2 Pedro 2:1 - Qheshwa Biblia DC

¹ Kallarqataj llulla profetas israelitas ukhupi. ajinallatataj qankuna ukhupipis kanqanku llulla yachachejkuna. Paykuna pakayllamanta, chinkayman apaj yachachiykunata apaykamonqanku. Paykunata salvaj Señortapis qhesachanqanku. Chayrayku, ujllata paykunaj patanman chinkachej jatun jasut'i chayamonqa.

DIOSPA QHELQACHISQAN DEUTEROCANONICAL

¹ Unay israelitakuna ukhupi mana cheqanta yachachej sut'inchajkuna rikhurerqanku. Ajinallatataj qankuna ukhupipis mana cheqanta yachachejkuna rikhurenqanku. Paykuna mana reparaylla, pantachej yachachiyninkuta yachachenqanku, jinataj Tukuyta Kamachej Jesucristotapis qhesachanqanku, pichus ashkha preciowan paykunata ranterqa, chayta. Chayrayku paykuna manaraj imapi chinkachisqa kanqanku.

DIOSPA QHELQACHISQ

¹ Unay israelitakuna ukhupi mana cheqanta yachachej sut'inchajkuna rikhurerqanku. Ajinallatataj qankuna ukhupipis mana cheqanta yachachejkuna rikhurenqanku. Paykuna mana reparaylla, pantachej yachachiyninkuta yachachenqanku, jinataj Tukuyta Kamachej Jesucristotapis qhesachanqanku, pichus ashkha preciowan paykunata ranterqa, chayta. Chayrayku paykuna manaraj imapi chinkachisqa kanqanku.

Quechua South Bolivia: Dios Parlapawanchej

¹ Diospa runasnin uqhupi unaypis llulla willajcuna riqhurerkancu. Ajinallatataj kancuna uqhupipis llulla yachachejcuna riqhurenkancu. Paycunaka urmachej yachachinasta pacayllamanta apaycamonkancu. Chay yachachinancuwan khesachankancu juchancuraycu wañoj Señortapis. Chaywantaj paycuna quiquincu uskhayta wiñay wañuyman pusanaconkancu.

2 Pedro 2:1 Referans Kwoze

San Mateo 7:15

Llulla profetasmanta allinta qhawakuychej; paykunaqa jamusunkichej ovejas jina p'achallisqas; ukhunkupitaj suwa atojkuna kanku.

Judas 1:4

Wakin runasqa pakayllamanta yaykumorqanku. Paykunamantaqa ñaupajmantapachaña Escrituras willarqanku juiciopaj juchachasqas kasqankuta. Paykunaqa mana manchachikuyniyoj kanku, Diosninchejpa khuyakuynintapis millay kausayninkuman tukuchinku. Kamachej sapan Diosta, Señorninchej Jesucristotapis qhesachanku.

2 Pedro 2:3

Qolqeta munapayaspataj qankunamanta qhatuta ruwanku, llullata parlaspa; paykunapajtaj jasut'eqa unaymantaña mana qonqasqachu kashan, chinkayninkupis mana puñushanchu.

2 Timoteo 4:3

Uj p'unchay jamonqa maypachachus mana munanqankuchu uyariyta, cheqan kajtataj yachachiyta. Manachayqa paykunaj sajra munayninkuman jina yachachejkunata tantanqanku, imaynatachus uyariyta munasqankuta yachachinankupaj.

San Mateo 24:11

Ashkha llulla profetas rikhurimonqanku, ashkhastataj pantachenqanku.

Gálatas 2:4

Chaymantaj wakin llulla hermanos pakaymanta yaykumorqanku, wateqanawaykupaj Cristo Jesusnejta kacharisqaña kasqaykuta. K'amispataj ujtawan munasharqanku leypa kamachimpi kanaykuta.

1 Corintios 11:19

Cheqamanta, kanampuni tiyan t'aqanakus qankuna ukhupi, yachakunampaj mayqenkunachus cheqan sonqoyoj kasqaykichejta.

1 Juan 4:1

Munakusqasníy, ama pillatapis Diospa yuyaychasqan kani nejkunataqa creeychejchu; allintaraj paykunata rejsiychej Diosmantachus kanku, manachus chayta, imaraykuchus ashkha llulla profetas tukuynejpi rikhurishanku.

Colosenses 2:8

Allinta qhawakuychej, pajtataj pipis pantachisunkichejman llulla yachachiykunawan, qhasi mana kaj parlaykunawan ima. Paykunaqa mana Cristoj nisqantachu yachachinku, manachayqa ñaupa runaj yachachiyninman jinalla, kay mundopi runas yuyaychasqankuman jina.

Tito 3:10

Sichus mayqempis iglesiata t'aqashanman chayqa, ujta chayrí, iskay kutikama k'amiy. Mana kasukojtintaj qharqopuy.

Tito 1:11

Chaykunataqa ch'inyachina tiyan. Chaykunaqa pejtunku wasintinta mana kajta yachachispa, qhasimanta qolqeta jap'ispa.

