2 Samuel 7:23 - Qheshwa Biblia DC

²³ Israel aylluyki jinaqa, mana waj llajta pay jina kanchu tukuy kay pachapeqa? Qan Diosníy, aylluyki kanampaj kacharicherqanki, may uyarisqa kanantataj ruwarqanki, payrayku may t'ukuna k'acha imasta ruwaspa. Egiptomanta kacharicherqanki, chay aylluykej ñaupaqenmantataj qan wijch'orqanki chay waj nacionesta dioskunasnintawan.

DIOSPA QHELQACHISQAN DEUTEROCANONICAL

²³ Kay pachapi Israel aylluyki jinaqa mana waj ayllu kanchu. Qan, Diosníy, aylluyki kananpaj preciota pagaspa Israelta kacharicherqanki, may uyarisqa kanantataj ruwarqanki, payrayku jatuchaj may t'ukuna k'acha imakunata ruwaspa. Egiptomanta orqhomorqanki, chay aylluykej ñawpaqenmantataj qan chay waj runakunata, diosninkutawan wijch'orqanki.

DIOSPA QHELQACHISQ

²³ Kay pachapi Israel aylluyki jinaqa mana waj ayllu kanchu. Qan, Diosníy, aylluyki kananpaj preciota pagaspa Israelta kacharicherqanki, may uyarisqa kanantataj ruwarqanki, payrayku jatuchaj may t'ukuna k'acha imakunata ruwaspa. Egiptomanta orqhomorqanki, chay aylluykej ñawpaqenmantataj qan chay waj runakunata, diosninkutawan wijch'orqanki.

2 Samuel 7:23 Referans Kwoze

Deuteronomio 10:21

Payta yupaychaychej, Paylla Diosniykichejqa. Qankuna rikushajtiykichej Pay ruwarqa chay jatuchaj t'ukuna imastsa qankunarayku.

Deuteronomio 9:26

Chaypacha Señorman nerqani, mañakorqanitaj kay jinata: Señorníy, kay qampa runasniykita ama chinkachiychu ari. Qan kacharicherqanki jatun kayniykiwan, Egiptomanta jatun atiyniykiwan orqhomorqanki.

Salmos 147:20

Mana ajinataqa ruwarqachu mayqen nacionwampis, paykunaqa Diospa kamachisqasninta mana yacharqankuchu. Señorqa yupaychasqa kachun.

Salmos 111:9

Pay llajtanta kacharicherqa, trato ruwasqantataj wiñaypaj sayacherqa. Diosninchejqa santo Dios, manchachikunataj.

Nehemías 1:10

Noqayku qampa kamachisniyki ayllusniykitaj kayku, qan kacharichikuwarqayku jatun atiyniykiwan, kallpaykiwantaj.

Deuteronomio 33:29

Qanqa, Israel, sumaj kusikuyniyoj kanki. Pitaj qan jinari? Qantaqa Señorpuni librasonqa. Pay imamantapis jark'akusunki, yanapasunkitaj. Paymin atipanayki espadaykeqa. Enemigosniykeqa qanman k'umuykamusonqanku. Qantaj wapuykachasqankuta tukuchinki.

Deuteronomio 15:15

Ama qonqankichejchu qankunapis Egiptopi kamachis kasqaykichejmanta, maynejmantachus Señor Diosniykichej kacharichimusunkichej. Chayrayku kunanqa noqa kay kamachiyta qoykichej.

Ezequiel 20:9

Chay tukuywampis, sutiyrayku chay yuyasqayta saqerqani. Paykuna kasharqanku chay llajtasniyoj runakuna rejsiwarqanku, paykunaj ñaupaqempi ama p'enqaypi rikhurinayrayku, paykunata Egiptomanta orqhorqani.

Salmos 40:5

Señor Diosníy. Ashkha t'ukuna imasta noqaykupaj ruwarqanki. Maytataj noqaykumanta yuyarikuwayku. Ni imapis qanwanqa ninakunchu. Sichus chaykunamanta willayman, parlaymantaj chayqa, mana tukuchiyta atiymanchu.

