2 Corintios 13:5 - Qheshwa Biblia DC

⁵ Qankuna kikiykichej qhawarikuychej, yachanaykichejpaj fepi sinch'ichus kashankichej manachus chayta. Allinta qhawarikuychej. Manachu yachankichej Jesucristo qankunawan kasqanta? Manachayqa, qhesachasqas kankichej.

DIOSPA QHELQACHISQAN DEUTEROCANONICAL

⁵ Qankuna kikiykichej qhawarikuychej, cheqatapunichus Cristopi atinikorqankichej manachus, chayta yachanaykichejpaj. Manachu reparankichej Jesucristo qankunapi kasqanta? Manachus jina chayqa, ichapis Cristopi mana atinikorqankichejchu.

DIOSPA QHELQACHISQ

⁵ Qankuna kikiykichej qhawarikuychej, cheqatapunichus Cristopi atinikorqankichej manachus, chayta yachanaykichejpaj. Manachu reparankichej Jesucristo qankunapi kasqanta? Manachus jina chayqa, ichapis Cristopi mana atinikorqankichejchu.

Quechua South Bolivia: Dios Parlapawanchej

⁵ Khawacuychej yachanayquichejpaj sichus kancuna cheka ñanpi purishanquichej. Chayrí ¿manachu yachanquichej Cristowan ujchaska caskayquichejta?

2 Corintios 13:5 Referans Kwoze

Lamentaciones 3:40

Allinta reparakunachej, Señorta mask'anachej, paymantaj kutirikunachej.

1 Corintios 11:28

Chayrayku, sapa ujniykichej sonqoykichejta allinta qhawarikuychej, manaraj t'antata mikhushaspa, nitaj copamanta ujyashaspa.

1 Corintios 9:27

Astawampis cuerpoyta maqani, kasuchikunitaj, ama noqa wajkunaj yachachejnin kashaspa, noqa kikiy qhesachasqa kanaypaj.

Apocalipsis 2:5

Chayrayku yuyarikuy maymantachus urmasqaykita. Juchamanta ithirikuy, ñaupaj ruwaykunata ruway; manachayrí, usqhayta qanman jamusaj, k'anchachinaykitataj maypichus kananmanta qhechusaj, manachus juchamanta Diosman kutirikunki chayqa.

Gálatas 6:4

Ajinaqa sapa uj pay kikimpa ruwasqanta qhawakuchun; chantá paypa kallpanwan kusikuchun, amataj wajpa ruwasqanwanqa.

Hebreos 12:15

Allinta qhawakuychej, pajtá pipis Diospa yanapayninmanta karunchakunman; pajtá ima jaya saphipis p'utumuspa onqochisunkichejman, chaynejtataj ashkhas onqoyta chimpachikunkuman.

1 Corintios 11:31

Noqanchejchus allinta qhawarikusunman sonqonchejta chayqa, mana juchachasqaschu kasunman.

Tito 1:16

Yuyanku Diosta rejsisqankuta, ruwasqasninkuwantaj payta qhesachanku. Millaykuna mana kasojkuna kanku, nitaj allin kajtapis ruwayta atinkuchu.

Gálatas 2:20

Cristowan khuska chakatasqa karqani, manataj noqañachu kausani, manachayqa Cristo kausan noqapi. Kunan aychapi kausashaspapis, Diospa Churimpi creesqayrayku kausashani. Pay munakuwarqa, pay kikintaj wañorqa noqarayku.

San Juan 14:23

Jesús payman kutichispa nerqa: Noqata munakuwajqa, palabrayta waqaychanqa; Tataytaj payta munakonqa, payman jamusqayku, paywantaj tiyakusqayku.

Salmos 26:2

Allinta qhawaway yachanawaykipaj, maychus kasqayta yachaway, sonqoy ukhupi yuyasqasniyta, munasqasniyta ima.

Romanos 8:10

Sichus Cristo qankunapi kashan chayqa, cuerpoqa jucharayku wañusqapis kashajtin, espiritoqa kausan, cheqa kajrayku.

Salmos 119:59

Imaynatachus kausasqaymanta allinta yuyarikuni, watejmantataj kamachisqasniykita junt'aj churakorqani.

Hageo 1:7

Noqa, Tukuy Atiyniyoj Señormin niykichej: Allinta reparakuychej purisqaykichejta.

Hebreos 4:1

Manchachikuna ari, Diospa samakuyninman yaykuna kashajtintaj, qankunamanta pillapis mana yaykunmanchu.

