2 Pedro 1:16 - Qheshwa Biblia DC

¹⁶ Señorninchej Jesucristoj atiyninmanta, jamuyninmantawan qankunaman yachacherqayku chay imasqa, mana wakichisqa, nitaj qhasi mana kaj parlaywanchu, astawanqa, noqaykupuni paypa jatun k'anchayninta rikorqayku.

DIOSPA QHELQACHISQAN DEUTEROCANONICAL

¹⁶ Tukuyta Kamachej Jesucristoj atiyninmanta, chantá kutimunanmanta ima qankunaman willasqaykoqa mana runaj sumaj wakichisqan cuentoman jinallachu karqa. Manachayqa paypa jatun kayninpa lliphipiyninta noqayku kikin ñawiykuwan rikorqayku.

DIOSPA QHELQACHISQ

¹⁶ Tukuyta Kamachej Jesucristoj atiyninmanta, chantá kutimunanmanta ima qankunaman willasqaykoqa mana runaj sumaj wakichisqan cuentoman jinallachu karqa. Manachayqa paypa jatun kayninpa lliphipiyninta noqayku kikin ñawiykuwan rikorqayku.

Quechua South Bolivia: Dios Parlapawanchej

¹⁶ Señorninchej Jesucristoj atiyninmanta cutimuyninmantapis parlaspa mana yachaysapa llulla cuentoswanchu willarkayquichej. Manachayrí payta atiyninpi lliphipishajta ñawisniycuwan ricuskaycuta willarkayquichej.

2 Pedro 1:16 Referans Kwoze

1 Juan 4:14

Noqaykutaj rikorqayku, willaykutaj Dios Tata churinta kachamusqanta kay pachapi runaspa Salvajnin kanampaj.

San Juan 1:14

Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.

1 Timoteo 1:4

Amataj uyarichunkuchu qhasi mana kaj willaykunata, aylluspa mana tukukoj sutisninta ima. Chaykunaqa runasta churanachinku, nitaj fenejta Diospaj sayachinkuchu.

1 Timoteo 4:7

Qhasi mana kaj palabrasta, paya warmispa cuentosninkutapis qhesachay. Astawanqa kallpachakuy Diosta yupaychaypi.

1 Corintios 1:17

Cristoqa mana bautizajtachu kachamuwarqa, astawanqa evangeliota willanaypaj; manataj yachaysapa palabraswanchu, amataj Cristoj cruzpi wañuynin, qhasi mana kaj ruwasqa kanampaj.

Apocalipsis 1:7

Qhawaychej, Cristo phuyuswan jamushan, tukuy ñawitaj payta rikonqa, jinallataj payta t'ojsejkunapis; tukuy ayllustaj paymanta manchayta waqanqanku. Arí. Amén.

Judas 1:14

Chay runakunamantaqa Enoc, Adanmantapacha qanchis kaj karqa, kay jinata nerqa: Qhawaychej, Señorqa waranqa waranqa ajllasqasninwan jamushan, tukuyninkuta juzgaj, juchachajtaj Diosta mana yupaychajkunata, sajra ruwasqasninkuwan juchallisqankurayku. Juchachallanqataj tukuy jatuchaj phiña palabraswan paypaj rimasqankumanta. Kaykunaqa juchasapas kanku, mana Diosniyoj runas.

2 Tesalonicenses 2:9

Jaqay sajra runaj jamuynenqa, Satanaspa ruwayninwan kanqa, tukuy atiywan, jatuchaj rikuchinaswan, llulla milagroswan ima, tukuy ima llullakuywan wañuyman rejkunapaj; imaraykuchus chay runasqa cheqa kaj munakuyta mana jap'erqankuchu, salvasqas kanankupaj.

2 Corintios 4:2

Astawanqa saqepuyku pakaypi p'enqaykunapi ruwayta, manataj sajra yuyaykunapi purispa, nitaj Diospa palabranta q'ewispa; manachayqa cheqa kajta sut'inchaspa, noqayku allinta rijch'ayta munayku runasman conciencianman jina Diospa ñaupaqempi.

2 Corintios 2:17

Mana noqaykoqa wakinkuna jinachu kayku, Diospa palabranta q'ewirispa parlajkuna; astawanqa tukuy sonqo, Diosmanta kajkuna jina, Cristomanta parlaspa Diospa ñaupaqempi.

San Mateo 28:18

Jesustaj qayllaykuspa, paykunata parlapayarqa: Noqa tukuy atiyniyoj kani, janaj pachapi, kay pachapipis.