Filipenses 3:19

Paykunaj tukukuynenqa wañuy, diosninkutaj wijsanku. P'enqaykunata ruwaspa kusikunku. Paykunaqa kay pachapi kajkunallata mask'ashanku.

1 Corintios 6:20

Diosqa preciowan rantisorqachej. Diosta yupaychaychej cuerpoykichejwan, espirituykichejwan ima; chaykunaqa Diospata kanku.

Marcos 13:22

Rikhurimonqankutaj llullamanta Cristos, llullamanta profetas ima. Paykunataj señalesta, milagrosta ima ruwaspa, runasta ch'aukiyanqanku, atispaqa Diospa ajllasqasnintinta.

Apocalipsis 5:9

Uj mosoj takiytataj takerqanku, nispa: Allimpaj qhawasqa kanki librota jap'inaykipaj, sellosnintataj phaskaranaykipaj; imaraykuchus qan wañuchisqa karqanki, yawarniykiwantaj Diospaj rantiwarqayku, tukuy ayllumanta, tukuy laya parlaykunamanta, tukuy laya runamanta, tukuy nacionesmanta ima.

Apocalipsis 2:9

Rejsini llakiyniykita, pisipasqa kasqaykitapis. Chaywampis qhapaj kanki. Yachani qampaj sajrata rimasqankuta judíos kayku nikojkuna. Paykunaqa mana judioschu, astawanqa Satanaspa tantakuna wasi kanku.

Hebreos 10:29

Mashkhatawanraj yuyankichej jasut'isqa kananta chay runa Diospa Churinta saroj, yawar tratontataj millay nej, chaypitaj llimphuchasqa karqa, khuyakoj Espiritupajtaj rimarqa?

Colosenses 2:18

Ama pipis t'inkaykichejta qhechusuchunchu llamp'u sonqoman tukuspa, angelestataj yupaychaspa. Paykunaqa mana rikusqallankuman sat'ikunku, qhasi mana kajta runaykachankutaj sajra yuyayninkuman jina.

San Mateo 24:24

Ashkhas jamonqanku, noqa Cristo kani, chayrí profeta kani, nispa. Llullakuspataj jatuchaj señalesta, milagrosta ima ruwanqanku. Chaywantaj tukuyta pantachenqanku; atinkuman chayqa ajllasqasnintinta.

San Mateo 10:33

Chantá, pillapis runaspa ñaupaqempi mana rejsinichu niwanqa chayqa, noqapis payta mana rejsinichu nillasajtaj, janaj pachapi kashaj Tataypa ñaupaqempi.

Apocalipsis 13:14

Ñaupaj phiña animalpa ñaupaqempi, jatuchaj rikuchinasta ruwanampaj atiyta qorqanku. Chaykunawantaj kay pachapi tiyakojkunata ch'aukiyarqanku; kamacherqataj paykunaman ruwanankuta phiña animalpa lantinta, pichus espadawan k'irisqa karqa, kausarqataj.

Apocalipsis 2:13

Noqa yachani tiyakusqaykita maypichus Santanás chaypi. Sutiytapis jap'ishallankiraj, manaraj creeytapis qhesachashankichu. Ni cheqan willajniy Antipas kausharqa chay p'unchayllapipis. Paytaqa wañucherqanku qankuna ukhupi, maypichus Satanás tiyan chaypi.

Judas 1:18

Paykuna nisorqachej: Qhepa p'unchaykunapi asipayajkuna jamonqanku, sajra munayninkuman jinataj purenqanku.

1 Juan 2:26

Kay imasta escribimuykichej, qankunata pantachiyta munajkunamanta.

1 Pedro 1:8

Jesucristotaqa munakunkichej mana rikuspalla; kunanqa mana rikuspalla paypi creenkichej, kusikunkichejtaj mana niy atina kusiywan, janaj pacha jatun k'anchaywan ima.

Efesios 1:7

Paypa yawarninrayku kacharichisqas kanchej. Juchasninchejta pampachan khuyakuyninrayku.

Gálatas 4:17

Chay runasqa yachachiyta munasunkichej, manataj allimpajchu, manachayqa noqaykumanta t'aqayta munaspa, paykunata kasunaykichejpaj.

Romanos 16:18

Chay jina runakunaqa, Señorninchej Jesucristota mana kasunkuchu. Paykunaqa kikin wijsasnillankuta kasunku, pisi yuyayniyojkunatataj ch'aukiyanku k'acha palabraswan, misk'i simiwan ima.

San Lucas 21:8

Jesustaj nerqa: Allinta qhawakuychej, amataj ch'aukiyachikuychejchu, imaraykuchus ashkhas sutiypi jamonqanku, noqa Cristo kani, nispa. Kunanqa tiempoman qayllaña. Ama ari, qhepankuta riychejchu.

San Lucas 6:26

Ay, tukuy runas qankunamanta allinta parlajtinku! Jinallatataj ñaupa runas ruwaj kanku llulla profetaswan.

