2 Corintios 6:6 - Qheshwa Biblia DC

⁶ Rikuchispa llimphus kasqaykuta kausayniykupi, cheqa kajta rejsisqaykurayku, pacienciakuspa, khuyakuywantaj, Santo Espiritupi tukuy sonqo munakuypi.

DIOSPA QHELQACHISQAN DEUTEROCANONICAL

⁶ Chaywanpis noqaykoqa Diospa sumaj kamachinkuna kasqaykumanta yachayta qoyku llimphu kawsayniyoj kaspa, yachayniyoj kaspa, llamp'u sonqo kaspa, chantá k'acha kaspa ima. Ajinata ruwayku Santo Espíritoj kamachiyninpi kaspa, ch'uwa sonqo munakuywan ima.

DIOSPA QHELQACHISQ

⁶ Chaywanpis noqaykoqa Diospa sumaj kamachinkuna kasqaykumanta yachayta qoyku llimphu kawsayniyoj kaspa, yachayniyoj kaspa, llamp'u sonqo kaspa, chantá k'acha kaspa ima. Ajinata ruwayku Santo Espíritoj kamachiyninpi kaspa, ch'uwa sonqo munakuywan ima.

Quechua South Bolivia: Dios Parlapawanchej

⁶ Causashaycu llimphu sonkowan, sumaj yachaywan, unayta runasta muchucuspa, c'acha imasta paycunapaj ruwaspataj. Santo Espirituwan pusaskas sumaj sonkowan munacuspa

2 Corintios 6:6 Referans Kwoze

Colosenses 1:27

Paykunaman Dios rejsichiyta munarqa chay pakasqa yachaypata qhapaj k'anchayninta gentiles ukhupi. Chay pakasqa yachaytaj karqa kikin Cristo. Paynejtataj suyankichej janaj pachaj k'anchayninta. Payqa qankunapi kashan.

Efesios 4:32

Ujkuna ujkunawantaj k'achas kaychej, khuyakuyniyojtaj. Sapa uj juchasniykichejta perdonanakuspa, imaynatachus Diospis juchasniykichejta pampacharqa Cristopi, ajinata.

Efesios 4:2

Tukuyman k'umuykuspa, llamp'u sonqo kaywan purajmanta paciencianakuspa munakuypi kausakuychej.

Gálatas 5:22

Espíritoj ruwasqasninrí kaykuna: Munakuy, kusiy, sonqo tiyasqa kay, pacienciayoj kay, khuyakuy, k'acha kay, fe, llamp'u sonqo kay, maychus kajta kausakuy ima. Kaykunaj contrampeqa mana ima leypis kanchu.

Gálatas 3:5

Espirituta qoj Diosqa sumachaj imasta qankuna ukhupi ruwan. Kunan payqa leypa ruwanasninraykuchu ruwan, chayri fewan uyarisqaykichejraykuchu?

2 Corintios 12:15

Noqaqa may kusiywan tiyapuwasqanta gastasaj. Noqa kikiytaj kausayniyta qosaj almaykichejrayku. Qankunata anchata munakusqaykichejmanta, pisi munasqachu kasaj?

2 Corintios 11:11

Imaraykutaj ajinata parlani? Manachu munakuykichej? Dios yachan qankunata mayta munakusqayta.

2 Corintios 11:6

Mana allinta parlani chaypis, tukuy ima yachayta rejsiypitaj mana jinachu kani, kaytataj qankunawan kashaspa rikucherqayku tukuy imapi.

2 Corintios 11:4

Sichus pipis jamunman waj Jesusmanta willaspa, manataj kikinchu willasqanman jina, chayrí waj espiritutataj jap'iwajchej ñaupajta jap'isqaykichejmanta, chayrí waj evangeliota jap'iwajchej ñaupajta jap'isqaykichejmanta chaypis, qankunaqa jap'illankichej.

2 Corintios 7:2

Uyariwayku; mana pitapis ima sajrata ruwaykuchu, nitaj pantacherqaykuchu, nitaj ch'aukiyarqaykuchu pitapis.

2 Corintios 4:6

Diosqa nerqa: K'anchay laqhayajpi k'anchachun. Chay k'anchayllataj sonqoykupi k'anchachun, rikunanchejpaj Diospa lliphipiyninta Jesucristoj uyampi.

2 Corintios 3:3

Arí, sut'i kashan qankuna Cristoj cartan kasqaykichej, jaywasqa qankunaman noqaykunejta; mana tintawanchu, astawanqa kausaj Diospa Espiritunwan, mana llusk'a rumi tablapichu, astawanqa aycha sonqos tablapi.

2 Corintios 2:4

Kay cartata escribimushaspa, anchata llakikorqani sonqoypi, mayta waqaspa. Manataj kaytaqa llakichiyta munaspachu escribimuni, astawanqa yachanaykichejpaj imaynatachus qankunata munakusqayta.

1 Corintios 13:4

Munakoyqa parienciayoj, k'achataj; munakoyqa mana qhawanakuychu, munakoyqa mana alabakuychu, nitaj tharamallachu.

1 Corintios 2:16

Pitaj Señorpa yuyayninta rejserqa? Pitaj Diosmanta yachachiyta atinmanri? Astawanqa Cristoj yuyaynin noqanchejpi kashan.

