2 Corintios 6:10 - Qheshwa Biblia DC

¹⁰ Llakisqas jina kayku, chaywampis kusisqaspuni; wajchas jina kayku. Chaywampis ashkhasta qhapajyachiyku. Mana kapuyniyoj jina kashajtiykupis, astawan tukuy ima kapuwayku.

DIOSPA QHELQACHISQAN DEUTEROCANONICAL

¹⁰ Llakisqa jina kayku, chaywanpis kusisqapuni kashayku. Wajcha jina kayku, chaywanpis wajkunata Diosmanta yachachispa qhapajyachiyku. Mana kapuyniyoj jina kashayku chaypis, tukuy imayoj kayku.

DIOSPA QHELQACHISQ

¹⁰ Llakisqa jina kayku, chaywanpis kusisqapuni kashayku. Wajcha jina kayku, chaywanpis wajkunata Diosmanta yachachispa qhapajyachiyku. Mana kapuyniyoj jina kashayku chaypis, tukuy imayoj kayku.

Quechua South Bolivia: Dios Parlapawanchej

¹⁰ phutiskas, chaywanpis cusiskaspunipis caskaycuta. Wajcha runas caspapis ashqhasta khapajyachispa, mana imayoj caspapis tucuy ima capuyniyoj Cristowan ujchaska caycu.

2 Corintios 6:10 Referans Kwoze

San Juan 16:22

Ajinata qankunapis kunan llakikushankichej. Uj kutitawan rikusqaykichej, sonqoykichejtaj kusikonqa; manataj pipis chay kusiyta qankunamanta qhechuyta atenqachu.

2 Corintios 8:9

Ña rejsinkichejña Señorninchej Jesucristoj khuyakuyninta. Qhapaj kashaspa qankunata munakuspa wajchaman tukorqa. Chay wajcha kayninwantaj qankunata qhapajyachisorqachej.

Apocalipsis 2:9

Rejsini llakiyniykita, pisipasqa kasqaykitapis. Chaywampis qhapaj kanki. Yachani qampaj sajrata rimasqankuta judíos kayku nikojkuna. Paykunaqa mana judioschu, astawanqa Satanaspa tantakuna wasi kanku.

Santiago 2:5

Munasqa hermanosníy, uyariychej kay pachamanta wajchasta. Manachu Dios ajllarqa fepi qhapaj kanankupaj, jap'inankupajtaj reinota chayaqepaj jina, Dios nisqanman jina payta munakojkunaman?

Hebreos 10:34

Presosta khuyarqankichej, kapuyniykichejta suwajtinkupis kusiywan aparqankichej, yachaspa qankunapaj aswan sumaj chayaqe kasqanta janaj pachapi, mana jayk'aj tukukuyniyoj.

1 Timoteo 4:8

Cuerpota kallpachayqa pisillapaj, Diosta yupaychayrí sumaj tukuy imapaj; imaraykuchus allinmin kay kausaypi, jinallataj jamoj kausaypipis.

Filipenses 4:4

Kusikuychejpuni Señorpi. Ujtawan niykichej, kusikuychej.

1 Tesalonicenses 1:6

Qankunataj noqaykumanta, Señormantapis yachakorqankichej ancha llakiypi. Santo Espíritoj kusikuyninwantaj Diospa palabranta jap'erqankichej.

Colosenses 3:16

Cristoj palabranqa sonqoykichejpipuni kachun. Qankunataj ujkuna ujkunawan yachachinakuychej, sonqochanakuspataj tukuy yachaywan. Señorta agradecekuychej tukuy sonqo salmoswan, himnoswan, Espirituman jina, takiykunawan ima.

Filipenses 2:17

Yawarniy jich'asqa kanman chayqa ofrendasniykichej pataman, feniykichejpa patanmampis chayqa, chaymanta kusikuni jatun kusiywan tukuyniykichejwan khuska.

Romanos 11:12

Juchachakusqankuchus kay pachaj allinnimpaj, urmasqankupis gentilespa allinnimpaj kanman chayqa, may jina allinrajchus kanqa tukuy judíos Diosman kutirisqankoqa.

Proverbios 16:16

Qorita rantinamanta nisqaqa aswan allin yachayniyoj kana; qolqeyoj kanamantaqa, aswan allin sumaj yuyayniyoj kana.

1 Pedro 4:13

Astawanqa kusikuychej Cristoj ñak'arisqampi chayaqeyoj kasqaykichejmanta; payqa jatun kaynimpi rikhurimojtintaj, may kusiywan junt'asqa kanaykichejpaj.

