2 Samuel 22:3 - Qheshwa Biblia DC

³ Diosníy, pakakunay chhanka, jark'akunay, atiyniyoj salvawajníy, aswan patapi kaj pakakunay, aswan patapi kaj ayqeykunay, salvawajníy, Qanlla salvawarqanki sinch'i llakiykunamanta!

DIOSPA QHELQACHISQAN DEUTEROCANONICAL

³ Diosníy, qan kanki pakakunay chhanka, jark'akuwajniytaj. Atiyniykiwan qhespichiwanki, alto patapi sumaj pakakunaytaj kanki. Qanlla mana allin ruwajkunamanta jark'akuwanki.

DIOSPA QHELQACHISQ

³ Diosníy, qan kanki pakakunay chhanka, jark'akuwajniytaj. Atiyniykiwan qhespichiwanki, alto patapi sumaj pakakunaytaj kanki. Qanlla mana allin ruwajkunamanta jark'akuwanki.

2 Samuel 22:3 Referans Kwoze

Salmos 9:9

Señorqa runaspa llakichisqasninmanta jark'akun; phutiywan atipachikushajtinkupis yanapan.

Isaías 12:2

Diosmin salvawajneyqa; payman noqaqa atienekuni, manañataj manchachikusajchu. Señormin pakakunayqa kallpaytaj. Paylla noqataqa salvawan.

Proverbios 18:10

Señorpa sutenqa uj sumaj torre jina, chayman cheqan runasqa pakakunankupaj qayllanku.

Proverbios 30:5

Señorpa tukuynin palabrasnenqa llimphupuni; payqa waqaychan paypi tukuy yuyaykunata.

Salmos 46:11

Atiyniyoj Señorqa noqanchejwan kashan. Jacobpa Diosnenqa pakakuyninchej.

Salmos 18:2

Qan pakakunay chhanka kanki, jark'akuwajniytaj, librawajniy Diosniytaj kanki. Qan kanki pakakunay chhanka, pakakunay escudo, salvawajniy, kallpay, altopi sumaj pakakunaytaj.

Deuteronomio 33:29

Qanqa, Israel, sumaj kusikuyniyoj kanki. Pitaj qan jinari? Qantaqa Señorpuni librasonqa. Pay imamantapis jark'akusunki, yanapasunkitaj. Paymin atipanayki espadaykeqa. Enemigosniykeqa qanman k'umuykamusonqanku. Qantaj wapuykachasqankuta tukuchinki.

Génesis 15:1

Chay qhepata Dios parlarqa Abramman mosqoypi jina, nispa: Ama manchachikuychu Abram, noqa qampa jark'ajniyki kani, qampa t'inkaykeqa may chhikapuni kanqa.

Hebreos 2:13

Ujtawan nillantaj: Noqa paypi suyasaj; nillantaj: Kaypi kashani, Dios qowarqa chay wawaswan.

San Lucas 1:69

Noqanchejpaj atiyniyoj Salvadorta oqharerqa, kamachin Davidpa ayllunmanta; imaynatachus ñaupajmanta Dios parlasqanman jina, ajllasqa profetasnimpa siminnejta; enemigosninchejmanta salvanawanchejpaj, tukuy chejniwajninchejpa makisninmantawan.

Salmos 144:2

Paymin khuyakuwajniy, jark'awajniy, ancha sumaj pakakunay, librakunay ima. Payqa maqanakunay armas noqa jark'akunaypaj, payqa ayllusta makisniyman churan.

Salmos 59:16

Noqamantaqa, tutamanta takipusqayki, kunka llik'ikuyta qhaparispa, munakuyniykimanta atiyniykimantawan. Qanqa jark'akuwajniy. Qampi pakakuni, llakiyniy p'unchaypitaj pakakunay karqanki.

Salmos 14:6

Sajra runasqa wajchu runaspa yuyasqankumanta asikunku. Señortaj wajcha runasman kutikun.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

Isaías 32:2

Chay sapa ujninku kanqanku wayramanta pakakunapaj jina, llojlla para wayramanta pakakunapaj; ch'aki jallp'api qarpanapaj larq'as jina; ch'in pampapi jatun chhankaj llanthun jina.

Salmos 140:4

Señor, jark'away sajra runaspa makinmanta, libraway maqanakoj runasmanta, paykunaqa misk'anata noqapaj wakichinku;

Salmos 55:9

Paykunata chinkachiy, Señor, parlayninkuta pejtuy. Maqanakuta, chejninakuyllata paykunapeqa rikuni.

Salmos 46:7

Atiyniyoj Señor Diosninchejqa noqanchejwan kashan. Jacobpa Diosnenqa pakakuyninchej.

Salmos 140:11

Ch'ichi simeqa ama kay pachapi sayachunchu, runa maqajtaqa mana allin qhatirichun, chinkarichuntaj.

Salmos 140:1

Señor, sajra runasmanta libraway, maqaj runamanta jark'away.

Salmos 86:14

Diosníy, may kasqankuta yuyakojkunaqa contraypi oqharikuspa wañuchiyta munawanku; mana qanmanta yuyarikunkuchu.

Salmos 84:11

Señor Diosqa k'anchawanchej, waqaychawanchejtaj. Señorqa munakun qhawantaj llimphu sonqo kausakojkunata tukuy ima allintataj paykunaman qollampuni.

Salmos 84:9

Diosníy, jark'awajniyku, allin ñawiwan qhaway qampaj ajllakusqaykita rey kanampaj.

Salmos 72:14

Ch'aukiyaspa sarojkunamanta, wapu wapu runaj makinmantawan salvanqa, imaraykuchus kausayninkoqa may sumaj.

Salmos 71:7

Ashkha runaj t'ukunan karqani, qan pakakunay kanki.

