2 Corintios 6:4 - Qheshwa Biblia DC

^4-5 Astawanqa munayku tukuy imapi rikuchikuyta Diospa kamachisnin jina, ancha pacienciawan ñak'ariykunapi, pisichikuypi, llakiykunapi; jasut'isqas, carcelman churasqas, ch'ajwas chaupipi, llank'aykunapi, mana puñusqas, mana mikhusqastaj.

DIOSPA QHELQACHISQAN DEUTEROCANONICAL

⁴ Aswanpis tukuy ima ruwasqaykupi rikuchiyta munayku Diospa sumaj kamachinkuna kasqaykuta. Ima ñak'ariypis qhatiriwajtiyku, noqayku sonqoykuta tiyaykuchispa ñak'ariyku pisichikuypi, llakiykunapi ima.

DIOSPA QHELQACHISQ

⁴ Aswanpis tukuy ima ruwasqaykupi rikuchiyta munayku Diospa sumaj kamachinkuna kasqaykuta. Ima ñak'ariypis qhatiriwajtiyku, noqayku sonqoykuta tiyaykuchispa ñak'ariyku pisichikuypi, llakiykunapi ima.

Quechua South Bolivia: Dios Parlapawanchej

⁴ Manachayka tucuy imaspi Diospa cachasninpaj rejsichicuspapuni causayta munaycu. Diospi confiacuycupuni llaquiycunapi, muchuycunapi, ñac'ariycunapipis,

2 Corintios 6:4 Referans Kwoze

2 Corintios 12:10

Chayrayku pisi kallpayoj kasqaypi kusikuni. Chantá kusikullanitaj k'amiykunapi, pisichikuypi, ñak'ariykunapi ima. Maypachachus pisi kallpayoj kani, chaypacha atiyniyoj kani.

2 Corintios 4:8

Imaymana uma nanayniyoj kayku, manataj llakisqaschu. Chay tukuywampis phutiywan mana atipachikuykuchu.

2 Corintios 11:27

Llank'aypi may sayk'uywan, sapa kuti mana puñuspa karqani. Yarqhaywan, ch'akiywan anchata ch'ayñarqani. Chiriwarkataj p'achay mana kashajtin.

2 Corintios 12:12

Chay tukuywampis qankuna ukhupi pacienciawan llank'arqani. Rikuchisqataj karqa señales, milagros, atiykuna ima cheqa apóstol kasqaymanta.

2 Corintios 3:6

Kikin Diosllataj, uj mosoj tratomanta yachachejkunata churawarqayku, mana escribisqaman jinachu, astawanqa Espirituman jina. Leyman jina escribisqarí wañuchin, Espiritutaj kausarichin.

1 Corintios 3:5

Kunanqa, pitaj Pablori? Pitaj Apolosri? Noqayku Diospa kamachisnin kayku, qankunataj noqaykunejta creerqankichej; chaytataj sapa ujniykuman Señor atiyta qowasqaykuman jina.

Joel 2:17

Sacerdotes, Señorta sirvejkunapis waqachunku. Templo punkuman altar qayllanejpi nichunku: Kay llajtapi kaj tukuy runaspa juchasninta pampachay, Señor. Ama saqeychu, qampata kajkunamanta pipis burlata ruwakunanta. Ama saqeychu waj llajtayoj runas llajtaykipi kamachinankuta. Amataj saqeychu Diospi mana creejkuna ninankuta: Maypitaj kashan paykunaj Diosninrí?

Apocalipsis 3:10

Qanqa nisqayman jina pacienciakorqanki, noqapis qanta waqaychasqayki tentación horapi, chaytaj tukuy mundoman jamonqa, mundopi tiyakojkuna rejsisqas kanankupaj.

Apocalipsis 1:9

Noqa, Juan, hermanoykichej, qankunawan khuska llakiypi, Jesucristoj reinompi, pacienciampitaj chayaqeyoj kani. Patmos nisqa churupi kasharqani Diospa palabranmanta, Jesucristomantawan willasqayrayku.

1 Corintios 4:1

Ajina ari, Cristoj kamachisninta jina runas qhawawachuyku; imaraykuchus mayordomos kayku, Diospa pakasqa imasninta sut'inchanaykupaj.

Hebreos 12:1

Chayrayku, noqanchejpis, chay chhika rikojkunawan muyurisqa kaspa, uj jatun phuyuwan jina, tukuy llasata, muyuykuwajninchej juchatapis saqena. Pacienciawan usqhayta phawana churasqa kashan noqanchejpaj chay maqanakuman.

2 Timoteo 4:5

Qantaj maychus kajta kausakuy tukuy imapi, llakiykunata apay evangeliota willaraspa. Llank'ayniykita allinta junt'ay.

2 Timoteo 2:24

Señorpa kamachenqa mana churanakojchu kanan tiyan; manachayqa tukuypaj k'acha, yachachinapaj wakichisqa, pacienciayoj.

2 Timoteo 1:8

Chayrayku ama p'enqakuychu Señorninchejmanta willayta, nitaj noqamantapis payrayku carcelpi wisq'asqa kasqaymantapis. Astawanqa qampis noqawan khuska llakikuy evangeliorayku, Diospa atiyninman jina.

1 Timoteo 6:11

Qanrí, Diospa runan, ayqekuy kay tukuy imasmanta. Kausaytaj cheqan kajpi Diosta yupaychaspa, fewan, munakuywan, pacienciawan, llamp'u sonqo kaywan ima.

1 Timoteo 4:6

Kaytachus hermanosman yachachinki chayqa, jap'ispa fe palabrasta, cheqa yachachiytataj imatachus jap'ikorqankiña chayta, Jesucristoj sumaj kamachin kanki.

