2 Corintios 5:11 - Qheshwa Biblia DC

¹¹ Chayrayku noqayku Señorta rejsiyku manchachikuna kasqanta, runasmantaj Willayku unanchachiyta munaspa. Chaywampis, Dios yachan pichus kasqaykuta. Jinallataj suyani qankunapis yachanaykichejta concienciaykichejman jina.

DIOSPA QHELQACHISQAN DEUTEROCANONICAL

¹¹ Chayrayku noqayku Tukuyta Kamachej Diosta manchachikuna kasqanta yachaspa, runakunaman tukuy sonqo entiendechiyta munayku Diosman kutirikuna kasqanta. Tata Dios imaynachus kasqaykuta sumajta yachan, jinallataj suyayku qankunapis sonqoykichejpi imaynachus kasqaykuta yachanaykichejta.

DIOSPA QHELQACHISQ

¹¹ Chayrayku noqayku Tukuyta Kamachej Diosta manchachikuna kasqanta yachaspa, runakunaman tukuy sonqo entiendechiyta munayku Diosman kutirikuna kasqanta. Tata Dios imaynachus kasqaykuta sumajta yachan, jinallataj suyayku qankunapis sonqoykichejpi imaynachus kasqaykuta yachanaykichejta.

Quechua South Bolivia: Dios Parlapawanchej

¹¹ Señorta manchachicunata yachaspa runasman mayta willarashaycu Diospi jap'icunancupaj. Tucuy imapi imaynachus caskaycuta Dios yachanña. Sonko-yuyayniyquichejpipis imaynachus caskaycuta kancunapis yachaskayquichejtaña confiani.

2 Corintios 5:11 Referans Kwoze

Judas 1:23

Wakintarí salvaychej, ninamanta ayqechispa; wakintataj manchachikuywan khuyakuychej, chejniychejtaj aychampa ch'ichichasqan p'achatapis.

Hebreos 10:31

Mancharinapaj jina, kausaj Diospa makisninman urmayqa!

Apocalipsis 20:15

Pichus kausay libropi mana escribisqachu tarikorqa chayqa, nina qochaman wijch'usqa karqa.

2 Corintios 6:1

Arí ajina, qankunata yanapajkuna kayku Diospa ruwaynimpi. Mañakuykutaj qankunaqa ama qhasipajchu jap'inaykiychejta Diospa khuyakuyninta.

2 Corintios 5:20

Ajina chayqa, Cristoj sutimpi willajkuna kachamusqas kayku, Diospis noqaykunejta nishasunkichejman jina. Chayrayku, mañakuyku qankunata Cristoj sutimpi; Dioswan allinyakuychej, nispa.

Hechos 18:13

Chaypitaj nerqanku: Kayqa runakunaman yachachishan waj layamanta Diosta yupaychanata, mana leyman jinachu.

San Lucas 12:5

Noqa nisqaykichej pitachus manchachikunaykichejta. Manchachikuychej, pichus wañuchiytawankama, atiyniyoj kashan infiernoman wijch'unampaj, chayta. Arí, manchachikuychej payllata.

Nahúm 1:6

Phiñakuynimpiri, pitaj sayasqallapipuni kanmanri? Pitaj chay phiñakuyninta ñak'ariyta atinmanri? Sinch'i phiñakuynenqa nina jinapuni t'akarikamun, ñaupaqempeqa qaqaspis iskayman lajrarikunku.

Salmos 90:11

Pitaj yachan phiñakuyniykej atiyninta? Pitaj yachan phiñakuyniyki mayk'ajkamachus kasqantari?

Salmos 76:7

Qanqa manchachikunamin kanki. Pitaj ñaupaqeykipi sayayta atinmanri? K'araj phiñasqa kashajtiykiri?

Job 31:23

Imaraykuchus Diospa jasut'iyninta mayta manchachikoj kani, chay jina atiynimpa contrampajqa mana atiyniy kanchu.

Gálatas 1:10

Chantá kunanqa runakunamanchu, chayrí Diosmanchu allin rijch'ayta mask'ashani? Chayrí, runastachu kusichiyta munashani? Runastarajchus kusichiyman chayqa, mana Cristoj kamachinchu kayman.