Romanos 12:9

Munakuspaqa, ama munakojllamanchu rijch'akuychej. Sajra kajta chejniychej, allin kajtataj ruwaychej.

Ezequiel 33:31

Ajinata aylloyqa jamuspa ñaupaqeykipi tiyarikun yachasqankuman jina, aylluypis kanman jinataj parlasqasniykita uyarinankupaj. Manataj uyarisqankuta ruwankuchu. Simisnillankuwan misk'ita parlanku, sonqonkupitaj qolqej qhepanta purishanku.

Jueces 16:15

Dalilataj nerqa: Llulla runa! Imaraykutaj niwanki munakuwasqaykitari? Kaypiwanqa kinsa kutistaña llullakuwanki, manarajtaj sut'inchawankichu maymantachus jamusqanta chay kallpayki.

1 Juan 3:18

Wawitasníy, ama simillawanchu munanakusun, astawanqa ruwanawan, cheqa kajwantaj.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

1 Timoteo 4:12

Ama pipis wayna kasqaykirayku pisipi qhawasuchunchu; astawanqa creejkunaj ñaupaqenkupi allinta puriy: Parlaypi, allin kausaypi, munakuypi, espiritupi, fepi, llimphu kausaypi ima.

1 Tesalonicenses 2:10

Qankuna yachankichej, Diospis yachan, imaynatachus llimphus, cheqan kausaywan, mana k'aminas qankuna creejkunawan purisqaykuta.

Colosenses 3:12

Diospa ajllasqasnin jina, llimphuchasqas munasqastaj p'achallikuychej ari. Jatun khuyakuywan, k'acha kaywan, llamp'u sonqo kaywan, pacienciawan ima.

Efesios 3:4

Chayta leespa yachayta atinkichej, Cristoj pakasqa imasninta rejsisqayta.

Gálatas 3:2

Kayllata yachayta munani qankunamanta: Santo Espiritutaqa leypa ruwanasninta ruwaspachu jap'erqankichej? Chayrí, fewan uyarispachu?

Romanos 15:19

Milagroswan, señaleswan, Santo Espíritoj atiyninwan ima, Cristoj evangelionta junt'achini; Jerusalenmanta, tukuynejman Ilírikoj muyuyninkama.

1 Pedro 1:12

Paykunamantaj sut'inchasqa karqa, chay imastaj mana paykunallapajchu, astawanqa qankunapajpis kasqanta. Paykuna imatachus willarqanku, chayllatataj janaj pachamanta kachamusqa Santo Espíritoj atiynimpi evangeliomanta willawanchej. Chay imastaqa angelespis anchatapuni qhawayta munanku.

Tito 2:7

Qan kikiyki allin kausayniykita rikuchiy tukuy imapi, yachanankupaj jina allin ruwayniykimanta; chay yachachiyniykipi rikuchispa tukuy ima respetowan, tukuy sonqowantaj.

2 Timoteo 4:2

Chayrayku, Diospa palabranta willay tiempompi, mana tiempompipis; jinallataj uyanchay, k'amiy, sonqochay pacienciawan allinta yachachispa.

2 Timoteo 3:10

Qanqa allinta jap'ikorqanki yachachisqayta. Yachankitaj imaynatachus kausasqayta, imaynatachus ruwayta munasqayta, feniy kallpayoj kasqanta, munakuyniyta, pacienciayta, qhatiykachawasqankuta, ñak'arisqayta ima. Qan yachanki imaynachus riwasqanta Antioquiapi, Iconiopi, Listrapi ima. Yachallankitaj mayta ñak'arisqayta. Chay tukuymantaqa Señorlla jark'awarqa.

1 Timoteo 5:2

Paya warmitapis mamaykita jina yuyaychay, sipaskunatapis llimphu sonqowan hermanosniykita jina yuyaychay.

Colosenses 2:3

Cristopi yachaypa, yuyaypatawan qhapaj kaynin pakasqa kashan.

1 Corintios 12:8

Wakinmanqa Espiritunejta yachay palabras qosqa, parlayta atinampaj; wakinmantaj kikin Espiritullataj qon yachaysapa yachaykunata.

2 Corintios 1:23

Astawanqa Diosta wajyakuni almaymanta testigo kanampaj; qankunata allinta khuyayta munaspataj, manaraj Corintoman jamunichu.

2 Corintios 2:10

Pejpa juchantachus perdonankichej chayqa, noqapis perdonallanitaj. Sichus perdonani chayqa, qankunarayku perdonani Cristoj ñaupaqempi, Satanás ama atipanawanchejpaj; yachanchej jina, payqa ima sajratapis ruwayta munashampuni.

2 Corintios 13:10

Kay cartata escribimuykichej manaraj qankunajman jamushaspa, imaraykuchus mana munanichu, chaypi kashaspa qankunawan sinch'i kayta, Señor imaynatachus atiyta qowasqanman jina. Ajinata sayachinaypaj, manataj urmachinaypajchu.

Santiago 3:17

Diosmanta jamoj yachayqa llimphu, sonqo tiyakuyniyoj, munakuyniyoj, khuyakuywan junt'asqa, sumaj poqoyniyoj, sut'inta ruwajtaj, manataj puraj uyachu.