2 Pedro 2:6 - Qheshwa Biblia DC

⁶ Jinallatataj Sodomapi, Gomorrapi tiyakoj runasta juchacharqa, ninawantaj ruphacherqa ushphayanankukama; qhepa p'unchaykunapi, Diosta mana yupaychaj runas yachanankupaj chayta ruwarqa.

DIOSPA QHELQACHISQAN DEUTEROCANONICAL

⁶ Jinallatataj Dios Sodomapi, chantá Gomorrapi tiyakoj runakunatapis chinkachisqa kanankupaj juchacharqa, ushphaman tukunankukama ninawan paykunata ruphachispa. Ajinamanta Dioswan churanakojkuna qhepanejman imapichus tukukunankuta yachacherqa.

DIOSPA QHELQACHISQ

⁶ Jinallatataj Dios Sodomapi, chantá Gomorrapi tiyakoj runakunatapis chinkachisqa kanankupaj juchacharqa, ushphaman tukunankukama ninawan paykunata ruphachispa. Ajinamanta Dioswan churanakojkuna qhepanejman imapichus tukukunankuta yachacherqa.

Quechua South Bolivia: Dios Parlapawanchej

⁶ Khepatataj Sodoma Gomorra llajtaspi tiyacoj runasta ninawan ushphayachispa Dios juchacharka. Chaytaka tucuy jamoj mana casucojcunapaj uj ricuchinatajina ruwarka.

2 Pedro 2:6 Referans Kwoze

Judas 1:7

Jinallatataj, Sodoma, Gomorra llajtas, chay qayllapi kajkunapis qhenchachakorqanku cuerponkoj contranta juchallispa; chayrayku paykunaqa wiñaypaj nina larwayta ñak'arerqanku. Chayqa wananapaj churasqa karqa.

Deuteronomio 29:23

Tukuy kay jallp'apeqa rikonqanku azufrellata, kachillata, ruphasqa jallp'ata imalla. Chaypi mana imatapis tarponqankuchu, nitaj imapis poqoyta atenqachu, manapuni ima qhorallapis wiñayta atenqachu, imaynachus karqa Sodoma, Gomorra, Adma, Zaboim llajtaspi. Chaykunataqa sinch'i phiñakuyninwan chinkacherqa.

Números 26:10

Jallp'a kicharikuytawan iskayninkuta oqoykorqa, jinallataj Coretapis. Jinamanta tukuynin t'aqa wañorqa. Iskay pachaj phishqa chunkayoj qharistaj ninaj ruphasqan wañorqanku, chay jinata ruwajkuna wananankupaj.

1 Corintios 10:11

Kay tukuy imas qhatirerqa ñaupa tatasninchejta, escribisqapitaj churasqa kashan noqanchej yachananchejpaj, kay qhepa p'unchaykuna kausajkuna.

Jeremías 50:40

Sodoma, chantá Gomorra, jinataj chay qayllampi llajtasnin ima, phirisqa qhepakonqa. Manañataj chaypi pipis tiyakonqachu, nitaj ñan purejkunapis jarakonqankuñachu. Noqa Señor chayta nini.

Isaías 13:19

Babiloniaqa nacionespa munakusqanku, caldeospa mentasqanku llajta. Chay llajtaqa tukukonqa Diospa tukuchisqan Sodoma, Gomorra llajtas jina.

Amós 4:11

Jasut'erqaykichej t'unanaykama, imaynatachus Sodomata Gomorratawan jasut'erqani jinata. Nina brasas orqhosqa jina karqankichej. Qankunataj mana kutirimuwankichejchu. Ajinata nin Señorqa.

Oseas 11:8

Imaynallatataj saqesqayki, Efraín? Imaynatataj qonqarparisqayki Israel? Atiymanchu Adma llajtata jina phirisuyta, chayri imaynatachus Zeboim llajtawan ruwarqani ajinallatataj qamwampis ruwayta? Sonqoyqa nanasqaña kashan, qampaj khuyakuywan junt'asqa!

Génesis 19:28

Chaymanta qhawarerqa Sodomata Gomorratawan, chay tukuynin valletawan. Rikorqataj chay tukuyninmanta manchay q'osñilla llojsimushajta hornomanta jina.

Números 16:38

Incienso q'osñichinaspa unuyasqan kachun altarta qhatanapaj, chayta rikuspa israelitas yuyarikunankupaj, imaraykuchus chayqa kashan israelitas juchallikusqankumanta llimphuchasqataj kausayninkuta qosqankumanta, noqaj ñaupaqeypi inciensota jaywasqankumanta.

Isaías 1:9

Manachus Tukuy Atiyniyoj Señor noqanchejmanta wakinkunata qhepachinman karqa chayqa, kunampacha kashasunman karqa Sodoma jina, Gomorra jinataj.

San Mateo 10:15

Cheqamanta niykichej, juicio p'unchaypeqa aswan ñak'ariy kanqa chay llajtapaj, Sodomamanta, Gomorramantawan nisqaqa.

San Mateo 11:23

Qantaj Capernaum llajta, janaj pachakama oqharikoj, uraykuchisqa kanki infiernokama. Sodomapichus qampi jina chay milagros ruwakunkuman karqa chayqa, kunan p'unchaykama kakushanman karqa chay llajtaqa.

Romanos 9:29

Isaiaspis ñaupajta nerqa: Ejercitospa Señorninchus mana mirayta saqewasunman karqa chayqa, Sodoma, Gomorra llajtas jina kasunman karqa.

Hebreos 4:11

Kallpachakuna ari jaqay samakuyman yaykunapaj; amataj pipis paykuna jina, chay mana kasukuy juchaman urmanampaj.