2 Samuel 23:10 - Qheshwa Biblia DC

¹⁰ Payqa mana iskayrayaspa maqanakullarqapuni, filisteostataj wañuracherqa makin sayk'unankama, makin espadanman k'askaykunankama. Chay diapi Señorqa uj jatun atipayta qorqa. Chaymantataj soldadosqa Eleazarta qhaterqanku chay enemigosninkoj imasninta jap'ikapunankupaj.

DIOSPA QHELQACHISQAN DEUTEROCANONICAL

¹⁰ Eleazarrí mana iskayrayaspa maqanakullarqapuni, filisteokunatataj wañuracherqa makin espadanman k'askaykunankama. Chay p'unchaypeqa Tata Diosqa filisteokunata Eleazarwan atipasqata atipaykucherqa. Chaymantataj soldadokunaqa Eleazarpa qhepanta rerqanku awqankoj imankuta oqharikojllaña.

DIOSPA QHELQACHISQ

¹⁰ Eleazarrí mana iskayrayaspa maqanakullarqapuni, filisteokunatataj wañuracherqa makin espadanman k'askaykunankama. Chay p'unchaypeqa Tata Diosqa filisteokunata Eleazarwan atipasqata atipaykucherqa. Chaymantataj soldadokunaqa Eleazarpa qhepanta rerqanku awqankoj imankuta oqharikojllaña.

2 Samuel 23:10 Referans Kwoze

1 Samuel 19:5

Payqa wañuyta mana manchachikuspa filisteosta wañucherqa, jinamanta Señorqa paynejta tukuy israelitasman jatun atipayta qorqa, chaytaqa rikorqanki kusikorqankitaj. Imaraykutaj qan uj mana juchayoj runata wañuchiyta munankiri, Davidta mana imallamanta wañuchiyta munaspari?

1 Samuel 11:13

Saultaj nerqa: Kay p'unchaypeqa mana pipis wañonqachu, Señor Israel ayllunta salvasqanrayku.

2 Corintios 4:5

Manataj noqaykumantachu willayku, astawanqa Señor Jesucristomanta willayku; noqaykutaj qankunaj kamachiykichej jina kayku, Jesuspa munakuyninrayku.

Romanos 15:18

Noqaqa mana parlaymanchu Cristo noqanejta mana ruwasqanmanta palabraywan, ruwasqaywantaj gentiles Diosta kasunankupaj.

Isaías 53:12

Chayrayku atiyniyojkunamanwan khuska chayaqenta qopusaj. Chaymanta payqa atipajkunaj t'inkanta jap'ikaponqa, pay kikin wañuyman jaywakusqanrayku. Payqa juchasapaswan khuska yupasqa karqa, tukuypa juchasninta apaspa, Diosmantataj chay juchasapaspaj mañapuspa.

Salmos 144:10

Qan reyesman atiypayta qonki, qan librarqanki David kamachiykita.

Salmos 108:13

Diospa yanapayninwan jatuchaj imasta ruwasunchej, Paymin enemigosninchejta saruranqa.

Salmos 68:12

Soldadospa reyesninku ayqerqanku. Wasispi warmisqa partinakunku, enemigosninkumanta qhechusqankuta.

2 Reyes 5:1

Siriamanta reypa, soldadosnimpa kurajnin Naamán sutiyoj karqa; wiraqochimpa ñaupaqempi ancha munasqa karqa, mantasqataj, imaraykuchus paynejta Señorqa Siriaman atiyta qorqa. Chay runaqa may wapupuni karqa. Chaywampis llijti lepra onqoyniyoj karqa.

1 Samuel 14:23

Chay maqanakoqa Bet-aven llajtakama chayarqa. Kay kutipeqa ajinata Señorqa israelitasta librarqa.

1 Samuel 14:6

Jonatanqa chay yanapajninman nerqa: Thaskiypacha, risunchej Diosta mana manchachikoj runaspaman. Ichapis Señorqa noqanchejnejta imatapis ruwanman, paypajqa atikullan atipachinawanchej ashkha runaswampis, chayri pisiswampis.

Jueces 15:18

Chaypacha Sansonqa sinch'ita ch'akichikusharqa, Señormantaj qhaparikorqa, nispa: Imaraykutaj kay jatun atipayta qowarqanki kunantaj qampi mana creejkunaj makimpi yaku ch'akiywan wañuchinawaykipaj?

Jueces 15:14

Lehiman chayamojtintaj filisteosqa kusiywan qhaparkachaspa payta taripaj llojserqanku. Señorpa Espirituntaj Sansonman jamorqa, paytaj makisnimpi chay watasqa waskhasta t'ipirarerqa uj ruphasqa linomantapis ruwasqas kankuman karqa jinata.

Josué 11:8

Señortaj Israelitaspa makisninman jaywarqa; israelitastaj wañuracherqanku, wakintataj qhatikorqanku Sidón jatun llajtakama, chaymanta Misrefot-maimkama, inti llojsimuypi Mispa pampakama, mana ujniyojta tukuchinankukama.

Josué 10:42

Ajinata Josueqa chay jallp'asta uj kutillapi jap'ikaporqa; imaraykuchus Israelpa Señor Diosnin paykunaman kutikuspa maqanakorqa.

Josué 10:10

Señortaj amorreostaqa maytapuni manchariykucherqa israelitaspa ñaupaqempi. Ajinamanta Josueqa ashkha runasta Gabaompi wañuracherqa. Chaymantaqa qhatiykorqa Bet-horonman wicharej ñannejta, chaymanta rillarqapuni amorreosta wañuchispa Azecakama, Macedakama ima.

2 Samuel 23:12

Samataj chay tarpusqa chaupipi sayaykukuspa jark'arqa, jinamanta filisteosta atipaykuspa. Ajinamanta Señorqa jatun atipayta chay día qorqa.

1 Crónicas 11:13

Payqa Davidwan Pas-damin llajtapi karqa maypachachus filisteos maqanakupaj chaypi tantakorqanku chaypacha. Chaypi karqa cebada tarpusqa chajra, maypachachus israelitas filisteosmanta ayqerqa chaypacha, payqa chay tarpusqa chajra chaupipi sayaykukuspa paykunamanta jark'akuspa filisteosta atipaykorqa. Jinamanta Señorqa jatun atipayta qorqa.

1 Samuel 17:53

Israelitastaj filisteosta qhatiykusqankumanta kutirimuspa, filisteokunaj jarankupi tukuy imanku kajta jap'ikaporqanku.