2 Corintios 4:7

Chaywampis, tiyapuwayku qhapaj kayniyku t'uru vasospi jallch'asqa, jatun atiy rikusqa kanampaj Diosmanta jamusqanta, manataj noqaykumantachu.

2 Corintios 2:4

Kay cartata escribimushaspa, anchata llakikorqani sonqoypi, mayta waqaspa. Manataj kaytaqa llakichiyta munaspachu escribimuni, astawanqa yachanaykichejpaj imaynatachus qankunata munakusqayta.

Romanos 15:13

Suyayta qoj Dios tukuy kusiywan, sonqo tiyakuywan creeypi qankunaman junt'achichun, suyaypi Santo Espíritoj atiyninwan kallpachasqas kanaykichejpaj.

Romanos 12:15

Kusikuychej kusikojkunawan; waqajkunawantaj waqaychej.

Hechos 5:41

Apostolestaj juntamanta llojsispa, may kusisqas riporqanku, paykunata Jesuspa sutinrayku ñak'arichisqankumanta.

San Lucas 6:21

Kusikuyniyoj kankichej kunan yarqhachikojkunaqa, imaraykuchus sajsachisqas kankichej. Kusikuyniyoj kankichej kunan waqajkunaqa, imaraykuchus asikunkichej.

San Mateo 5:4

Kusikuyniyoj kanku waqajkunaqa, imaraykuchus paykunataqa Dios sonqochanqa.

1 Timoteo 6:18

Qhapajkunaqa allin kajta ruwachunku, allin ruwasqasninkuta astawan yapachunku, khuyakuywantaj qorichunku mana mich'akuspa.

1 Tesalonicenses 5:16

Kusisqallapuni kakuychej.

Hechos 3:6

Pedrotaj payman nerqa: Mana kapuwanchu qolqe nitaj qori. Imachus kapuwasqanta qosqayki: Nazareno Jesucristoj sutimpi jatariy, puririytaj.

Salmos 84:11

Señor Diosqa k'anchawanchej, waqaychawanchejtaj. Señorqa munakun qhawantaj llimphu sonqo kausakojkunata tukuy ima allintataj paykunaman qollampuni.

Colosenses 1:24

Kunanqa kusisqa kani, qankunarayku ñak'ariypi rikukuspa. Kay jinamanta aychaypi junt'ashani imachus pisisqanta Cristoj ñak'ariyninman cuerponrayku, chaytaj iglesia.

Efesios 3:16

Janaj pacha qhapaj kayninman jina qosunkichej atiyta, Santo Espiritunejta kallpachasqas kanaykichejpaj.

Efesios 3:8

Diospa tukuy ajllasqasninmanta aswan juch'uy kashajtiypis, Diosqa atiyta qowarqa, Cristoj qhapaj kapuyninta mana rejsiy atina evangeliota gentilesman willanaypaj.

2 Corintios 4:15

Chayrayku kay tukuy imata aguantayku qankunata munakusqaykurayku, Diospa khuyakuynin ashkhayanampaj wajkunapajpis, ajinapitaj Diosman graciasta qojkuna ashkhayanankupaj.

1 Corintios 1:5

Tukuy imapi qhapajyachisqas kankichej Cristorayku, tukuy parlaypi, tukuy yachaypi ima.

Romanos 9:2

Jatun llakiyniy tiyan, sonqoypitaj mana tukukoj nanay.

Romanos 8:32

Diosqa uj k'ata Churinta mana mich'akuspa qorqa tukuyninchejrayku wañunampaj. Chantá, imaraykutaj mana qowasunmanchu Churinwan khuska tukuy imata?

Hechos 16:25

Chaupi tutata jina Pablowan Silaswan Diosmanta mañakuspa takisharqanku. Waj wisq'asqaspis chay takisqankuta uyarisharqanku.

San Mateo 5:12

Kusikuychej jatun kusiywan, imaraykuchus jatunmin janaj pachapi t'inkaykichejqa. Ajinallatataj qankunamanta ñaupajta jamoj profetastapis, chejnispa ñak'aricherqanku.

Apocalipsis 21:7

Pichus atipanqa chayqa, tukuy imata chayaqepaj jap'enqa. Noqataj Diosnin kasaj, paytaj waway kanqa.

Proverbios 13:7

Wakenqa mana imankupis kashajtin qhapaj qhapajman tukuykachanku; wakintaj tukuy imankupis kashajtin, wajcha wajchaman rijch'akunku.