2 Samuel 23:5 - Qheshwa Biblia DC

⁵ Chayrayku mirayneyqa Diospi sinch'i sayasqa kashan. Payqa noqawan uj wiñay tratota ruwarqa, sumaj cheqan ruwasqa sumaj segurasqataj. Pay tukuynin atipayta qowan, tukuy munasqasniy imastataj junt'achimpuni.

DIOSPA QHELQACHISQAN DEUTEROCANONICAL

⁵ Chayrayku mirayneyqa Diospi sinch'i sayasqa kashan. Paymin noqawan wiñaypaj tratota ruwan, sumaj cheqan ruwasqata, sumaj sayachisqatataj. Payqa yanapallawanqapuni, tukuy imatachus munasqaytataj ruwanqapuni.

DIOSPA QHELQACHISQ

⁵ Chayrayku mirayneyqa Diospi sinch'i sayasqa kashan. Paymin noqawan wiñaypaj tratota ruwan, sumaj cheqan ruwasqata, sumaj sayachisqatataj. Payqa yanapallawanqapuni, tukuy imatachus munasqaytataj ruwanqapuni.

2 Samuel 23:5 Referans Kwoze

Isaías 55:3

Ningriykichejwan sumajta uyariwaychej, noqamantaj qayllamuwaychej. Uyariwaychej ari kausanaykichejpaj. Qankunawan wiñaypaj uj tratota ruwasaj, imatachus munakuyniywan Davidman nerqani, chayta junt'aspa.

Jeremías 32:40

Paykunawan uj tratota wiñaypaj ruwasaj: Paykunaman nisaj, manaña jayk'ajpis saqenayta, allinwan rikuyta, yupaychawayta munaywantaj sonqonkuman junt'achisaj ama noqamanta t'aqakunankupaj.

Hebreos 13:20

Sonqo tiyachej Diosqa, pichus wañusqakunamanta kausarichimorqa Señorninchej Jesucristota, ovejaspa jatun michejninta, wiñay tratoj yawarnimpi, tukuy ima allin ruwaypi qankunata wakichichun, paypa munayninta ruwanaykichejpaj. Ajinata qankunapi pay ruwachun imachus ñaupaqempi allin kajta Jesucristonejta. Payman janaj pacha k'anchay kachun, wiñaypa wiñayninkama. Amén.

Hebreos 6:19

Chay suyaytaqa jap'inchej allin sayayta, thuruta, almaj sayachinata jina, mayqenchus warkhusqa veloj ukhunkama yaykun, chayta.

Hechos 13:34

Wañusqasmanta kausarichimuspa, manaña jayk'ajpis ismuyman kutiykunampaj, Diosqa kay jinata nerqa: Qankunaman qosqaykichej, jaqay ajllasqa cheqa kaj khuyakuyta, mayqentachus Davidman qosaj nerqani, chayta.

Amós 9:11

Uj p'unchay jamushan Davidpa ayllunta urmasqamanta sayarichinaypaj. Davidpa yupaychana wasinta sayarichisaj, lajrasninta llup'aykusaj, pampachasqa kasqanmanta oqharisaj, watejmanta sayarichisaj, imaynachus ñaupajta karqa kikinta.

Ezequiel 37:26

Paykunawan uj sonqo tiyakuy tratota ruwasaj, mana jayk'aj tukukojta. Paykunata ashkhaman mirachisaj, sumajtataj tiyaykuchisaj. Paykuna chaupipi Diosta yupaychana, ajllakusqay wasiyta wiñaypaj sayachisaj.

Isaías 61:8

Noqa Señorqa imapis cheqampuni kananta munani. Suwakojta, runa wañuchejta ima chejnikuni. Chayrayku runaj ruwasqasninman jina t'inkanta qopusaj, paykunawantaj wiñaypaj tratota ruwasaj.

Isaías 27:6

Qhepa p'unchaykunaman Jacobqa sumajta saphinchakonqa, ajinamanta Israelqa ch'illchispa t'ikanqa, chay poqoynintaj mundontinman junt'aykonqa.

Isaías 11:1

Uj k'ullumanta ch'illchimonqa, chay k'ulloqa Isaí; saphisninmantataj ch'illchimoj wiñallanqataj.

Isaías 7:14

Kikin Señormin señalta qosonqachej. Qhawariychej, manaraj qharita rejsej sipas wijsallikun, nacechikuspataj, wawanta Emanuelta sutichanqa.

Isaías 4:2

Chaypacha, Señorpa sach'an ch'illchin kanqa may sumaj, k'achataj salvakoj israelitaspaj, jallp'aj poqoyninmantataj mayta kusikonqanku, jatunchakonqankutaj.

Salmos 119:81

Salvacionniykimanta jina lastashani; parlasqaykipi suyakuni.