San Mateo 24:5

Kayta niykichej, imaraykuchus ashkhas sutiypi jamonqanku, nispa: Noqa Cristo kani. Ashkhastataj pantachenqanku.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

Miqueas 3:11

Llajtaj juezkunasnimpis rantichikunku, sacerdotesnimpis qolqeraykulla yachachinku, profetasninkupis qolqeraykullataj adivinanku; chantá mayta parlanku Señor paykunaman kutikusqanta; kay jinata nispa: Señorqa noqanchejwan kashan; mana ni ima sajrapis qhatiriwasunchejchu, nispa.

Miqueas 3:5

Israel aylloyqa pantay ñankunasta rishan chay profetaswan ch'aukiyasqankurayku. Paykuna ninku: Sonqo tiyasqalla tiyakusunchej, nispa; mikhunankupaj qonku chaykunaman. Chaywampis maqaj sayaykunku piskunachus mana imatapis mikhunankupaj qonkuchu chaykunaman. Señor nin chay profetasman:

Lamentaciones 2:14

Profetasniykeqa mana kaj qhasi imasta willasunku; juchasniykitaqa mana rikhurichinkuchu, chaypacha reparachisojteyqa mana karuman wijch'usqachu kawaj karqa. Manachayqa llullallata willasunku, qhasi manakajta creechispa.

Gálatas 3:13

Cristo qhechuwarqayku leypa maldicionninmanta. Paytaj noqaykurayku maldicisqa karqa. Chaytaj escribisqa kashan: Maldicisqa kanqa tukuy k'aspipi warkhusqa kajqa, Abrahampa bendicionnin Cristo Jesusnejta gentilesman chayanampaj. Ajina fenejta Dios qonawayku karqa, chay Espirituta jap'inaykupaj.

1 Corintios 7:23

Ashkha preciowan rantisqas kankichej. Amaña runaspa kamachisnin churakuychejchu.

Miqueas 2:11

Mayqempis qhasi kajta llullakun, nintaj: Noqa sut'inchasqaykichej vinomanta licormantataj, chaymari profetapaj nisqa chay ayllumanta churasqa kanqa.

Oseas 9:8

Dios churarqa profetanta Efrainta qhawanampaj, qankunatajrí chay purinanman tojllasta mast'arqankichej: Diospa yupaychana wasimpipis chejninkichej.

Jeremías 37:19

Maypitaj chay profetasniykichej kashanku, pikunachus nerqasunkichej, Babiloniamanta reyqa mana qankunaman yaykumonqachu, nitaj jallp'aykichejmampis, nispa nejkunari?

Isaías 9:15

Umaqa niyta munan kuraj runas, kurajkunasninku ima, chupataj niyta munan llullata yachachej profetas.

1 Reyes 22:6

Chanta Israelpa kamachejnin tukuynin profetasta tantaykorqa, tawa pachajta jina, chaykunamantaj nerqa: Galaadmanta Ramotpa contrampi risajchu maqanakoj manachu? Paykunataj nerqanku: Rillay, imaraykuchus Señorqa reypa makinman jaywanqa.

Apocalipsis 3:8

Rejsini ruwasqasniykita. Qhaway, ñaupaqeykipi uj punkuta churani. Chaytaqa mana pipis wisq'ayta atinchu; imaraykuchus uj chhinka kallpayojllaraj kanki, palabraytataj waqaycharqanki, sutiytapis mana qhesacharqankichu.

San Lucas 12:9

Runaspa ñaupaqempi mana rejsej tukuwanqa chayqa, noqapis mana rejsisajchu Diospa angelesnimpa ñaupaqempi.

Deuteronomio 32:6

Wampu runas, mana yachayniyojkuna, ajinatachu Señormanqa kutichinkichej? Manachu payqa tataykichej, ruwasojniykichejtaj? Paymin qankunataqa ruwasorqachej, uj ayllullamantaj tukuchisorqachej.

Éxodo 15:16

Paykunaman urmachun kharkatitiy, sustullikuytaj. Makiykej atiyninwan qhasayaspa chujruyachunku rumi jina; Oh Señor, Israel aylluyki pasanankama; kay rantikapusqayki aylluyki pasanankama.

Jeremías 6:13

Tukuyninku jatunmanta juch'uykama yuyanku qhasi manakajmanta qolqeta jap'iyllataña; profetas, jinatataj sacerdotespi llulleriosninkuwan ch'aukiyanku.

Jeremías 29:21

Tukuy Atiyniyoj Señor Israelpa Diosnin kay jinata nin: Colaiaspa wawan Acabmanta, jinataj Maasiaspa wawan Sedequiasmanta, piskunachus Señorpa sutimpi llullerasta qankunaman nisunkichej: Babiloniamanta rey Nabucodonosorpa makinmin urmachisaj, paytaj ñaupaqeykichejpi paykunata wañurachenqa.

1 Timoteo 5:8

Pillapis paypata kajkunamanta mana dakunchu, astawanqa wasimpi kajkunamanta, nitaj yanapanchu chayqa, feninta qhesachan. Chaytaj uj mana creejmantapis astawan sajraman tukun.

Apocalipsis 6:10

Sinch'itataj qhaparisharqanku nispa: Jayk'ajkamataj Señor, santo, cheqa kaj, jallp'a patapi tiyakojkunata mana juzgankichu, nitaj yawarniykumanta cuentata mañankichu?