2 Reyes 1:3 - Qheshwa Biblia DC

³ Chanta Señorpa angelnin tisbita Eliasman nerqa: Samariamanta reypa kamachisninta taripaj riy, paykunamantaj ninki: Manachu Israelpeqa Dios tiyan Ecrompa diosnin Baal-zebubta rispa tapukamunaykichejpaj?

DIOSPA QHELQACHISQAN DEUTEROCANONICAL

³ Chantá Tata Diospa angelnenqa Tisbé llajtayoj Eliasta nerqa: Samariamanta kuraj kamachej kachankunata taripaj rispa, paykunata ninki: Ecrón llajtayojkunaj diosninku Baal Zebubta tapukamunaykichejtaqa, imarayku mana Israel suyupi kaj Diosta tapukamunkichejchuri?

DIOSPA QHELQACHISQ

³ Chantá Tata Diospa angelnenqa Tisbé llajtayoj Eliasta nerqa: Samariamanta kuraj kamachej kachankunata taripaj rispa, paykunata ninki: Ecrón llajtayojkunaj diosninku Baal Zebubta tapukamunaykichejtaqa, imarayku mana Israel suyupi kaj Diosta tapukamunkichejchuri?

2 Reyes 1:3 Referans Kwoze

1 Reyes 17:1

Chanta Galaadpi, Tisbemanta profeta Eliasqa Acabman nerqa: Israelpa Señor Diosnimpa sutimpi, pejpa ñaupaqempichus noqa kashani niyki: Kay wataspi mana paramonqachu nitaj chhullamonqachu noqa ujtawan ninaykama.

Jonás 2:8

Lantista qhatejkunaqa, qanman kutisqa kayta qonqapunku.

Salmos 76:1

Diosninchejqa Judapi rejsisqa, sutintaj Israelpi may mentasqa.

Hechos 8:26

Chay qhepatataj Diospa angelnin Felipeman nerqa: Jatarispa riy ura kaj ñanman. Chay ñanqa, Jerusalenmanta llojsimuspa Gaza llajtaman rishan ch'in pampanejta.

Marcos 3:22

Leymanta yachachejkuna, Jerusalenmanta jamojkunapis nishallarqankutaj: Kuraj Supay Beelzebú paypi kashan; chayrayku, paypa atiyninwan supaykunata qharqoshan.

2 Reyes 5:15

Naamantaj tukuy paywan rejkunawan Diospa runampaman kutirerqa, Eliseoj ñaupaqenman yaykuspataj nerqa: Kunanqa yachani ari, mundontimpi mana waj Diosqa kanchu, manachayqa Israelllapi tiyan. Kunantaj mañakuyki, kay kamachiykimanta uj t'inkata jap'ikunawaykita, nispa.

2 Reyes 1:8

Paykunataj kuticherqanku: Millma p'achayoj qhari, qara chumpiyojtaj karqa. Chanta reyqa nerqa: Chayqa tisbita Elías kanqa, nispa.

2 Reyes 1:6

Paykunataj kuticherqanku: Uj runawan ñampi tinkukuyku, chanta payqa niwayku: Kutipuychej, kachamusorqachej chay reymantaj kay jinata niychej: Ajinata Señorqa nin: Israelpeqa manachu Dios tiyan Ecrompa diosnin Baal-zebubman kachaspa tapuchikamunaykipaj? Chayrayku kunanqa camaykimanta mana jatarimunkiñachu, kikimpitaj wañunki, nispa.

2 Reyes 1:2

Ocoziastaj Samariapi wasimpi kashaspa ventanamanta urmaykamorqa. Ajinamanta onqosqa kashaspa kamachisninta kacharqa: Riychej, Ecrón llajtaj diosnin Baal-zebubta tapurimpuwaychej thañikapusajchus manachus chayta, nispa.

1 Reyes 21:17

Chantaqa Elías Tisbitaman Señorpa palabran jamorqa, nispa: Jatarikuy, Samariapi Israelmanta rey Acabwan tinkumuy, payqa Nabotpa huertampi kashan jap'ikapunampaj.

1 Reyes 19:7

Señorpa angelnintaj kutimorqa, chimpaykuspataj, nerqa: Jatarikuspa mikhuy, imaraykuchus karutaraj rinayki kanman.

1 Reyes 19:5

Retama sach'a urapi winkuspa puñurpariporqa. Chaymantataj Señorpa uj angelnin chimpaykuspa, nerqa: Jatarikuy mikhuytaj, nispa.

1 Reyes 18:36

Chanta q'olachispa jaywana rato chayamojtin, profeta Eliasqa chimpaykuspa nerqa: Abrahampata, Isaacpata, Israelpatawan Señor Diosnin, kunan yachachunku qan Israelpa Señor Diosnin kasqaykita, noqataj kamachiyki kasqayta, qampa kamachisqaykiwantaj kay tukuy imasta ruwasqayta.

1 Reyes 18:1

Unay p'unchaykunamanta, Señorpa palabran Eliasman jamorqa, kinsa kaj watapi, nerqataj: Acabman rikuchikamuy, ñapis parachimusajña jallp'a pataman.

1 Samuel 17:46

Kunampacha qanta Señorqa makisniyman jaywawanqa, kunampacha wañuchisqayki, umaykitataj qholusaj, tukuy filisteospa aychasnintataj chay aycha mikhu p'isqosman, jinataj chay monte sajra animalesman qarasaj. Jinamanta tukuy runas yachanqanku Israel ukhupi uj Dios kasqanta.

2 Reyes 5:8

Eliseotaj Israelpa reynin p'achasninta llik'ikusqanta uyarispa reyman kacharqa nichispa: Imaraykutaj qan p'achasniykita llik'ikunkiri? Jamuchun noqajman, Israelpi profeta kasqanta yachanqa.

1 Reyes 11:33

Imaraykuchus Salomonqa noqata saqerpariwaspa yupaycharqa sidoniospa china diosnin Astarteta, Moabpa diosnin Quemosta, amonitaspa diosnin Moloctawan, manataj noqaj ñankunasniypichu purinku, noqaj ñaupaqeypi cheqanta ruwaspa, kamachisqasniyta, nisqasniytawan, imaynatachus tatan David waqaycharqa jinataqa.

Isaías 8:19

Sichus chay runas nisonqachej: Tapuriychej wañusqaspa almasninta, chhichinakuspa parlaj layqasta ima, nispa chayqa, niychej: Manachu runasqa Diosnillankuta tapurikunkuman? Wañusqastarajchu kausajkunamanta tapurikunkuman?, nispa.