Salmos 61:3

Qan pakakunay kanki. Enemigoymanta librakunaypaj, sinch'i torre jina kanki.

Salmos 46:1

Diosninchejqa jark'akuwajninchej, kallpanchejtaj. Llakiykunapi mana allin kashajtinchej, usqhayta yanapawanchej.

Salmos 28:7

Señormin sinch'i jark'awajneyqa. Paypi atienekorqani, paytaj yanapawarqa. Sonqoy kusisqa kashan. Chayrayku Señorman takisaj, agradecekusajtaj.

Salmos 27:5

Llakiykuna jamojtin, Señorqa pakawanqa. Tiyakunan wasin ukhupi pakawanqa; chhanka patamantaj salvasqata churawanqa.

Salmos 5:12

Señor, qan bendicinki cheqan ruwajta. Munakuyniykeqa jark'akuna jina payta waqaychan.

Salmos 3:3

Qan Señorníy, muyuyniypi jark'akuwajniy kanki. Qan kusichiwaspa kallpachawanki.

2 Samuel 22:51

May chhika atipaykunasta kay ajllakusqayki reyman qonki; munakuywampunitaj wiñaypaj rikunki Davidta tukuy miraynintintapis.

2 Samuel 22:49

Pay enemigosniymanta librawan, contraypi oqharikojkunamanta aswan pataman churawan. Qan Señor, sajra runasmanta kacharichiwanki!

1 Samuel 2:1

Anaqa kay jinata Señormanta mañakorqa: Señor, tukuy sonqoywan qampi kusikuni, imaraykuchus qanllamin watejmanta kallpachawanki. Chejninakuwajkunaman kutichikuyta atini. Qan yanapawasqaykirayku, kusisqa kashani!

Deuteronomio 32:37

Chaypitaj paykunaman nenqa: Maypitaj kunan dioskunasniykichejri? Maypitaj kunan jark'asojniykichej chhanka pakakunaykichejpajri?

Tito 3:6

Chay mayllakunanchejtaqa pay apachimuwarqanchej ashkhamanta, Jesucristo Salvadorninchejnejta.

Tito 3:4

Maypachachus Dios Salvadorninchej rikucherqa khuyakuyninta munakuynintawan runakunaman, chaypacha salvawarqanchej. Mana noqanchej ima allinta ruwasqanchejraykuchu, astawanqa khuyakuyninrayku. Mayllawarqanchejtaj mosoj kausaypaj; Santo Espiritunejta mosojyachisqas kananchejpaj.

San Lucas 1:47

Espirituytaj mayta kusikorqa Salvawaj Diosniypi.

Jeremías 16:9

Noqaqa Tukuy Atiyniyoj Señor Israelpa Diosnin chayta parlani: Noqa chinkachisaj kay naciompi fiestaspi takiykunasninkuta, jinataj kusikuykunasninkuta, chanta casarakupi takiykunasninkutapis. Kay p'unchaykunaspi chay tukoyqa qhatirisonqachej qankunaj rikunaykichejta.

Isaías 45:21

Qankuna allinta parlaychej, ruwasqasninkuta rikuchiychej, munankichej chayqa ujkuna ujkuna tapunakuychej: Pitaj qallariymantapacha kay imasta ruwarqari? Pitaj unaymantapacha kay imasta willanri? Manachu noqa Señor chay imastaqa willarqaykichej? Noqamanta astawan waj diosqa mana kanchu. Cheqan Diosqa, tukuy imata atipajqa, manapuni ujpis kanchu; noqalla kani.

Salmos 32:7

Qan pakakunay kanki. Mana allin kajmanta jark'awanki, atipay takinasta qhaparispataj muyuykuwanki.

Salmos 142:4

Paña ladoman kutirikuni, mana pipis yanapawaj jamojqa kanchu. Mana pipis kutikuwajqa kanchu. Mana pipis noqata qhawariwajqa kanchu.

Deuteronomio 32:4

Payqa jark'akuwajninchej, ruwasqasnenqa may sumajpuni. Tukuy ñankunasnenqa cheqampuni. Payqa mana llullakoj Dioschu. Payqa mana jayk'ajpis pantanchu. Payqa cheqanmin, cheqa kajta ruwajtaj.

1 Samuel 2:2

Mana qan jina pipis santoqa kanchu Señor! Mana waj kanchu qanmanta nisqaqa, nitaj waj pakakuna chhankapis Diosniyku jinaqa.

2 Samuel 22:31

Diospa ñannenqa allin cheqanmin; Señorpa nisqasnenqa atienikunapaj jinapuni. Dios waqaychan tukuy paypi suyajkunata.

2 Samuel 22:47

Jatunchasqa kachun Señor! Waqaychawajneyqa bendicisqa kachun! Jatunchasqa kachun, salvawaj, waqaychawaj Diosneyqa!

2 Samuel 23:3

Israelpa Diosnin parlan; Israelpa waqaychajnin niwan: Pichus kamachenqa runasta justiciawan, pichus kamachenqa Diosta manchachikuypi, sut'iyaymanta k'anchay llojsimoj jina kanqa, mana phuyusniyoj paqarimpi intej k'anchaynin jina, para pasayta qhorata wiñachej, ajina kanqa.

Éxodo 15:2

Señorman takisaj. Pay noqaj salvacionniy, kallpaytaj. Kaymin Diosneyqa, Payta yupaychasaj, tataypa Diosnin; Payta jatunchasaj.

Salmos 9:10

Rejsisojkunaqa, Señor qampi atienekusunku imaraykuchus mask'asojkunataqa ni jayk'aj qonqankichu.

Salmos 46:2

Chayrayku, mana manchachikusunchejchu, kay jallp'a ikhakojtimpis, mar ukhuman orqos chinkaykojtimpis;