2 Reyes 9:3 - Qheshwa Biblia DC

³ Chay yurupi aceitewantaj, paypa umanman jich'aykunki, ninkitaj: Señorqa ajinata nisunki, Israelpi kamachej kanaykipaj noqa churayki. Wasi punkuta kichariytawantaj chay rato ayqekamunki mana sayarispa.

DIOSPA QHELQACHISQAN DEUTEROCANONICAL

³ Chantá yurupi aceite apasqaykita paypa umanman jich'aykuspa, ninki: Tata Dios, ajinata nisunki: Israel suyuta kamachinaykipaj noqa churayki, nispa. Jinaspataj, punkuta kichariytawan, mana sayarispa ayqemunki, nispa.

DIOSPA QHELQACHISQ

³ Chantá yurupi aceite apasqaykita paypa umanman jich'aykuspa, ninki: Tata Dios, ajinata nisunki: Israel suyuta kamachinaykipaj noqa churayki, nispa. Jinaspataj, punkuta kichariytawan, mana sayarispa ayqemunki, nispa.

2 Reyes 9:3 Referans Kwoze

1 Reyes 19:16

Nimsej allchhin Jehuta jawiykunki Israelpi kamachej kanampaj; Abel-meholamanta Safatpa wawan Eliseotataj jawiykullankitaj qampa cuentaykipi profeta kanampaj.

San Mateo 2:13

Yachaysapa runas ripusqankumanta, Señorpa angelnin Joseman rikhurerqa mosqoypi, nerqataj: Jatarikuy, wawata mamantawan pusarikuspa, ayqey Egipto jallp'aman. Chaypitaj qhepakunki noqa ujtawan willasunaykama. Herodesqa wawata mask'anqa wañuchinampaj.

Daniel (hebreo) 5:18

Tukuy Atiyniyoj Dios, Nabucodonosor tataykiman qorqa reinota, jatun atiyta, gloriata, jatumpaj qhawasqa kayta ima.

Daniel (hebreo) 4:35

Paypa ñaupaqempi mana imapis kankuchu kay jallp'a patapi tukuy tiyakojkunaqa. Pay ruwan munayninman jina, janaj pachapi, jinallataj kay pachapipis. Mana pipis kanchu Diospa atiyninman sayaykojqa, manallataj pipis payta tapurinmanchu, imarayku jinata ruwanki?, nispa.

Daniel (hebreo) 2:1

Nabucodonosorpata ashkha mosqoynin tiyaporqa iskay wataña rey kashajtin. Chayrayku payqa anchata llakikuspa mana puñuyta aterqachu.

2 Crónicas 22:7

Joramta waturej jina Ocozías wañuchisqa kananqa Diosmanta jamorqa. Chayaytawankama Ocoziasqa Joramwan llojserqa Nimsej wawan Jehuwan tinkumoj. Jehutarí Diospuni ajllasqa Acabpa ayllumpi kajkunata tukuchinampaj.

2 Reyes 8:13

Hazaeltaj nerqa: Chantá, noqa ima kasqani kay alqo kamachiyki chay jina jatuchaj imasta ruwanaypajri? Eliseotaj nerqa: Ñapis Señorqa rikuchiwanña Siriapi qan kamachinaykita.

1 Samuel 16:2

Samuelqa kuticherqa: Imaynatataj riymanri?, nispa. Saulchus yachanman chayqa wañuchiwanmanchari! Señortaj kuticherqa: Uj waka uñata jap'iy, niytaj: Señorpaj uj rikuchikuta jaywaj jamuni nispa.

1 Samuel 15:17

Samueltaj parlarqa: Qanqa mana kasuy runa karqanki, chaywampis Señorqa Israel ayllus ukhupi reyninku kanaykipaj ajllaspa churasorqa.

1 Samuel 15:1

Uj p'unchay Samuelqa Saulman nerqa: Señor kachamuwarqa t'aqasunaypaj Israel aylloj reynin kanaykipaj. Chayrayku kunan uyariy Señor imatachus nisuyta munan chayta.

1 Samuel 9:16

Q'aya kay horasta Benjamimpa ayllunmanta uj runata kachamusqayki, paytataj aceitewan jawinki, Israel aylluypa kamachejnin kanampaj. Pay Israel aylluyta filisteospa atiyninmanta kacharichenqa, aylluy willakamuwan chayrayku, imaraykuchus noqa paykunamanta khuyakuni, llakiyta willakuwasqankurayku, nispa.

Levítico 8:12

Chaymanta Moisesqa Aarompa umanman chay ajllaspa jawina aceitewan jich'aykorqa, sacerdotepaj t'aqasqa kanampaj.

Éxodo 29:7

Chaymantataj jawinayki aceitewan umanman jich'aykuspa jawiykunki sacerdote kanampaj.

San Mateo 10:16

Kunanqa, noqa kachashaykichej, ovejasta jina atojkunaj chaupinman. Kataris jina sumaj yuyayniyoj kankichej; palomas jinataj llamp'u sonqosniyoj.

1 Samuel 10:1

Chaypacha Samuelqa aceite botellata jap'ispa Saulpa uman pataman jich'aykorqa, much'aykuspataj nerqa: Kunanmanta Señorqa t'aqasunki, Israel ayllumpa reynin kanaykipaj. Qan kamachinki atipachinkitaj chay muyuynimpi kaj enemigosninmanta. Kay uj señal kanqa qanta Señorqa ayllumpa reynin kanaykipaj t'aqasusqanmanta: Kunanqa kaymanta ripushaspa iskay runaswan tinkukunki Raquel maypichus p'ampasqa kashan, Selsa llajta qayllapi. Chayqa kashan Benjamimpa jallp'asnin chaypi. Paykunataj nisonqanku mask'asharqanki chay chinkaj burrosta tarisqankutaña, chanta nisonqanku tataykeqa manaña burrosmantachu llakisqa kashasqanta, manachayqa qankunamanta llakikushan, tapurakushantaj: Imanasajtaj wawaymantari?, nispa.

1 Reyes 1:34

Chanta jaqaypitaj sacerdote Sadoc, profeta Natanwan Salomompa umanman aceitewan jawenqanku Israelpa kamachejnin kanampaj; putututa waqachispataj ninkichej: Kausachun kamachej Salomón!, nispa.

2 Reyes 9:6

Jehutaj sayarispa wasiman yaykorqa. Profetataj Jehoj umanman aceitewan jawiykorqa, nerqataj: Israelpa Señor Diosnenqa kay jinata nin: Kunanqa noqa jawiykuyki Israel llajtapi kamachej kanaykipaj.