2 Corintios 2:17

Mana noqaykoqa wakinkuna jinachu kayku, Diospa palabranta q'ewirispa parlajkuna; astawanqa tukuy sonqo, Diosmanta kajkuna jina, Cristomanta parlaspa Diospa ñaupaqempi.

Hechos 28:23

Chaymanta parlanankupajtaj uj p'unchayta ajllarqanku. Aswan ashkhataj jamorqanku Pabloj chayakusqan wasiman. Paqarinmantapacha ch'isiyanankama, Pabloqa paykunaman yachacherqa Diospa reinonmanta. Atisqantataj Jesusmanta yachacherqa imaynatachus Moisespa leynimpi profetaspa escribisqampi ima Jesusmanta willasqankuta.

Hechos 26:26

Kay tukuy imasmanta rey Agripaqa yachan. Chayrayku paypa ñaupaqempi parlashani tukuy sonqo; imaraykuchus mana yuyanichu kay tukuy imas pakaypi ruwakusqanta.

Hechos 19:26

Qankunaqa rikushankichej, uyarishankichejtaj, imaynatachus Pablo tukuyman junt'achisqanta: Mana dioskunachu kanku runaj makinwan ruwasqasqa, nispa. Chay nisqanwantaj, ashkha runaj sonqonta tijrachishan mana kay Efeso llajtallapichu, astawanqa tukuy Asiantimpi.

Hechos 18:4

Sapa samakuna p'unchaypitaj Pabloqa, judiosman, griegosman ima evangeliota yachachej unanchachiyta munaspa.

Hechos 13:43

Sinagogapi tantakojkuna ripojtinkutaj, Pablota Bernabetawan qhatikorqanku ashkha judíos, chantá judiospa yachachiyninta qhatejkuna ima. Apostolestaj paykunata yuyaycharqanku, ama sayk'uspa Diospa khuyakuynimpi kakunankupaj.

San Lucas 16:31

Abrahamtaj nerqa: Moisesta profetastawan mana uyarenqanku chayqa, manallataj kasonqankuchu wañusqasmanta jatarimojtapis.

San Mateo 25:46

Kaykunataj, wiñay ñak'ariyman renqanku; cheqan kajta ruwajkunataj, wiñay kausayman renqanku.

San Mateo 10:28

Ama manchachikuychejchu cuerpota wañuchejkunata, imaraykuchus almataqa mana wañuchiyta atinkuchu. Astawanqa, pichus cuerpota, almatapis infiernoman wijch'uykuyta atin, chayta manchachikuychej.

Isaías 33:14

Juchasapasqa Siompi mayta kharkatiterqanku, puraj uyastapis t'ukuylla jap'erqa. Pitaj noqanchejmanta kay jina nina ukhupi kausanmanri, pitaj kay jinata wiñaypaj nina k'ajaj ukhupi tiyakunmanri?

Salmos 73:19

Uj ñawi ch'irmiypi pampachasqas rikhurinku. Manchachikuy tukuchin, wañuchintaj.

Job 18:11

Tukuynejmanta manchachiykunas qharkatitichenqanku, sapa thaskisqampi qhatiykachanqanku.

Job 6:4

Tukuy Atiyniyojpa flechasnin noqapi sumaj takasqas kashanku, chaypa venenosnin tukuy ukhuyta pasawan, Diospa jatun manchachiykunasnin noqawan maqanakushawanku.

Génesis 35:5

Paykuna chaynejmanta llojsejtinkutaj Dios qorqa manchachikuyta, chay qayllasnimpi kaj llajtas manchachikunankupaj. Chayrayku Jacobpa wawasninta mana qhaterqankuchu.

Isaías 19:16

Chaypacha egipciosqa warmis jina manchachikuywan, kharkatitiywantaj junt'a kanqanku, Tukuy Atiyniyoj Señor paykunaj contrampi oqharikojtin.

Efesios 5:21

Cristota manchachikuspa purajmanta kasunakuychej.

Hebreos 12:29

Diosninchejqa q'olaj ninaj larwaynin.