaqa. Paykunaqa kausay sach'amanta jap'inankupuni tiyan kausayta, punkusnejtataj llajtaman yaykonqanku.

Apocalipsis 18:1

Kay imas qhepata waj angelta rikorqani janaj pachamanta uraykamushajta, jatun atiywan. Kay pachataj lliphiperqa angelpa k'anchayninwan.

Apocalipsis 2:7

Ningriyoj kajqa uyarichun imatachus Espíritu iglesiasman nisqanta. Atipajmanqa kausaj sach'amanta mikhuchisaj. Chaytaj Diospa paraisompi kashan.

2 Pedro 3:2

Yuyariykichej ñaupajta ajllasqa profetaspa nisqankuta, Salvaj Señorpa kamachiyninta ima. Chay kamachiyta apóstoles yachachisorqachej.

2 Pedro 2:20

Cheqamanta, pikunachus Salvaj Señor Jesucristota rejsispa, kay pachapi millay kausaymanta ayqespaña, watejmanta chay juchasman kutiykuspa urman chayqa, paykunaj qhepa kausaynenqa, aswan mana allin ñaupaj kausayninmanta nisqaqa kanqa.

2 Pedro 1:11

Chay jinamanta, Señor Jesucristo Salvadorninchejpa wiñay reinonman yaykunaqa allin, sumaj kichasqa qankunapaj kanqa.

2 Pedro 1:3

Diosqa atiyninrayku, kausayninchejpaj chay tukuy imasta qowanchej, payta yupaychananchejpaj, payta rejsisqanchejrayku, pichus wajyawarqanchej jatun kayninwan, atiyninwantaj.

Hebreos 10:32

Chayrayku yuyarikuychej ñaupa p'unchaykunamanta, maypachachus k'anchasqaña kaspa, ancha llakiywan maqanakupi karqankichej.

Tito 3:4

Maypachachus Dios Salvadorninchej rikucherqa khuyakuyninta munakuynintawan runakunaman, chaypacha salvawarqanchej. Mana noqanchej ima allinta ruwasqanchejraykuchu, astawanqa khuyakuyninrayku. Mayllawarqanchejtaj mosoj kausaypaj; Santo Espiritunejta mosojyachisqas kananchejpaj.

Tito 2:13

Yachachillawanchejtaj suyananchejta chay kusikuyniyoj p'unchay jamunanta, maypachachus jatun Dios Salvadorninchej Jesucristo janaj pacha k'anchayninwan rikhurimunanta.

2 Tesalonicenses 2:8

Chaypachataj chay sajra runa rikhurimonqa. Paytataj Señorqa simimpa samayninwan wañuchenqa, jamuynimpa k'anchayninwantaj phirenqa.

Efesios 1:18

Yuyayniykichejpa ñawisninta k'anchaspa, yachanaykichejpaj ima suyaymanchus wajyasqas kasqaykichejta; mayqentajchus janaj pachapi qhapaj kaynimpa chayaqen ajllasqaspaj kasqanta.

Gálatas 5:4

Leypi cheqan kasqaykichejta yuyakuspaqa, Cristomanta karunchakunkichej, Diospa khuyakuyninmantataj karunchakunkichej.

2 Corintios 5:4

Kay wasipi kausajtinchej, chayrí kay cuerponchejpi mayta llakikunchej jatun llakiywan. Manataj munanchejchu p'achanchejta lluch'uchikuyta, astawanqa munanchej sumaj p'achallisqa kayta, wañuy atipasqa kanampaj mosoj kausaynejta.

1 Corintios 4:5

Chaywampis, amaraj imatapis juzgaychejchu, Señor jamunankama. Paytaj sut'inchanqa laqhapi pakasqa kajta, rikuchenqataj imatachus sonqosninkupi yuyasqankuta; chaypachataj sapa ujta Dios alabanqa.

Romanos 6:6

Yachanchej mauk'a runanchejqa paywan khuska chakatasqa kasqanta, juchallikoj aychanchej wañunampaj, amañataj astawan juchata kasunanchejpaj.

Romanos 3:31

Chantá, feraykuchu leyta qhesachanchej? Mana imaynamantapis qhesachanchejchu, astawanqa leyta sinch'ita sayachinchej.

