2 Corintios 13:7 - Qheshwa Biblia DC

⁷ Diosmantataj mañakuyku ama ima sajrata ruwanaykichejpaj. Manataj noqayku allinman rijch'asqas kanaykupajchu; astawanqa qankuna allinta ruwayta yachanaykichejpaj; manataj imananchu, noqayku qhesachasqa jina rikhurinaykoqa.

DIOSPA QHELQACHISQAN DEUTEROCANONICAL

⁷ Dioswan parlarikuspa, mañarikuyku qankuna k'amisqaykuta qhesachaspa, mana allin kajta mana ruwanaykichejpaj. Noqayku chayamuspa, kasuchikunaykupaj atiyniyoj kasqaykuta mana rikuchiyta munaykuchu. Manachayqa munayku qankuna allin kajta ruwanaykichejta, noqayku atiyniykuta mana rikuchejtiykupis.

DIOSPA QHELQACHISQ

⁷ Dioswan parlarikuspa, mañarikuyku qankuna k'amisqaykuta qhesachaspa, mana allin kajta mana ruwanaykichejpaj. Noqayku chayamuspa, kasuchikunaykupaj atiyniyoj kasqaykuta mana rikuchiyta munaykuchu. Manachayqa munayku qankuna allin kajta ruwanaykichejta, noqayku atiyniykuta mana rikuchejtiykupis.

Quechua South Bolivia: Dios Parlapawanchej

⁷ Kancunapaj Diosmanta mañapuycu sajra cajtaka ama ruwanayquichejpaj. Ajinamanta atiyniycuta mana ricuchinaycuchu tiyan. Mana chayllatachu munaycu. Astawanka c'acha imastapuni ruwanayquichejta munaycu. Chaytachus ruwanquichej chayka, mana imachu runas nokaycuta khesachaskancoka.

2 Corintios 13:7 Referans Kwoze

Santiago 1:12

Kusikuyniyojmin tentacionta atipaj runaqa; imaraykuchus chay tentacionta atipasqanman jina jap'inan tiyan wiñay kausay pilluta, mayqentachus Dios nerqa qonanta payta munakojkunaman.

2 Timoteo 4:18

Tukuy ima sajramanta Señorqa jark'awanqa, waqaychawanqataj janaj pacha reinompaj. Pay yupaychasqa kachun, wiñaypa wiñaynimpaj. Amén.

2 Timoteo 2:15

K'uchi kaywan Diospaj allimpaj qhawasqa kayta munay, uj llank'aj runa jina, mana imamanta p'enqakuspa; cheqa kaj palabratataj allinta willaspa.

1 Tesalonicenses 5:23

Sonqo tiyachej Diosqa allintapuni qankunata llimphuchachun. Tukuy kayniykichej, espirituykichej, almaykichej, ukhuykichejpis mana k'aminayoj waqaychasqas kachunku Señorninchej Jesucristo jamunankama.

Filipenses 4:8

Kunanqa hermanos, yuyaychej tukuy cheqa kajpi, tukuy allin kajpi, tukuy cheqan kajpi, tukuy ima llimphu kaypi, tukuy allin munakuypi, tukuy ima allin sutiyojpi. Sichus ima atiyllapis kanman, imapis yupaychanapaj jina kanman chayqa, chaypi yuyaychej.

1 Pedro 2:12

Allinta kausakuychej Diosta mana rejsejkuna ukhupi. Paykunaqa sajra runaspaj jina qankunapaj rimashanku; Señor chayamojtintaj, Diosta yupaychanqanku, allin ruwasqasniykichejta rikuspa.

2 Corintios 13:9

Chayrayku noqayku kusikuyku pisi kallpas kasqaykumanta, qankuna sinch'is kasqaykichejmantapis. Noqaykoqa Diosmanta mañallasqaykupuni allin kanaykichejpaj.

2 Corintios 10:18

Pichus pay kikin alabakojqa, mana allimpajchu qhawasqa; astawanqa jaqay pitachus Dios alaban, chaymin allin qhawasqaqa.

2 Corintios 10:10

Cartasniymanta pichá nin sinch'i phiñas kasqankuta; ñaupaqenkupi kashajtiytaj pisi kallpayoj kasqayta nin, parlasqaypis qhesachasqa.

2 Corintios 8:21

Astawantaj munashayku kay imasta ruwayta cheqanta, mana Señorpa ñaupaqellampichu, astawanqa runaspa ñaupaqempipis.

2 Corintios 6:4

Astawanqa munayku tukuy imapi rikuchikuyta Diospa kamachisnin jina, ancha pacienciawan ñak'ariykunapi, pisichikuypi, llakiykunapi; jasut'isqas, carcelman churasqas, ch'ajwas chaupipi, llank'aykunapi, mana puñusqas, mana mikhusqastaj.

1 Corintios 11:19

Cheqamanta, kanampuni tiyan t'aqanakus qankuna ukhupi, yachakunampaj mayqenkunachus cheqan sonqoyoj kasqaykichejta.

Romanos 16:10

Cristopi allin qhawasqa Apelesta napaykuychej, jinallataj Aristóbuloj wasimpi kajkunatapis.

Romanos 13:13

Ajinaqa p'unchaypi jina purinachej maychus kajta; amataj purinachu jatun mikhuykunaspi, machaykuykunaspi, millay kausaypi, churanakuypi, nitaj chhoqonakuypipis.

Romanos 12:17

Ama pimampis sajramanta sajrallatataj kutichiychejchu, allin kajtapuni ruwaychej tukuy runaj ñaupaqempi.

San Juan 17:15

Mana mañakunichu paykunata mundomanta pusakapunaykita, astawanqa mañakuni paykunata sajramanta waqaychanaykita.

San Mateo 6:13

Amataj saqeychu juchaman urmanaykuta; astawampis, jark'awayku sajramanta; [imaraykuchus, qampatamin reino, atiy, janaj pacha k'anchay ima; wiñaypa wiñayninkama. Amén.]

1 Crónicas 4:10

Jabestaj mañakorqa Israelpa Diosninmanta kay jinata: Mañakuyki bendicionniykita qonawaykita, uj jatun jallp'atawan, yanaparinawaykita, tukuy sajra kajmantataj waqaychanawaykitataj, ama ima llakiypi kanaypaj. Diostaj qorqa chay imatachus mañakusqanta.

Romanos 1:28

Paykuna Diosta qonqapusqankuraykutaj, Diosqa jap'icherqa sajra yuyaykunaman, mana allin kajta ruwanankupaj.

2 Corintios 13:6

Astawanqa munayman yachanaykichejta, noqaykoqa mana qhesachasqaschu kasqaykuta.

2 Corintios 13:8

Mana atiykuchu imallatapis cheqa kajpa contranta ruwayta, astawanqa cheqa kajllatapuni ruwasqayku.