Malaquías 3:2

Chanta, Señor jamonqa chay p'unchaypi, pitaj aguantayta atenqarí? Pitaj ñaupaqempi sayariyta atenqa Pay rikhurimojtinrí? Imaraykuchus chayamonqa nina kikin, ch'uwachanawanchejpaj, jabón jinataj jucha ch'ichinchejta pichanawanchejpaj.

1 Tesalonicenses 2:19

Kunanqa mayqentaj suyayniyku, chayri kusikuyniyku, chayri k'anchaj pilluykuri? Manachu qankuna kankichej, Señorninchej Jesuspa ñaupaqempi, paypa jamuynimpi?

Filipenses 3:21

Paytaj kay k'umuykukusqa cuerponchejta waj jinaman tukuchenqa, kikin paypa lliphipej cuerponman jina. Chay kikin atiyllawantaj tukuy imasta kamachiynimpa uranman churanqa.

1 Corintios 5:4

Señorninchej Jesucristoj sutimpi tantakuspa, noqaj yuyayniywan ima, Señorninchej Jesucristoj atiyninwan.

1 Corintios 2:1

Hermanos, qankunaman jamuspaqa, mana jatuchaj yachaysapa palabraswanchu willarqani Diospa pakasqa yachayninmantaqa.

1 Corintios 1:23

Noqaykutaj willayku Cristo chakatasqa kasqanmanta. Judiospajtaj kay willaykunaqa uj misk'ay jina, gentilespajtaj locoyasqa yachachiykuna jina karqa.

1 Corintios 1:7

Chay jinamanta, ama imapis Diospa qosqanmanta qankunapi pisichunchu, Señorninchej Jesucristoj rikhurimunanta suyasqaykichejpi.

Romanos 1:4

Sut'inchasqa karqa Diospa Churin atiywan kasqanta, cheqan Espirituman jina, wañusqasmanta kausarimusqanrayku.

San Juan 17:2

Churiykiman atiyta qorqanki, tukuy runasta kamachinampaj; wiñay kausaytataj paykunaman qonampaj, pikunatachus payman qorqanki, chaykunaman.

San Mateo 24:27

Imaynatachus lliuj lliujqa, inti llojsimuymanta inti yaykuykama lliphipirispa rikuchikun, ajinallataj kanqa, Runaj Churimpa jamuynenqa.

San Mateo 24:3

Olivos orqopi Jesús tiyakushajtin, yachachisqasnin qayllaykuspa, sapallampi taporqanku, nispa: Niwayku, mayk'ajtaj kay imas kanqa? Ima señaltataj rikuchiwasqayku kutimunaykimanta, kay mundoj tukukuyninmantawan?

San Mateo 16:28

Cheqamanta niykichej, wakin kaypi kajkunamanta mana wañonqankuchu, Runaj Churinta reinompi jamojta rikunankukama.

Malaquías 4:5

Elías profetata kachamusqaykichej, Señorpa p'unchaynin manaraj chayamushajtin, mayqenchus uj jatun p'unchay kanqa, ancha manchachikunataj.

San Mateo 16:27

Runaj Churenqa, Tatampa janaj pacha k'anchaynimpi jamonqa angelesninwan. Chaypachataj sapa ujman qoponqa ruwasqanman jina.

San Mateo 17:1

Sojta p'unchay qhepatataj Jesús wajyarqa Pedrota, Santiagota wauqen Juantawan. Paykunata pusariykukuspataj, uj jatun orqoman wicharerqa.

Marcos 13:26

Chaypacha Runaj Churinta rikonqanku phuyupi jamushajta, jatun atiywan, k'anchaywan ima.

Marcos 14:62

Jesustaj kuticherqa: Arí, noqa kani. Qankunataj rikunkichej Diospa Churinta, jatun atiyniyoj Diospa pañampi tiyashajta, janaj pachamantataj phuyuspi jamushajta.

San Lucas 9:43

Tukuy runastaj t'ukorqanku, Diospa chay jina jatun atiyninmanta. Chay jina kashajtinkutaj Jesusqa yachachisqasninman nerqa:

2 Pedro 2:3

Qolqeta munapayaspataj qankunamanta qhatuta ruwanku, llullata parlaspa; paykunapajtaj jasut'eqa unaymantaña mana qonqasqachu kashan, chinkayninkupis mana puñushanchu.