2 Samuel 24:16 - Qheshwa Biblia DC

¹⁶ Maypachachus angelqa Jerusalén llajtata tukuchinampaj kashajtintaj, Señor llakikorqa chay jina llakiyta ruwachishasqanrayku, Señortaj kamacherqa: Ayllumanta kajkunata wañurachisharqa chay angelta: Chaykamalla, saqellayña!, nispa. Chay ratoqa Señorpa angelnenqa kasharqa jebuseo Arauna maypichus trigota trillasharqa chaynejpi.

DIOSPA QHELQACHISQAN DEUTEROCANONICAL

¹⁶ Onqoyta apamoj angelqa Jerusalén llajtata tukuchinanpaj kashajtin, Tata Dios sinch'ita llakikorqa chay jina ñak'arichisqanrayku. Chayrayku Tata Dios chay angelta kamacherqa: Chaykamalla, amaña ñak'arichiychu, nispa. Tata Diospa angelnenqa jebuseo Arauna maypichus trigota trillasharqa, chaynejpi kasharqa.

DIOSPA QHELQACHISQ

¹⁶ Onqoyta apamoj angelqa Jerusalén llajtata tukuchinanpaj kashajtin, Tata Dios sinch'ita llakikorqa chay jina ñak'arichisqanrayku. Chayrayku Tata Dios chay angelta kamacherqa: Chaykamalla, amaña ñak'arichiychu, nispa. Tata Diospa angelnenqa jebuseo Arauna maypichus trigota trillasharqa, chaynejpi kasharqa.

2 Samuel 24:16 Referans Kwoze

Éxodo 12:23

Imaraykuchus Señor jamuspa egipciosta wañurachenqa; may wasi wisq'aña quejuspichá yawarta tarenqa chaytaqa pasallanqa. Chay wañuchejtataj mana saqenqachu wasisniykichejman yaykuspa wañuchinanta.

Génesis 6:6

Chayrayku Señorqa pesachikorqa runasta ruwasqanmanta, mayta sonqonta nanachikuspa.

Hechos 12:23

Chay kikimpitaj Señorpa angelnin Herodesta nanaykucherqa, Diosta mana jatunchasqanmanta. Khuruspa mikhusqantaj wañorqa.

2 Crónicas 3:1

Salomonqa qallarerqa Señorpaj yupaychana wasita llank'achiyta Jerusalempi, Moriah orqopi maypichus tatan Davidman Señor rikhurerqa chaypi, kikin maynejpichus David wakichisqa chaypi, jebuseo Ornampa eran chaypi.

2 Reyes 19:35

Chay kikin ch'isipitaj Señorpa angelnin llojsispa, asiriospa soldadosninta pachaj pusaj chunka phishqayoj waranqata jarankupi wañuracherqa. Q'ayantin sut'iyayta jatarimunankupajtaj ayasllaña karqa.

2 Crónicas 32:21

Chaypacha Señorqa kachamorqa uj angelta, paytaj wañuracherqa wapu soldadosninta, kamachejkunasninta, kurajkunasnintawan rey Asiriaj jarampi. Paytaj may p'enqasqa llajtanman kutiporqa. Diosnimpa yupaychana wasinman yaykojtintaj paypa wawasnillantaj chay kikimpi espadawan wañurparicherqanku.

2 Corintios 2:6

Chay juchallikoj runapajqa chayllaña kachun. Amaña astawan ima niychejchu, tukuyniykichej k'amispaqa.

Marcos 14:41

Kinsa kaj kutimuynimpitaj, Jesusqa paykunaman nerqa: Kunanqa puñullaychejña, samakuychejtaj. Jinallaña kachun, ñapis hora junt'akunña. Runaj Churenqa juchasapaspa makimpiña kashan.

Zacarías 9:7

Yawarniyoj aychata mikhunankuta simisninkumanta qhechusaj, mana mikhunapaj kaj mikhunaykichejtataj kirusniykichejmantaña orqhosaj. Chaywampis, chaykunamantaqa wakin noqapaj qhepakonqankuraj. Paykunaqa Judá aylluwan ujlla kanqanku, Ecrontaj jebuseos jina kanqanku.

Habacuc 3:2

Qanmanta uyarisqasniy, ruwasqasniykimantapis yachasqasneyqa, astawan manchachiywan ñaupaqeykipi apawan. Kunan ruwallaytaj, kausayniykupi chay ñaupa tiempospi jina ruwasqasniykita, jinamanta noqaykupis chay ruwasqasniykita rejsinaykupaj. Ajinamanta, chay phiñakuyniykipi rikuchiwayku khuyakuyniykita.

Amós 7:6

Señortaj mana munanchu saqeyta, nintaj: Chaypis mana jinachu kanqa, nispa.

Amós 7:3

Señortaj chay imasta ruwayta mana munarqachu, chayqa mana jinachu kanqa, nispa.

