2 Samuel 16:10 - Qheshwa Biblia DC

¹⁰ Reytaj kuticherqa: Kay ruwayqa mana qankunapajchu. Pay jinata nishan chayqa, Señor kamachisqanraykuchari. Jina kajtenqa pitaj parlarinman imaraykuchus chayta ruwasqanmantarí?

DIOSPA QHELQACHISQAN DEUTEROCANONICAL

¹⁰ Kuraj kamachejtajrí kuticherqa: Kayqa mana qankunapajchu. Paychus jinata nishan chayqa, Tata Dios kamachisqanraykuchá nishan. Jina kajtenqa, pitaj ninman: Imaraykutaj chayta ruwashanki? nispa.

DIOSPA QHELQACHISQ

¹⁰ Kuraj kamachejtajrí kuticherqa: Kayqa mana qankunapajchu. Paychus jinata nishan chayqa, Tata Dios kamachisqanraykuchá nishan. Jina kajtenqa, pitaj ninman: Imaraykutaj chayta ruwashanki? nispa.

2 Samuel 16:10 Referans Kwoze

2 Samuel 19:22

Davidtaj kuticherqa: Ni ima ruwanay kanchu qankunawan, Sarviaj wawasnin! Imaraykutaj churanakuwankichejri? Kunan cheqamanta yachani Israelpa reynin kasqayta, kanan p'unchayqa mana pipis Israelpi wañonqachu.

Romanos 9:20

Qanrí, runa, pitaj kanki Dioswan churanakunaykipaj? T'uru vasoqa ninmanchu ruwajninman: Imapaj ajinata ruwawarqanki, nispa?

San Juan 18:11

Jesustaj chaypacha Pedroman nerqa: Espadaykita waqaychananman churaykapuy. Manachu Tataypa qowasqan vasomanta ujyayman?

1 Pedro 2:23

Cristoqa, payta maldicejtinku, mana maldicillarqatajchu, ñak'arishaspapis mana kutichikorqachu, astawanqa cheqanta juzgajpa makisninman chay imasta churarqa.

San Mateo 16:23

Jesustaj kutirikuspa Pedroman nerqa: Riy kaymanta Satanás. Qanqa misk'achiyta munawanki. Imaraykutaj mana Diospa imasnimpi yuyankichu? Qanqa runakunaj imasnillampi yuyashanki.

Daniel (hebreo) 4:35

Paypa ñaupaqempi mana imapis kankuchu kay jallp'a patapi tukuy tiyakojkunaqa. Pay ruwan munayninman jina, janaj pachapi, jinallataj kay pachapipis. Mana pipis kanchu Diospa atiyninman sayaykojqa, manallataj pipis payta tapurinmanchu, imarayku jinata ruwanki?, nispa.

2 Samuel 3:39

Diospa churasqan rey kayniywampis mana kallpayoj jina kashani, Sarviaj wawasnin chay millayta ruwasqankurayku. Señor, chay juchanman jina, qopuchun chayta ruwaj runamanqa!

Génesis 50:20

Qankuna mana allintachu ruwawayta munarqankichej, Diostaj chay mana allinta, allinman tukucherqa, mayqentachus kunan rikushankichej, ashkhasta kausachinaypaj.

Eclesiastés 8:4

Reypa kamachisqanqa kasunapajpuni; mana pipis niyta atinchu, imatá kayta ruwankiri?, nispallapis.

Job 9:12

Sichus imata jap'ikapun chayqa, pitaj qhechuyta atinmanri? Pitaj ninman, imatataj ruwashanki?, nispari.

2 Reyes 18:25

Manachu noqapis Señorwan jamushani kay cheqata chinkachinaypaj? Señor noqatapis niwarqa: Wicharispa chay jallp'ata chinkachimuy, nispa.

1 Reyes 2:5

Qanqa ñapis yachankiña imatachus ruwawasqanta Sarviaj wawan Joabqa, imatachus ruwasqanta israelita soldadospa chay iskay kurajkunasninwan, Nerpa wawan Abnerwan, Jeterpa wawan Amasapiwan, paykunataqa wañucherqa mana maqanaku kashajtin, yawarta jich'aspa maqanaku tiempopi jina, p'achasniyta, ojot'asniytawan yawarchaspa.

San Mateo 8:29

Qhaparerqankutaj: Diospa Churin, ima ruwanayki tiyan noqaykuwan? Noqaykuta ñak'arichejchu jamuwayku, manaraj ñak'arinayku kashajtin?

1 Reyes 17:18

Paytaj Eliasman nerqa: Diospa runan, ima ruwanay tiyan noqa qanwanri? Juchasniymanta yuyarichiwajchu kayman jamunki, wawaytapis wañuchej?

Salmos 39:9

Ch'inlla karqani, mana parlarerqanichu, qan chay ruwaj kasqaykirayku.

1 Samuel 26:19

Noqa mañayki qan reyniyta noqa kamachiykita uyarinawaykita. Señorchus noqaj contraypi kanaykita nisorqa chayqa, jap'ichun rikuchikuta jaywasqayta. Runasllamantachus kanman chayri, Señor paykunata maldicichun. Paykunaqa Señorpa llajtanmanta wijch'uwanku, chaywantaj waj dioskunata yupaychanayta munaspa jinanku.

2 Samuel 19:23

Chaymantataj reyqa Simeiman jurarqa mana wañunanta.

Lamentaciones 3:37

Pitaj kanman, kaytaqa mana Señorchu apachimun, nejri?