1 Timoteo 2:15

Chay tukuywampis, salvasqa kanqa wawasniyoj kaspa, sichus allinta sayanqa, llamp'u sonqowan, fepi, munakuypi, llimphu kaypi ima chayqa.

1 Tesalonicenses 5:14

Ajinallatataj mañakuyku, hermanos, mana kasukojkunataqa k'amiychej, manchalistapis yanapaychej, pisi kallpayojkunatapis kallpachaychej, tukuypajtaj khuyakoj sonqoyoj kaychej.

1 Tesalonicenses 3:7

Chayrayku, hermanos, qankunanejta sonqochakorqayku, tukuy llakiyniykupi, ñak'ariyniykichejpipis, feniykichejrayku.

Colosenses 1:24

Kunanqa kusisqa kani, qankunarayku ñak'ariypi rikukuspa. Kay jinamanta aychaypi junt'ashani imachus pisisqanta Cristoj ñak'ariyninman cuerponrayku, chaytaj iglesia.

Colosenses 1:11

Mañakullaykutaj tukuy atiyninwan kallpachasqas kanaykichejta, janaj pacha k'anchaynimpi atiyninman jina, tukuy imata jap'ikunaykichejpaj pacienciawan.

2 Corintios 11:23

Cristoj kamachisninchu kanku? Locopis kayman jina parlashani, noqa astawan Cristoj kamachin kani paykunamantaqa. Noqa ashkhata llank'arqani, may chhika kutita jasut'ichikuspa. Carcelpi wisq'asqa, ashkha kutitataj wañunaypaj jina karqani.

2 Corintios 11:9

Qankunawan kashajtiy imapis pisiwaj, mana carga jinachu mayqempajpis karqani. Chaytaqa, hermanos, Macedoniamanta qowaj kanku tukuy ima pisiwasqanta. Tukuy imapi jark'akoj kani, ama pipajpis carga jina kanaypaj. Jinallapunitaj kasaj.

2 Corintios 7:11

Kay llakiyta jap'erqankichej Diospa munasqanman jina. Qhawaychej mashkha phutichikuytachus apamusunkichej: Kutichikuyta, phiñakuyta, mancharikuyta, k'ajaj munakuyta, atipanakuyta, jasut'iyta ima; chay tukuypi rikusqas kankichej mana juchayoj llimphus.

2 Corintios 4:17

Kunanqa pisilla ñak'areyqa. Kay kausayniykutaj usqhayta tukukun. Chay ñak'ariytaj apamuwayku wiñay kusiyta, astawan jatunta, ashkhatataj.

2 Corintios 4:2

Astawanqa saqepuyku pakaypi p'enqaykunapi ruwayta, manataj sajra yuyaykunapi purispa, nitaj Diospa palabranta q'ewispa; manachayqa cheqa kajta sut'inchaspa, noqayku allinta rijch'ayta munayku runasman conciencianman jina Diospa ñaupaqempi.

1 Corintios 9:11

Sichus noqayku, qankuna ukhupi tarporqayku Espirituman jina chayqa, kunanqa ashkhatachu qankuna ukhumanta cosechata oqharisqayku?

Romanos 16:10

Cristopi allin qhawasqa Apelesta napaykuychej, jinallataj Aristóbuloj wasimpi kajkunatapis.

Romanos 14:18

Pichus kay imaspi Cristoj kamachinta ruwan chayqa, Diosta kusichin, runastaj chaytaqa allimpaj qhawanku.

Romanos 5:8

Chay tukuywampis Dios munakuyninta rikuchiwanchej, juchasapasllaraj kashajtinchej, Cristoqa wañorqaña noqanchejrayku.

Hechos 20:34

Astawanqa qankuna yachankichej kay makisniywan llank'asqayta mikhunaypaj, noqawan kajkunapajpis.

Hechos 9:16

Noqa payman rikuchisaj may chhikatachus sutiyrayku ñak'arinanta.

Hechos 2:22

Israelitas kay nisqayta uyariwaychej: Nazaret llajtayoj Jesusta Diosqa allimpaj qhawarqa, qankuna ukhupi paynejta ruwaspa milagrosta, t'ukuna ruwaykunata, señalestawan. Chaytaqa qankuna allinta yachashankichej imaraykuchus qankuna ukhupi ruwakorqa.

San Lucas 21:19

Pacienciaykichejwan almasniykichejta salvankichej.

Joel 1:9

chay kikinta sacerdotes waqanku; imaraykuchus templopi mana kanñachu poqojkunaqa, ni vinopis ofrendata Señorman jaywanapaj.

Isaías 61:6

Qankunaqa Señorpa sacerdotesnin nisqa kankichej, Diospa kamachisnin nisqataj. Qankunaqa karu llajtasniyojpa kapuyninta mikhunkichej, qhapaj kapuyninkuwantaj kusikunkichej.

2 Corintios 2:17

Mana noqaykoqa wakinkuna jinachu kayku, Diospa palabranta q'ewirispa parlajkuna; astawanqa tukuy sonqo, Diosmanta kajkuna jina, Cristomanta parlaspa Diospa ñaupaqempi.

San Juan 16:33

Kay tukuy imasta niykichej, noqapi sonqo tiyasqas kanaykichejpaj. Mundopeqa ñak'arinaykichej tiyan; chaywampis sonqochakuychej, imaraykuchus mundota noqa atipaniña.

Romanos 3:5

Sajra kayninchejchus Diospa cheqa kayninta sut'ita rikuchin chayqa, ima nisuntaj, Diosqa jasut'ispa juchayojchu? Kaytaqa parlani runa jina.