2 Corintios 7:1 - Qheshwa Biblia DC

¹ Munakusqasníy, imatachus Dios qosqaykichej nisqanqa tiyapuwanchej; chayrayku cuerponchejta, espiritunchejtapis llimphuchakuna tukuy ch'ichi kajmanta. Diosta manchachikuspa juchamanta t'aqakuna tukuy atisqanchejta.

DIOSPA QHELQACHISQAN DEUTEROCANONICAL

¹ Ajinaqa, munasqa wawqe panakuna, Dios chay imakunata qonawanchejta nin. Chayrayku tukuy mana allin kajmanta karunchakuna, jinataj sonqonchejtapis tukuy ch'ichi kajmanta llimphuchana. Chantá Diosta may jatun respetowan qhawaspa, atisqanchejta ruwana pay jina llimphupuni kananchejpaj.

DIOSPA QHELQACHISQ

¹ Ajinaqa, munasqa wawqe panakuna, Dios chay imakunata qonawanchejta nin. Chayrayku tukuy mana allin kajmanta karunchakuna, jinataj sonqonchejtapis tukuy ch'ichi kajmanta llimphuchana. Chantá Diosta may jatun respetowan qhawaspa, atisqanchejta ruwana pay jina llimphupuni kananchejpaj.

Quechua South Bolivia: Dios Parlapawanchej

¹ Munaska hermanosníy, chay sumaj niskasninta jap'iskanchejraycu cuerponchejta sonkonchejtapis tucuy ch'ichichaj imasmanta llimphuchanachej. Ajinamanta Diosta manchachicuspa payman t'akaskas llimphu causayta masc'anachej sumaj wiñaskas cananchejcama.

2 Corintios 7:1 Referans Kwoze

1 Tesalonicenses 4:7

Diosqa mana millay kausaymanchu wajyasorqachej, astawanqa llimphu kausayman.

1 Pedro 2:11

Munasqa hermanos, mañakuykichej, waj llajtayojkunata, chayri purikojkunata jina, ama aychaj munasqasninta qhatinaykichejta, imaraykuchus chaykunaqa almaj contrampi maqanakunku.

Proverbios 8:13

Señorta manchachikoyqa sajra kajta qhesachaymin. Jatunchakuyta, runaykachayta, sajra ñanta, llullastawan, noqaqa chejnini.

Santiago 4:8

Diosman qayllakuychej. Paypis qayllamusonqachej. Juchasapas, makisniykichejta llimphuchakuychej. Qankuna iskay yuyayniyojkunaqa, sonqosniykichejta llimphuchaychej.

Salmos 51:10

Diosníy, llimphu sonqota qoway. Ukhuypi cheqan espirituta mosojyachiy.

1 Juan 3:3

Pillapis Jesucristopi suyayninta churajqa, pay kikin llimphuchakun, imaynatachus Jesucristopis llimphu kashan, ajinata.

1 Tesalonicenses 5:23

Sonqo tiyachej Diosqa allintapuni qankunata llimphuchachun. Tukuy kayniykichej, espirituykichej, almaykichej, ukhuykichejpis mana k'aminayoj waqaychasqas kachunku Señorninchej Jesucristo jamunankama.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

Isaías 55:7

Juchasapaqa sajra puriyninta saqechun. Sajra runaqa imatachus yuyasqasninta saqechun. Señorman kutirichun, imaraykuchus paymanta khuyakonqa. Diosman kutirichun. Payqa perdonanqapacha.

1 Corintios 6:20

Diosqa preciowan rantisorqachej. Diosta yupaychaychej cuerpoykichejwan, espirituykichejwan ima; chaykunaqa Diospata kanku.

1 Juan 1:7

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

Hebreos 4:1

Manchachikuna ari, Diospa samakuyninman yaykuna kashajtintaj, qankunamanta pillapis mana yaykunmanchu.

Proverbios 16:6

Juchataqa, munakuywan cheqa kaywantaj perdonana; Señorta manchachikuspataj runaqa juchamanta t'aqakun.

San Mateo 5:48

Imaynatachus janaj pachapi kashaj Tataykichej cabal, ajinallatataj qankunapis cabal kaychej.

San Mateo 5:8

Kusikuyniyoj kanku llimphu sonqoyojkunaqa, imaraykuchus paykunaqa Diosta rikonqanku.

Salmos 119:9

Imawantaj waynaqa llimphu kausayniyoj kanqari? Parlasqaykita kasuspa.

1 Juan 1:9

Juchasninchejtachus Diosman willakusunman chayqa, yachanchej payqa junt'aj cheqantaj kasqanrayku juchasninchejta pampachananta. Payqa tukuy sajra kayninchejtapis pichawasunchej.

Efesios 2:3

Chaykuna ukhupi tukuyninchej, chay p'unchaykunapi aychanchejpa sajra munaynimpi purej kanchej, aychaj munayninta, yuyaypa munayninta ima ruwaspa. Ajinata ruwaspa, noqanchejpis phiñakuywan jasut'inapaj jina karqanchej, chay wajkuna jina.

