2 Pedro 3:7 - Qheshwa Biblia DC

⁷ Kunanqa janaj pacha, kay pacha imaqa, ninapaj waqaychasqas kashanku, Diospa palabranman jina, juicio p'unchaykama. Chaypachataj Diosta mana yupaychajkuna, ñak'ariyman wijch'usqas kanqanku.

DIOSPA QHELQACHISQAN DEUTEROCANONICAL

⁷ Kunan kashaj janajpis, kay pachapisrí Diospa nisqannejta ninapi q'olachisqa kanankupaj waqaychasqa kashanku Diospa juzganan p'unchaykama. Chaypachallataj Diosqa paywan churanakojkunata juzgaspa, chinkarparichenqa.

DIOSPA QHELQACHISQ

⁷ Kunan kashaj janajpis, kay pachapisrí Diospa nisqannejta ninapi q'olachisqa kanankupaj waqaychasqa kashanku Diospa juzganan p'unchaykama. Chaypachallataj Diosqa paywan churanakojkunata juzgaspa, chinkarparichenqa.

Quechua South Bolivia: Dios Parlapawanchej

⁷ Cunan tiempo cielowan cay pachawanpis quiquin niskallanwantaj ninapi tucuchiska canka. Juicio p'unchaypaj jallch'aska cashan. Chay p'unchaypitaj Dioska mana casoj runastaka wiñaypaj wañurachenka.

2 Pedro 3:7 Referans Kwoze

2 Pedro 3:10

Señorpa p'unchaynenqa chayamonqa uj suwa jina. Chaypachataj, janaj pachakuna manchay jatun thuñikuywan tukuchisqas kanqanku, tukuy ima kajtaj larwaspa chinkarenqa; chaypacha tukuy ima ruwasqasninwan q'olasqa kanqa.

Isaías 51:6

Janaj pachata qhawariychej, pampatapis qhawariychej. Janaj pachaqa q'osñi jinalla chinkariponqa, jallp'apis p'acha jinalla thantarparikonqa. Chaypi tiyakojkunapis ch'uspis jina chinkarparenqanku. Noqaj salvacionniyrí wiñaypaj kanqa. Cheqanta ruwasqayqa mana jayk'ajpis chinkankachu.

Apocalipsis 21:1

Uj mosoj janaj pachata, uj mosoj jallp'atawan rikorqani. Ñaupaj kaj janaj pachaqa, ñaupaj kaj jallp'apis chinkarerqankuña, mar qochapis manaña karqachu.

San Mateo 24:35

Cielo, kay mundopis tukukaponqanku, palabrasniytaj mana jayk'ajpis tukukonqankuchu.

2 Pedro 2:9

Ajinata Señorqa, misk'aymanta jark'ayta yachan, payta yupaychajkunata, juchasapastataj qhepachin juicio p'unchaypi jasut'isqas kanankupaj.

San Mateo 25:41

Chantá lloq'empi kajkunamantaj nenqa: Riychej kaymanta, sajra runas, wiñay nina larwayman; mayqenchus wakichisqa kashan supaypaj, chantá angelesnimpaj ima.

Apocalipsis 20:11

Rikorqanitaj uj jatun yuraj tronota, chaypi tiyasqa kashajtawan. Paypa ñaupaqenmantataj kay pacha, janaj pachapis ayqerqanku, manañataj ni mayman riyta aterqankuchu, chinkarerqankutaj.

San Mateo 12:36

Chayrayku niykichej: Juicio p'unchaypeqa, runas cuentata qonqanku tukuy qhasi mana kajta parlasqankumanta.

Judas 1:7

Jinallatataj, Sodoma, Gomorra llajtas, chay qayllapi kajkunapis qhenchachakorqanku cuerponkoj contranta juchallispa; chayrayku paykunaqa wiñaypaj nina larwayta ñak'arerqanku. Chayqa wananapaj churasqa karqa.

1 Timoteo 6:9

Qhapajyayta munajkunaqa, sajra munaywan atipachikuspa, tojllapi jina urmanku, tukuy qhasi munapayaykunaman. Chaykunaqa runasta wañuyman apanku, chinkaymantaj.

Filipenses 1:28

Sajra runas churanakojtinku ama manchariychejchu. Chayqa señal jina paykuna chinkayman rishasqankumanta. Qankunapajtaj uj señal jinallataj kanqa salvasqas kasqaykichejmanta. Chaytaj Diosmanta jamun.

1 Juan 4:17

Kay jinamanta munakoyqa noqanchejpi junt'akun, tukuy sonqo juicio p'unchaypi kananchejpaj. Imaynatachus pay kashan, ajinata noqanchejpis kay pachapi kashanchej.