Hechos 13:23

Davidpa mirayninmanta nisqanman jina Dios jataricherqa Jesusta, Israelpa Salvajnin kanampaj.

Hechos 5:31

Diostaj atiyninwan Jesusta jatunman churarqa, kamachinampaj, salvanampajtaj. Diosqa munarqa Israel runakuna juchasninkuta saqespa Diosman kutirinankuta, juchasninku pampachasqa kanampaj.

San Juan 20:31

Kay imastaj escribisqas karqanku creenaykichejpaj Jesusqa Cristo Diospa Churin kasqanta; paypitaj creespa kausayniyoj kanaykichejpaj.

San Juan 5:40

Qankuna kausayta tarinaykichejpajqa, noqaman jamuyta mana munankichejchu.

San Juan 4:42

Warmimantaj nerqanku: Kunanqa creeyku mana qan willawasqaykuraykullachu. Noqayku kikiyku uyariyku yachaykutaj cheqamanta payqa kay mundota Salvaj Cristo kasqanta.

San Juan 1:9

Cheqa k'anchayqa, kay pachapi tukuy runasman k'anchanampaj jamorqa.

San Lucas 13:7

Chantá huerta qhawajninman nerqa: Kinsa watataña jamuni kay sach'api higosta mask'aj, manataj poqoyta tarinichu; urmarparichiy ari; imapajtaj qhasi mana qajta jallp'ata usuchenqa?

San Lucas 11:36

Chayrayku, tukuy cuerpoykichus k'anchaywan junt'a kashan chayqa, ni ima laqhayaj kanqachu, tukuynin cuerpoykitaj k'anchayniyoj kanqa, imaynatachus uj k'anchaypa lliphipiynin k'anchaykusunki ajinata.

San Lucas 2:11

Kunan qankunapaj nacikun Davidpa llajtampi uj Salvador. Chayqa Cristo Señor.

Isaías 45:21

Qankuna allinta parlaychej, ruwasqasninkuta rikuchiychej, munankichej chayqa ujkuna ujkuna tapunakuychej: Pitaj qallariymantapacha kay imasta ruwarqari? Pitaj unaymantapacha kay imasta willanri? Manachu noqa Señor chay imastaqa willarqaykichej? Noqamanta astawan waj diosqa mana kanchu. Cheqan Diosqa, tukuy imata atipajqa, manapuni ujpis kanchu; noqalla kani.

Isaías 45:15

Cheqamanta qanqa mana rikukoj Dios kanki, israelitasta salvaj Dios.

Isaías 43:3

Noqaqa Señor Diosniyki, Israelpa Santo Diosnin salvajniyki kani. Qanta Egiptota, Etiopiata, Sebastawan qorqani cuentaykimanta.

1 Juan 4:14

Noqaykutaj rikorqayku, willaykutaj Dios Tata churinta kachamusqanta kay pachapi runaspa Salvajnin kanampaj.

2 Pedro 1:1

Noqa, Simón Pedro, Jesucristoj kamachin apostolnintaj kani. Dios Tataj cheqa kaynimpi, Salvawajninchej Jesucristopitaj, chay sumaj creeyta noqayku jina tarinkichej. Qankunaman kay cartata apachimuykichej.

Apocalipsis 20:14

Wañuywan, ukhu pachawan nina qochaman wijch'usqas karqanku. Kaymá iskay kaj wañoyqa, nina qocha.

2 Timoteo 1:8

Chayrayku ama p'enqakuychu Señorninchejmanta willayta, nitaj noqamantapis payrayku carcelpi wisq'asqa kasqaymantapis. Astawanqa qampis noqawan khuska llakikuy evangeliorayku, Diospa atiyninman jina.

2 Timoteo 4:1

Kayta niyki tukuy sonqowan, mañakuyki Diospa ñaupaqempi, Cristo Jesuspa ñaupaqempi ima. Pay jamonqa kausajkunata, wañusqastapis jamuynimpi reinompi juzganampaj.

2 Timoteo 4:8

Chayrayku, noqapaj kaj pilloqa waqaychasqaña kashan. Chaytataj qowanqa Señor, cheqan kaj juez, jaqay p'unchaypi. Manataj noqallamanchu qowanqa, astawanqa jamunan p'unchayta munakuywan tukuy suyajkunamampis.