Romanos 5:20

Leyqa churasqa karqa, astawan jucha yapakunampaj. Juchastawan yapakojtinrí, Diospa khuyakuynimpis astawanraj yapakorqa.

Isaías 1:16

Llimphuchakuychej, mayllakuychejtaj. Ñawisniymanta chinkarichiychej sajra ruwayniykichejta. Saqeychej sajra ruwayta.

Proverbios 30:12

Wakin runasqa llimphus kasqankuta yuyakunku, manataj millay ch'ichi kasqankumanta llimphuchakuspapis.

1 Pedro 5:10

Tukuy imata qoj Diostaj, pichus wajyasorqachej janaj pacha wiñay k'anchayninman Jesucristonejta, pisi p'unchaykunata ñak'arisqaykichejmanta, qhepaman sumajta allinyachisonqachej, thuruyachisonqachej, kallpachasonqachej, sayachisonqachejtaj.

Hebreos 12:28

Chayrayku noqanchejpis mana kuyurej reinota jap'ispaña, graciasta qona, Diostataj yupaychana tukuy sonqo, jatumpitaj payta jap'ina. Chaykunata Diosqa munan.

Hebreos 12:23

Ajinallatataj qayllaykunkichej ñaupa creejkunaj tantakunanku wasiman. Paykunaj sutisninkoqa janaj pachapi escribisqa kashanku; ajinallatataj, Diosman tukuypa juezninman, ajllasqa espiritusmanwan, pikunachus allinchasqas kanku, chaykunaman.

1 Tesalonicenses 3:13

Sonqosniykichej llimphu kausaypi kallpachasqas kachunku, mana k'amiyniyoj Dios Tatanchejpa ñaupaqempi, Señorninchej Jesucristo, tukuy ajllasqasninwan jamunankama.

2 Corintios 1:20

Tukuy imata Dios qoyta munawasqanchejrí, Cristo Jesuspi “arí” kashan, payllapitaj “amén”, Dios yupaychasqa kanampaj noqanchejnejta.

Hechos 9:31

Ajinamanta iglesiaqa sonqo tiyasqalla kasharqa tukuy Judeapi, Galileapi, Samariapi ima. Creejkunataj kallpachakuspa yapakusharqanku, Señorta kasuspataj purisharqanku. Santo Espiritutaj paykunata yanaparqa sonqochaspa.

San Mateo 12:33

Allin sach'aqa, allin poqoyta qon. Mana allin sach'arí, mana allin poqoytaqa qon. Chayrayku, sach'ataqa poqoyninnejta rejsinchej.

Jeremías 13:27

Qhenchachakuypi purisqasniykita rikuni, chay p'enqayta qhenchachakuypi purisqasniykita, chay millachikuna kajkunata ruwasqasniykita, chay orqospi, jinallataj campospipis. Ay, imachus kanqa qanmanta Jerusalén! Mayk'ajkamataj millay ch'ichi puriykunaspi callenkipuniri?

Jeremías 4:14

Jerusalén, sonqoykimanta sajra imasta llimphuchakuy, jinamanta salvasqa kanaykipaj. Mayk'ajkamataj umaykita muyuchikunki chay sajra yuyaykunawanri?

Proverbios 20:9

Ni pipis niyta atinchu: Noqaqa llimphu sonqoyoj kani, mana ima juchayojtaj nispaqa.

Salmos 19:9

Señorta manchachikoyqa ch'uwa, wiñaypajtaj qhepakun. Paypa nisqasnin cheqa, cheqantaj.

2 Crónicas 19:9

Kay jinatataj kamacherqa: Qankunaqa imatapis ruwanaykichej Señorta manachachikuspapuni, cheqan kaywan, tukuy sonqowantaj.

Eclesiastés 11:10

Sonqoykimanta phiñakuyniykita chinkachinayki tiyan, tukuy sajra kajmanta ukhuykita ayqechiy; imaraykuchus wayna kashaspa imastachus ruwanaqa qhasi manakajlla.

Hebreos 6:9

Munakusqasniyku, qankunamantaqa astawan jatuchaj sumaj imasta suyayku. Chaykunaqa salvaciompata kanku, chay jinata parlashajtiykupis.

1 Pedro 1:15

Imaynatachus qankunata wajyaj Diosqa santo, ajinallatataj qankunapis santos kaychej, tukuy kausakuyniykichejpi.

1 Pedro 1:17

Tataykichejta jinachus Diosta yupaychankichej chayqa, manchachikuspa puriychej tukuy kausayniykichejpi, waj llajtayojpis kawajchej jina. Diosqa runasta mana runaspa rijch'ayninman jinachu juzgan. Manachayqa, sapa ujta ruwasqasninman jina juzgan.

Levítico 13:58

Sichus mayllajtinku chay qorwariyay chinkanman p'achamanta, chayri awasqamanta, chayri qaramanta, ima ruwasqallamantapis chayqa, ujtawan t'ajsachunku, llimphuchasqataj kanqa.