Isaías 57:16

Mana wiñaypajchu juchachasqayki, manataj wiñaypajchu phiñakusaj; imaraykuchus espiritoqa ñaupaqeypi urmanman, jinallataj ruwasqasniy kausay samaypis.

Isaías 27:8

Diosqa jasut'in ayllunta karu llajtaman apachispa. Payqa apachin wayrawan jina, inti llojsimuymanta sinch'i wayraway jina.

Salmos 135:14

Señorqa ayllunwan justiciata ruwanqa, kamachisninmantataj khuyakonqa.

Salmos 90:13

Señor, noqaykuman kutirimpuy. Mashkha unaytataj suyankiri? Kay kamachiykitaqa khuyakuy.

Salmos 78:38

Diostaj paykunamanta khuyakoj, sajra kayninkuta pampachaj paykunata mana tukuchispa; ashkha kuti ithiricherqa phiñakuyninta, manataj phiñakuywan atipachikorqachu.

Salmos 35:6

Ñanninkutaj laqha, llust'ataj kachun. Señorpa angelnin paykunata mask'aspa qhatiykachachun.

1 Reyes 19:4

Ch'in pampanejta riporqa uj p'unchay puriyta jina, chaypitaj retama sach'a uraman tiyaykukorqa wañupuyta munaspa, nerqataj: Chayllaña kachun, Señorníy, kausayniyta qhechupuwan, noqaqa mana aswan sumajchu kani tatasniymanta nisqaqa.

2 Samuel 24:18

Chay kikin diallataj Gadqa Davidta watukoj rerqa, nerqataj uj altarta Señorpaj jatarichinanta maypichus jebuseo Arauna trigota trillasharqa chaynejpi.

2 Samuel 5:8

David, chay kutipi nisqa: Tukuy pischus jebuseosta wañurachej yaykojqa, yaku larq'anta yaykuspa wañurachimuchun chay ciegosta jinataj wist'u chakista ima, chaykunata sinch'ita chejnisqayrayku, nispa. Chaymantapachataj nej kanku: Ni ciegos nitaj wist'uspis Señorpa yupaychana wasinman yaykuyta atinkuchu, nispa.

Jueces 1:21

Jinapis Benjamimpa ayllunmanta kajkunaqa Jerusalén llajtamanta mana qharqoyta aterqankuchu chaypi tiyakojkuna jebuseosta. Chayraykumari kunan p'unchaykama Jerusalempi khuska tiyakushanku jebuseoswan Benjamín ayllumanta kajkunawan.

Josué 15:63

Judáj mirayninmanta kajkunaqa jebuseos nisqata, Jerusalempi tiyakojkunata mana qharqoyta aterqankuchu. Chaymanta jebuseosqa Jerusalempi qhepakorqanku, kunankamataj Judá aylluwan khuska tiyashanku.

Éxodo 12:13

Maypichá yawar ch'ajchusqa kanqa, chaymin señalqa kanqa, chaypitaj qankuna kashankichej. Yawarta qhawariytawan qankunata pasallasqaykichej. Ajinamanta qankuna ukhupi mana wañoyqa kanqachu, Egiptopi wañushajtinku.

Éxodo 9:28

Señormanta mañay ari, kay qhon qhonkuna, granizo ima thañinampaj; noqataj manaña astawan jark'asqaykichejchu llojsipunaykichejta.

Génesis 10:16

Chantaqa wawasnillantaj karqanku: Jebuseos, amorreos, gergeseos, heveos, araceos, arvadeos, zemareos, hamateoswan. Chay qhepata tukuynin Canaán ayllus tukuynejman ch'eqeraporqanku.

Éxodo 32:14

Chaymanta Señorqa phiñakuyninta tiyaykuchikorqa, manañataj Israel runasninta chinkachiyta munarqachu.

1 Corintios 10:10

Amataj thutuychejchu Diospa contranta, imaynatachus paykunamanta wakinkuna thutorqanku jinataqa. Señorpa angelnintaj paykunata wañuracherqa.

Jeremías 26:19

Rey Ezequías, Judamanta tukuy ayllupis Miqueasta wañucherqankuchuri? Uj jinataj karqa: Señorta reyqa manchachikorqa, mañakorqataj paykunamanta khuyarikunanta. Jinataj chaypacha Señorqa manaña ñak'ariykunasta apachimorqachu, mayqenkunatachus apachinanta nerqa chaykunata. Kunanrí, noqanchejqa jatun juchatawanchu yapaykukusunman?

1 Crónicas 1:14

Canaanmanta mirarqanku jebuseos, amorreos, gergeseos, heveos, araceos, sineos, arvadeos, zemareos, hamateos ima.

Jeremías 42:10

Sichus qankuna kay jallp'api tiyakuyta munankichej chayqa, noqa qankunata aswan allin kajwan yanapasqaykichej, mana chinkachisqaykichejchu, manachayqa allinta sayachisqaykichej, manataj t'irasqaykichejchu. Mayta sonqoyta nanachikuni kay ñak'ariykunasta qankunaman apachimusqaymanta.