2 Samuel 5:3 - Qheshwa Biblia DC

³ Chaypacha Israelmanta tukuy kurajkunas rerqanku parlarqankutaj Hebrompi rey Davidwan, paytaj uj tratota ruwarqa jamorqanku chay runasninwan, Señorpa ñaupaqempi. Chaypacha Davidta umanman aceitewan jawispa ajllarqanku tukuy Israel ukhupi rey kanampaj.

DIOSPA QHELQACHISQAN DEUTEROCANONICAL

³ Chaypacha Israelmanta tukuy kurajkuna rerqanku Hebronman kuraj kamachej Davidwan parlaj. Davidtaj Tata Diospa ñawpaqenpi chay kuraj runakunawan uj tratota ruwarqa. Paykunataj Israel suyupi kuraj kamachej kananpaj Davidta umanman aceitewan jawerqanku.

DIOSPA QHELQACHISQ

³ Chaypacha Israelmanta tukuy kurajkuna rerqanku Hebronman kuraj kamachej Davidwan parlaj. Davidtaj Tata Diospa ñawpaqenpi chay kuraj runakunawan uj tratota ruwarqa. Paykunataj Israel suyupi kuraj kamachej kananpaj Davidta umanman aceitewan jawerqanku.

2 Samuel 5:3 Referans Kwoze

2 Samuel 2:4

Chaymantataj Judá ayllumanta runas chayamorqanku. Chaypitaj Davidtaqa aceitewan umanman jich'aspa, ajllarqanku Judá ayllupi reyninku kanampaj. Davidmantaj willarqanku Galaadpi Jabesmanta kajkuna Saulta p'ampasqankuta.

1 Samuel 23:18

Chaypacha iskayninku uj tratota ruwarqanku, Señortataj testigopaj churakorqanku. Chaymanta Jonatanqa wasinman kutiporqa. Davidtaj Horespi qhepakaporqa.

1 Samuel 16:13

Chay ratopacha Samuelqa chay ch'itita aceiteyoj carneroj wajranta jap'ispa jawiykorqa wauqesnimpa ñaupaqempi. Chay p'unchaymantapachataj Señorpa Espíritun Davidman jamorqa. Chaymanta Samuelqa Ramá llajtaman kutiporqa.

2 Reyes 11:17

Chaymantataj Joiadaqa uj tratota ruwarqa Señorwan, llajtawan ima Señorpa llajtan kanankupaj; ajinallatataj ruwarqanku reywan, llajtawampis.

2 Samuel 3:21

Chaymanta Abnerqa Davidman nerqa: Kunanqa rinay kanqa tukuy Israel ayllumanta kajkunata tantamoj qanwan uj tratoman yaykunankupaj, jinamanta qan kamachinaykipaj munasqaykiman jina. Davidtaj, Abnerta kacharpayarqa, paytaj kusisqa riporqa.

Jueces 11:11

Jinamanta Jefteqa paykunawan rerqa, Israel ayllutaj wapu kamachejninkupaj jina churarqa. Jefteqa, ñaupajpi Mizpapi Señorpa ñaupaqempi nisqanta nillarqataj.

Nehemías 9:38

Chay tukuy imasrayku noqaykoqa tukuy sonqowan kay qelqasqa tratota ruwayku. Kay sellasqa trato ruwasqamantaj sutisninkuta qelqaykunku kuraj kamachiwajkunasniyku, levitasniyku, jinataj sacerdotesniykupis.

2 Crónicas 23:16

Chaymantataj Joiadaqa uj tratota ruwacherqa, tukuy aylluta reytawan ima, paykuna Señorpa ayllun kanankupaj.

1 Crónicas 11:3

Chay jinamanta Israelpa tukuy kurajkunasnenqa Hebronman Davidwan parlaj rerqanku, Davidtaj paykunawan Señorpa ñaupaqempi uj tratota ruwarqanku. Chaypacha paykunaqa Davidta ajllakorqanku aceitewan jawispa, Israel ukhupi reyninku kanampaj, imaynatachus Samuelnejta Señor nisqanman jina.

1 Samuel 11:15

Chayrayku tukuynin Israel ayllu Gilgal llajtaman kachaykukorqanku, chaypitaj Señorpa ñaupaqempi Saulta reyninku kanampaj churarqanku, chaymantataj Señorman jaywarqanku allinyakuy rikuchikuta. Saulwan israelitaswantaj mayta kusikorqanku.

Éxodo 3:16

Chayaspataj tukuy israelitaspa kurajkunasninta tantachinki, paykunamantaj ninki: Ñaupa tatasniykichejpa Diosnin, Abrahampata, Isaacpata, Jacobpata ima rikhuriwaspa kay jinata niwan: Noqa qankunata qhawarimushaspa rikuykichej, imaynatachus qankunata egipcios ruwasqasuykichejta.

Josué 10:36

Eglón llajtamanta, Hebrón llajtamanñataj Josuewan tukuynin israelitaswan wicharispa maqanakamorqanku.

1 Reyes 1:34

Chanta jaqaypitaj sacerdote Sadoc, profeta Natanwan Salomompa umanman aceitewan jawenqanku Israelpa kamachejnin kanampaj; putututa waqachispataj ninkichej: Kausachun kamachej Salomón!, nispa.

1 Crónicas 11:1

Tukuy israelitas tantakorqanku, Hebronmantaj Davidwan parlaj rerqanku. Chaypitaj nerqanku: Noqaykoqa yawar masiyki kayku.

2 Samuel 2:7

Chaywampis qankunaqa kallpachakuychej, wapuchakuychejtaj. Reyniykichej Saúl wañusqanrayku, Judá ayllumanta kajkunaqa reyninkupaj ajllawanku.

1 Crónicas 28:4

Chaywampis, Israelpa Señor Diosnenqa, tukuy aylluy ukhumanta ajllawarqa Israelpaj wiñaypaj reynin kanaypaj. Pay ajllarqa Judá aylluta kamachej ayllu kanampaj. Judá ayllumantataj noqaj wasi aylluyta ajllarqa, wauqesniy ukhumantataj noqata, tukuy Israel jallp'amanta rey kanaypaj ajllawarqa.