Salmos 89:3

Nerqanki: Ajllasqaywan uj tratota ruwarqani. Kamachiy Davidman jurarqani:

Salmos 62:2

Payllapuni salvakunay, pakakunay chhankataj. Mana urmasajchu, imaraykuchus paypi pakakuni.

Salmos 27:4

Ujllata Señormanta mañakuni, chaytataj mask'asaj; Señorpa wasimpi kakuyta tukuy kausayniypi, may k'acha kasqanta t'ukuspa qhawanaypaj.

1 Reyes 11:38

Sichus uyariwanki kay tukuy kamachisusqayta, ñankunasniypitaj puriwaj, noqaj ñaupaqeypi, cheqanta ruwaspa, waqaychaspa kamachisqasniyta, nisqasniytawan, kamachiy David ruwarqa jinata chayqa, qanwan noqa kasaj, wasiykitapis sumajta sayachisaj, imaynatachus Davidpajpis ruwarqani jinata, Israeltataj qanman qosqayki.

1 Reyes 1:5

Chanta Haguitpa wawan Adoniasqa tatan Davidpa contrampi okharikorqa: Kunanqa noqa kamachisaj, nispa. Adoniasqa wakichikorqa carretasta, caballospi purej runasta, phishqa chunka runastawan paywan khuska kanankupaj.

2 Samuel 18:14

Joabtaj kuticherqa: Mana astawan tiempoyta qanwan usuchiymanchu, parlaytawantaj kinsa dardosta makimpi oqhariykukuspa Absalompa sonqonman sat'iykorqa, chay encina sach'api warkhusqa kausashajtillanraj.

2 Samuel 13:28

Absalontaj kamachi runasninta kamachisqa: Sumajta qhawankichej Amnonta, umanta vino muyuchejtinñaqa, noqa nisqaykichej wañuchinaykichejta, qankunataj chaypacha wañuchinkichej. Ama manchachikunkichejchu chayta ruwayta, noqa jinata kamachisusqaykichejrayku. Ajinaqa kallpachakuychej wapuchakuychejtaj.

2 Samuel 13:14

Amnontaj mana kasorqachu, Tamarmanta aswan kallpayoj kasqanraykuri, kallpanman atienisqa paywan puñuykorqa.

2 Samuel 12:10

Kunanqa noqata qhesachaspa chay hitita Uriaspa warminta warmiykipaj jap'ikapusqaykirayku, mana jayk'ajpis aylluykipaj faltanqachu wañuchikuykuna.

2 Samuel 7:18

Chaypacha rey Davidqa Señorman parlanampaj, Señorpa ñaupaqenman rerqa, nerqataj: Señor, pitaj noqa kasqani, pitaj aylluypis kasqa, kaykama qan chayachimunawaykipajrí?

1 Samuel 25:28

Kay kamachiyki warmej juchasninta perdonanaykita mañakuyki. Cheqamanta qantaqa Señor, jinataj mirayniykitapis jatun tiyanaykipi sayachichun, Señorpa sutimpi maqanakushasqaykirayku. Tukuy kausayniykipeqa ama ima sajrapis qhatirisuchunchu.

1 Samuel 2:35

Chaymantataj noqaqa ajllakusaj uj cheqa sacerdoteta, munasqayman jina ruwanampaj. Paymanqa qollasajpuni astawan mirayta, jinataj ajllasqay reypa kamachillampipuni kanampaj.

Génesis 9:16

Maypachachus k'uychi phuyuspi rikhurenqa chayqa, qhawarisaj, yuyarikusajtaj uj tratota wiñaypaj ruwasqayta tukuy runawan, tukuy animaleswan jallp'a patapi kajkunawan.

2 Samuel 7:12

Maypachachus kausayniyki tukukapojtin, wañupunkitaj chaypachaqa, mirayniykimanta kajllatataj rey kanampaj churasaj, reinontataj sayachisaj.

Isaías 54:10

Khuyakoj Señorniykeqa nisunki: Tukuy orqosqa kuyurenqanku, lomaspis kharkatitenqanku; munakuyniyrí qanmantaqa manapuni t'aqakusonqachu, sonqo tiyakuy tratota ruwasqanchejpis manapuni p'akikonqachu.

Jeremías 33:21

Ajinallatataj junt'akonqapuni, kamachiy Davidwan trato ruwasqayqa, jinataj tronopi mirayniymanta uj tiyakojqa. Chanta Leví ayllumanta kamachisniy sacerdoteswampis manapuni tratoytaqa p'akisajchu.

Salmos 111:9

Pay llajtanta kacharicherqa, trato ruwasqantataj wiñaypaj sayacherqa. Diosninchejqa santo Dios, manchachikunataj.