2 Samuel 7:8 - Qheshwa Biblia DC

⁸ Chayrayku kamachiy Davidman niy, noqa Señor Tukuy Atiyniyoj nisqayta: Noqa orqhomorqayki ovejasta campopi michisharqanki chaymanta, Israel aylluypa kamachejnin kanaykipaj.

DIOSPA QHELQACHISQAN DEUTEROCANONICAL

⁸ Chayrayku kamachiy Davidta niy: Ajinata Tukuy Atiyniyoj Tata Dios nisunki: Noqa ovejakunaj qhepanmanta orqhomorqayki, Israel aylluypaj kamachejnin kanaykipaj.

DIOSPA QHELQACHISQ

⁸ Chayrayku kamachiy Davidta niy: Ajinata Tukuy Atiyniyoj Tata Dios nisunki: Noqa ovejakunaj qhepanmanta orqhomorqayki, Israel aylluypaj kamachejnin kanaykipaj.

2 Samuel 7:8 Referans Kwoze

2 Samuel 12:7

Chaypacha Natanqa Davidman nerqa: Qan chay runaqa kanki! Ajinata Señor, Israelpa Diosnin nisunki: Noqa ajllarqayki Israelpa reynin kanaykipaj, Saulpa atiyninmantapis waqaycharqayki; Señorniykej palacio wasintapis warmisnintawan qorqayki, jinataj Israelpa reynin, Judajpa reynin kanaykitapis qollarqaykitaj. Chaychus pisi kanman karqa chayqa aswan ashkha imastawanraj yapaykiman karqa. Imaraykutaj qhesacharqanki palabrayta, mana munasqayta ruwaspari? Qan wañuchinki chay hitita Uriasta, amonitaswan wañuchichispa, warmintataj qampaj jap'ikaporqanki.

2 Samuel 6:21

Davidtaj Micalman kuticherqa: Arí, cheqamanta tusorqani, chaytaqa ruwarqani Señorpa ñaupaqempi. Payqa ajllawarqa tataykej cuentanmanta jinataj tukuy aylluykejmanta ima, Israel ayllunta kamachinaypaj. Chayrayku Señorpa ñaupaqempi tusullasajpuni.

1 Crónicas 17:7

Chayrayku niy kamachiy Davidman noqa Tukuy Atiyniyoj Señor, nisqayta: Ovejas tropa chaupimanta, noqa ovejasta michinamanta orqhomorqayki, Israel aylluypa kamachejnin kanaykipaj.

1 Samuel 10:1

Chaypacha Samuelqa aceite botellata jap'ispa Saulpa uman pataman jich'aykorqa, much'aykuspataj nerqa: Kunanmanta Señorqa t'aqasunki, Israel ayllumpa reynin kanaykipaj. Qan kamachinki atipachinkitaj chay muyuynimpi kaj enemigosninmanta. Kay uj señal kanqa qanta Señorqa ayllumpa reynin kanaykipaj t'aqasusqanmanta: Kunanqa kaymanta ripushaspa iskay runaswan tinkukunki Raquel maypichus p'ampasqa kashan, Selsa llajta qayllapi. Chayqa kashan Benjamimpa jallp'asnin chaypi. Paykunataj nisonqanku mask'asharqanki chay chinkaj burrosta tarisqankutaña, chanta nisonqanku tataykeqa manaña burrosmantachu llakisqa kashasqanta, manachayqa qankunamanta llakikushan, tapurakushantaj: Imanasajtaj wawaymantari?, nispa.

1 Samuel 9:16

Q'aya kay horasta Benjamimpa ayllunmanta uj runata kachamusqayki, paytataj aceitewan jawinki, Israel aylluypa kamachejnin kanampaj. Pay Israel aylluyta filisteospa atiyninmanta kacharichenqa, aylluy willakamuwan chayrayku, imaraykuchus noqa paykunamanta khuyakuni, llakiyta willakuwasqankurayku, nispa.

Hechos 7:46

Davidqa Diospa yanapayninta tarerqa. Chayrayku paymanta mañakorqa templota saqenanta Jacobpa ayllumpaj.

1 Samuel 2:8

Dioslla wajchastaqa pampamanta oqharin, mañakoj runatapis q'opamantaña orqhomun, wiraqochi runastawan tiyaykuchinampaj, uj sumajpaj qhawasqa tiyanasta qonampaj, imaraykuchus Señorllamin dueñoqa, kay jallp'aj ura chukusninmanta, chaykunamantaj kay pachata churaykorqa.

2 Samuel 23:1

Kaykunamin kanku Davidpa qhepa kaj parlasqasnenqa: Isaejpa wawan David, pitachus mayta Dios jatunyacherqa, pitachus Jacobpa Diosnin ajllarqa, Israelpa misk'i takiykunasninta takejnin, kay jinata nin:

2 Samuel 24:17

Runasta wañurachisharqa chay angelta rikuspa Davidqa Señorman nerqa: Noqamin kani juchallejqa! Noqamin chay juchata ruwajqa kani! Kay ovejasrí imatataj ruwarqankuri? Noqa mañayki chay jasut'iykeqa noqaman chantá familiay patamantaj jamunanta.

1 Reyes 3:6

Chanta Salomonqa nerqa: Qanqa khuyarqanki jatun khuyakuyniykiwan tatay David kamachiykita, imaraykuchus payqa purerqa qampa ñaupaqeykipi cheqanta, cheqa kaypi, cheqan sonqowantaj, qantaj mayta khuyakorqanki, uj wawatapis qorqanki tronompi tiyakunampaj, imaynachus kunan p'unchay kashan jina.

1 Reyes 8:16

Israel llajtayta Egiptomanta orqhomorqani chay p'unchaymantapacha, manataj ajllakorqanichu ni mayqen llajtata tukuynin Israel ayllusmanta, wasita ruwapunawankupaj noqaj sutiy chaypi kanampaj. Chaywampis Davidta ajllakorqani Israel llajtayta pay kamachinampaj.

1 Crónicas 21:17

Chaypacha Davidqa Diosman nerqa: Noqamin kani aylluta yupachejqa. Noqamin kani juchallejqa, sajratataj ruwachejqa. Kay mana juchayojkunaqa imatataj ruwasqankuri? Señor Diosníy, mañarikuyki ari, chay jasut'iykeqa noqaman, chanta aylluymanwan jamunanta, saqeytaj kay aylluykita jasut'iytaqa.

2 Samuel 5:2

Cheqamanta, Saúl reyniyku kashajtimpis, qampuni Israeltaqa tukuy maqanakusnimpi pusaykacharqanki. Chay jawaqa, Señor qanman nisorqa pusaykachanaykita kamachinaykitataj tukuy Israel ayllutaqa, nispa.

2 Samuel 14:13

Chaypacha chay warmeqa tapullarqataj: Imaraykutaj qan reyneyqa kay jinallatataj ruwayta munashanki Diospa ayllumpa contrampiri? Chay nisqaykirayku qan reyllataj juchayoj rikhurinki, pichus wijch'usqa kajta mana kutimunanta saqespa.

Amós 7:15

Señortaj qhechuwan ovejasta michinayta, niwantaj: Riy sutiypi parlamuy Israel aylluyman.