2 Samuel 5:2 - Qheshwa Biblia DC

² Cheqamanta, Saúl reyniyku kashajtimpis, qampuni Israeltaqa tukuy maqanakusnimpi pusaykacharqanki. Chay jawaqa, Señor qanman nisorqa pusaykachanaykita kamachinaykitataj tukuy Israel ayllutaqa, nispa.

DIOSPA QHELQACHISQAN DEUTEROCANONICAL

² Cheqamanta Saúl kuraj kamachejniyku kashajtinpis, qanpuni israelitakunataqa maqanakupi kamachej jina pusaykacharqanki. Chay jawaqa Tata Dios nisorqa: Qanpuni tukuy Israel aylluyta michinki, kamachinkitaj, nispa.

DIOSPA QHELQACHISQ

² Cheqamanta Saúl kuraj kamachejniyku kashajtinpis, qanpuni israelitakunataqa maqanakupi kamachej jina pusaykacharqanki. Chay jawaqa Tata Dios nisorqa: Qanpuni tukuy Israel aylluyta michinki, kamachinkitaj, nispa.

2 Samuel 5:2 Referans Kwoze

San Mateo 2:6

Qanrí Belén, Judaj jallp'ampi kaj, manamin aswan juch'uychu kanki Judaj llajtasnin ukhupi. Qanmanta llojsenqa uj kamachej, paytaj Israel aylluyta michenqa.

Miqueas 5:4

Reyqa jatarikonqa michinampaj chay Israel ayllunta tukuy atiywan, Señor Diospa jatun kaynimpitaj, paykunataj sonqo tiyasqa kaypi tiyakonqanku, imaraykuchus Señor jatunchasqa kanqa tukuy jallp'aj cantosninkama.

Ezequiel 34:23

Noqa David kamachiyta kutirichimusaj, payta ovejasniyta michinampaj churasaj. Pay ovejasniymanqa sumaj pastosta mikhuchipuwanqa, sumajtataj qhawanqa.

San Juan 10:11

Noqa sumaj michej kani. Sumaj michejqa kausayninta qon ovejasrayku.

2 Samuel 7:7

Paykunawan purisqaymantapachaqa, mana israelitasmantaqa ni mayqen kurajkunasninkumampis, piskunatachus noqa ajllarqani Israel aylluypi kamachinankupaj, mana ni mayqenninkuman mañarqanichu cedromanta uj yupaychana wasita ruwapunawankutaqa, nispa.

Isaías 40:11

Uj michej jina ovejasninta michin, corderosta makisninwan marq'arikun, uñayoj kajkunatataj allinta pusanqa.

1 Samuel 25:30

Ajinaqa, Señor maypachachus tukuy allin kanaykimanta nerqa chayta, Israelpa kamachejnin churasojtin, qanqa mana llakikunkichu, nitaj sonqoykitapis nanachikunkichu, mana juchasniyojkunata wañurachisqaykimanta, nitaj sajramanta sajrata aynita ruwasqaykimanta. Maypachachus Señor qanta allinwan rikusojtin, yuyarikunki kay kamachiyki warmimanta.

Isaías 55:4

Noqa paytaqa nacionesman willajta churarqani; chantá kamachejta, yachachejta ima.

1 Samuel 18:13

Chayrayku paywan khuska kananmanta Davidtaqa karuncharqa, churarqataj waranqa soldadosllata kamachinampaj, paykunawantaj Davidqa maqanakusman rejtaj kutimojtaj.

1 Samuel 16:1

Señorqa Samuelman nerqa: Mayk'ajkamataj llakikunki Saulmantari?, nispa. Noqaqa manaña munanichu Israel ukhupi pay reyllapuni kanantaqa. Wajraykita aceitewan junt'achiy, riytaj Isaejpa wasinman Belén llajtaman, paypa ujnin kaj wawanta rey kanampaj ajllaniña.

Hebreos 2:10

Allin karqa Diospaj, piraykuchus, pinejtatajchus tukuy imapis ruwasqa karqa, ashkha wawasta janaj pacha k'anchayman pusashajtin, paykunaman salvacionta qoj. Jesucristotapis pusallantaj ñak'ariykunawan allinta wakichispa.

1 Samuel 18:16

Chaywampis tukuyninku israelitasmanta, jinataj Judamanta kajkunapis Davidtaqa munakorqanku pay kamachejninku kasqanrayku, maqanakuman rejtinku ñaupaj puntata yaykojtin llojsejtin.

1 Samuel 18:5

Davidqa Saul maymanchá kachaj chayman rej, tukuy imatataj allintapuni ruwaj. Chayrayku Saulqa Davidta soldadosta kamachinampaj churarqa. Davidqa allimpaj qhawasqa karqa tukuy runaspa ñaupaqempi, jinallataj Saulpa soldadosnimpa kamachejkunasnimpajpis.

1 Samuel 25:28

Kay kamachiyki warmej juchasninta perdonanaykita mañakuyki. Cheqamanta qantaqa Señor, jinataj mirayniykitapis jatun tiyanaykipi sayachichun, Señorpa sutimpi maqanakushasqaykirayku. Tukuy kausayniykipeqa ama ima sajrapis qhatirisuchunchu.

1 Samuel 13:14

Chayrayku kunanqa kamachiyniykeqa mana unaypajchu kanqa. Señorqa mask'anña pitachus munasqanta, payta churanqa ayllunta kamachinampaj, qan mana kasusqaykirayku imatachus Señor kamachisusqanta.

1 Samuel 9:16

Q'aya kay horasta Benjamimpa ayllunmanta uj runata kachamusqayki, paytataj aceitewan jawinki, Israel aylluypa kamachejnin kanampaj. Pay Israel aylluyta filisteospa atiyninmanta kacharichenqa, aylluy willakamuwan chayrayku, imaraykuchus noqa paykunamanta khuyakuni, llakiyta willakuwasqankurayku, nispa.

Génesis 49:24

Josejtari makisnin manchay kallpasniyoj. Pay sumajta arcosta jap'in. Jacobpa atiyniyoj Diosninrayku, Israelta michejninrayku, waqaychajninraykutaj.

1 Crónicas 11:2

Cheqamanta Saulqa reyniyku kashajtimpis, qampuni israelitastaqa maqanakuman rejtinku pusaj kanki. Chay jawaqa Señor Diosniyki nisorqa qan pusanaykita, kamachinaykitataj kay Israel aylluykitaqa.

2 Crónicas 1:10

Kunanqa mañayki yachayta ashkhata qonawaykita, yuyaytapis kay aylluta kamachiyta atinaypaj. Pitaj kamachiyta atinman kay jatun aylluykitari?

2 Samuel 6:21

Davidtaj Micalman kuticherqa: Arí, cheqamanta tusorqani, chaytaqa ruwarqani Señorpa ñaupaqempi. Payqa ajllawarqa tataykej cuentanmanta jinataj tukuy aylluykejmanta ima, Israel ayllunta kamachinaypaj. Chayrayku Señorpa ñaupaqempi tusullasajpuni.

2 Samuel 7:8

Chayrayku kamachiy Davidman niy, noqa Señor Tukuy Atiyniyoj nisqayta: Noqa orqhomorqayki ovejasta campopi michisharqanki chaymanta, Israel aylluypa kamachejnin kanaykipaj.