2 Tesalonicenses 2:3

Ama piwampis, ni imaynamanta ch'aukiyachikuychejchu, imaraykuchus ñaupajta femanta t'aqakuyraj jamunan tiyan; chay qhepatataj juchallikoj runa rikhurimonqa, wañuypaj t'aqasqa runa.

Romanos 2:5

Sinch'i, mana kasukoj sonqoyoj, Diosman mana kutirisqaykirayku qan kikiykipaj k'ajaj phiñakuyta tantashanki, k'ajaj phiñakuy p'unchaypaj; maypachachus Diospa cheqan kaj juicion rikuchisqa kanqa, chaypaj.

Marcos 6:11

Mayllapipis mana wajyarisunkichejmanchu, nitaj uyarisunkichejmanchu chayqa, ripuychej chaymanta, chakisniykichejmanta jallp'ata thalarakuspa; ajinamanta sajra ruwasqankuta yachanankupaj.

San Mateo 11:24

Chayrayku niykichej: Juicio p'unchaypeqa, qankuna astawan sinch'ita ñak'arinkichej Sodomapi tiyakojkunamanta nisqaqa.

San Mateo 11:22

Cheqamanta ari niykichej: Juicio p'unchaypeqa, aswan ñak'ariy qankunapaj kanqa, Tiromanta, Sidonmantawan nisqaqa.

San Mateo 10:15

Cheqamanta niykichej, juicio p'unchaypeqa aswan ñak'ariy kanqa chay llajtapaj, Sodomamanta, Gomorramantawan nisqaqa.

Sofonías 3:8

Chayrayku, qankuna suyariwaychej chay p'unchaykama maypachachus noqa sayarisaj contraykipi parlanaypaj. Noqa Señorqa kaytamin nini: Yuyaychakuni tantamuyta runasta, nacionesmanta reinosmantawan, phiñakuyniyta paykunaj patanman urmachinaypaj. May k'ajashaj phiñakuyta paykunaman rejsichinaypaj. Chaypachataj tukuynin jallp'a t'unasqa kanqa nina larwaj phiñakuyniyrayku.

Salmos 102:26

Tukuy kay imasqa chinkaponqanku, qantaj wiñaypaj sayanki, tukuy chay imastaj p'acha jina thantakunku, qantaj p'achata jina mudanki, mudasqataj kanqanku.

Salmos 50:3

Diosninchejqa mana ch'inllamantachu jamushan. Ñaupaqenta sinch'i q'olaj nina jamushan. Muyuynintataj sinch'i para jamushan.

Apocalipsis 17:11

Chay phiña animalqa karqa, manataj kanchu. Pusaj kaj kampis, chay qanchiskunamantaqa chinkaymantaj rishan.

Apocalipsis 17:8

Chay rikusqayki phiña animalqa karqa, manataj kanchu. Ukhu pachamanta wicharimonqa, chinkaymantaj renqa. Jallp'a patapi tiyakojkunataj, pikunaj sutisninkuchus kausay libropi mana escribisqachu kashanku kay mundoj qallariyninmantapacha, phiña animalta rikuspa t'ukonqanku. Chay animaltaj karqa, manataj kanchu, kanqataj.

Isaías 66:15

Señorqa ninawan jamonqa, carretasnenqa maqanakunapaj llojlla para jina jamonqa, manchay k'ajaj phiñakuyninwan jasut'inampaj. Ajinata paypa k'amiynenqa nina larway jina kanqa.

Daniel (hebreo) 7:9

Qhawallarqanipuni, tronosta churanankukama. Uj ancianotaj tiyarikorqa. Paypa p'achantaj rit'i jina yuraj, umampi kaj chujchantaj llimphu millma jina karqa. Tronoqa ruedasnimpis larwaj nina jina karqanku, ñaupaqenmantataj uj nina mayu llojserqa. Waranqa waranqastaj payta sirverqanku, millones millonestaj paypa ñaupaqempi sayarasharqanku. Juezqa tiyarikorqa juzgayta qallarinampaj, librostaj kicharisqas karqanku.

Malaquías 4:1

Tukuy Atiyniyoj Señorqa nin: Horno jina lauraj p'unchay qayllamushan, mayqempichus tukuy jatunchakojkuna, tukuynin sajra runastaj ichhu jina ruphanqanku. Chay jamoj p'unchaypi paykunata tukuyninkuta q'olanqa, nitaj imapis chaypacha paykunamanta puchonqachu.

San Juan 12:48

Pichus noqata qhesachawan, parlasqasniytataj mana jap'ikunchu chayqa, tiyan payta juchachaj; parlarqani chay palabraytaj tukukuy p'unchaypi payta juchachanqa.

Hebreos 12:29

Diosninchejqa q'olaj ninaj larwaynin.