Apocalipsis 5:9

Uj mosoj takiytataj takerqanku, nispa: Allimpaj qhawasqa kanki librota jap'inaykipaj, sellosnintataj phaskaranaykipaj; imaraykuchus qan wañuchisqa karqanki, yawarniykiwantaj Diospaj rantiwarqayku, tukuy ayllumanta, tukuy laya parlaykunamanta, tukuy laya runamanta, tukuy nacionesmanta ima.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Salmos 145:6

Kallpayoj manchachikuna ruwasqasniykimanta parlakonqa, noqataj jatun kayniykimanta parlasaj.

Salmos 65:5

Salvawajniyku Dios, qan uyariwayku, may sumaj cheqanta ruwaspa. Mundontimpi kaj runasqa qampi suyanku. Karupi kaj mar qochapis qampi suyakun.

1 Crónicas 17:21

Israel aylluyki jinari, mana ujwan pay jina kanchu, payqa uj k'ata nación kay pachapi kajkunamantaqa! Qan, Diosníy, kacharicherqanki aylluyki kanampaj, qantaj may uyarisqa karqanki paykunawan t'ukuna jatuchaj imasta ruwaspa. Qan Egiptomanta orqhomorqanki chay aylluykej ñaupaqenmanta chay waj nacionesta wijch'orqanki.

Josué 7:9

Kunanqa kay imasmanta yachanqanku cananeos, tukuy kaynejpi tiyaj runas ima; ujllaman tantaykukuspataj jamuwasqayku, chinkachiwasqaykutaj mana ujniyojta, mana kanqachu yuyarikunallapajpis. Chantá imataj kanqa chay jatun sutiykimantari?

Éxodo 12:12

Chay ch'isi noqa Egiptoman jamusaj, wasimanta wasi purispataj tukuy egipciospa kuraj kaj qhari wawasninta, jinallataj tukuy uywasninkoj phiwi uñasnintapis wañurachisaj. Chaypimin noqa Señorqa, atiyniyta rikuchisaj Egiptopi kaj chhika lantispa contranta,

Éxodo 9:16

Chaywampis cheqamanta churayki, qampi atiyniyta rikuchinaypaj, qannejta sutiy willasqa kanampaj tukuy mundontimpi.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

Salmos 66:3

Diosman takiychej: Ruwasqasniykeqa may sumajpuni. Jatun atiyniykirayku, enemigosniykeqa ñaupaqeykipi mancharisqas urmanku.

Salmos 106:22

T'unata ruwallarqataj Campa jallp'ampi, jinallataj ruwarqa Puka mar qochapi.

Números 6:27

Ajinata paykunata noqaj sutiypi israelitasman nichunku, noqataj paykunata bendicisaj.

Jeremías 32:21

Qanqa may jatun atiyniykiwan Egiptomanta Israel aylluykita orqhomorqanki, señalesta ruwaspa, t'ukuna ruwasqasniykiwan tukuyninta manchariykuchispa ima.

Éxodo 6:7

Noqa orqhokapusqaykichej: Qankunaqa aylluy kankichej; noqataj Diosniykichej kasaj. Chaypi qankunaqa yachankichej noqamin Señorqa, qankunaj Diosniykichej kasqayta, egipcios mayta ñak'arichispa llank'achisusqaykichejmanta, noqa qankunata orqhosqayta.

Éxodo 9:15

Sichus mana makiyta oqhariyman qanta nanachisunaypaj, runasniykitawan, manchay jasut'iyniywan chayqa, kay jallp'a patamanta chinkachisqaña kawaj karqa.

Éxodo 33:16

Imapitaj yachakonqa qampi khuyakuyniykita tarisqayri, jinallataj israelita runasniyki imari? Manachu yachakonqa qan noqaykuwan purisqaykipi, manachu chanta yachakullanqataj noqata, israelita runasniykita ima kay mundopi tukuy laya runasmanta wajllaman t'aqawasqaykupi?

2 Samuel 7:24

Imaraykuchus qan nerqanki Israelqa wiñaypaj aylluyki kananta, qantaj Señorníy, Diosninku kanaykita.

Salmos 44:3

Manamin makinkuchu nitaj espadankuchu paykunata atipacherqa jallp'ata jap'inankupaj. Manachayqa qampa atiyniyki, kallpayki, qhawaykachayniyki ima, atipacherqa tatasniykuta munakusqaykirayku.

Jeremías 32:20

Qan rikunki milagrosta, Egiptopi may uyarisqamin, kunampis ruwashallankirajpuni, Israel chaupipis, waj runaspa chaupimpipis, jinamanta sutiykeqa may uyarisqa kashan.