1 Corintios 9:24

Manachu yachankichej pujllana kanchapi correjkunamanta? Cheqamanta tukuy correnku, chaywampis ujlla t'inkataqa jap'in atipasqanrayku. Qankunapis correychej t'inkata jap'inaykichejkama.

1 Corintios 3:16

Manachu yachankichej Diospa templon kasqaykichejta, Diospa Espirituntaj qankunapi kashasqanta?

Hageo 1:5

Noqa, Tukuy Atiyniyoj Señormin niykichej: Allinta reparakuychej purisqaykichejta.

San Juan 15:4

Noqapipuni kakuychej, imaynatachus noqapis qankunapi kakuni ajinata. Imaynatachus ramaqa sapanmanta mana poqoyta atinchu, mana uva sach'api kaspaqa; ajinallatataj qankunapi mana atinkichejchu, mana noqapi kawajchej chayqa.

Salmos 17:3

Sonqoypi imachus kasqanta qan yacharqanki, ch'isin watoj jamuwarqanki. Ninaman churawarqanki yachanawaykipaj, manataj ima sajratapis noqapi tarerqankichu. Simiyta ama pantananta nerqani.

Tito 2:2

Machu runasqa kachunku ch'aki sonqos, allin qhawasqas, yachayniyoj, cheqa kaj feniyoj, munakuypi, pacienciayoj ima.

Efesios 3:17

Creesqaykichejrayku Cristo sonqoykichejpi tiyakuchun, munakuypi sumaj saphinchasqas sayanaykichejpaj.

San Juan 17:26

Paykunaman sutiykita rejsicherqani, astawanraj rejsichisajpis, ima munakuywanchus munakuwarqanki, chay munakuy sonqonkupi kanampaj, noqataj paykunapi.

San Juan 17:23

Noqa paykunapi kashani, qantaj noqapi; paykuna uj yuyayllawan allin junt'asqas kanankupaj; mundo yachanampaj qan kachamuwasqaykita, paykunatataj munakusqaykita, imaynatachus noqatapis munakuwanki ajinata.

Santiago 4:4

Uyariychej, qhenchachakoj runas, manachu yachankichej kay mundowan kausajqa Diospa contran kasqanta? Pillapis kay mundoj kausaqen kayta munan chayqa, Diospa enemigon.

Colosenses 2:7

Paypi saphinchasqas, allinchasqastaj kaspa, fepi wiñaychej, yachachisqas kasqaykichejman jina, Diosman ashkha graciasta qospa.

Colosenses 1:27

Paykunaman Dios rejsichiyta munarqa chay pakasqa yachaypata qhapaj k'anchayninta gentiles ukhupi. Chay pakasqa yachaytaj karqa kikin Cristo. Paynejtataj suyankichej janaj pachaj k'anchayninta. Payqa qankunapi kashan.

Colosenses 1:23

Cheqamanta saphinchasqas sinch'ita sayaychej, fepi mana kuyuspa, evangelioj yuyayninta uyarisqaykichejpi. Kay evangeliomanta tukuy kay pachapi kajkunaman willakun. Noqa Pablopis chay evangeliomanta willanaypaj churasqa kani.

Gálatas 4:19

Wawasníy, qankunarayku ujtawan ñak'arini nanaykunawan uj onqoj warmi jina; Cristo jina kanaykichejkama.

2 Corintios 6:16

Chantá ima allintaj kanman, Diospa templompi lantikuna kanankuri? Qankunaqa kausashaj Diospa templon kankichej, imaynatachus Dios nerqa: Kausajtaj, purisajtaj paykuna ukhupi. Paykunaj Diosninku kasaj. Paykunataj aylluy kanqanku.

1 Corintios 6:19

Manachu yachankichej cuerpoykichejqa Santo Espíritoj templon kasqanta? Payqa qankunapi kashan. Payta Dios qosunkichej, manataj qankunajtachu kankichej.

1 Corintios 6:2

Chayrí, manachu yachankichej kay mundota Diospa ajllasqasnin juzgananta? Qankunanejtachus kay mundo juzgasqa kanqa chayqa, manachu atiwajchej juch'uy imasta juzgaytaqa?

San Juan 6:56

Pillapis aychayta mikhun, yawarniytataj ujyan chayqa, noqawan kausan, noqataj paywan.

San Juan 6:6

Chayta nerqa Felipej yuyayninta yachanampaj, imaraykuchus Jesús yacharqaña imatachus ruwananta.

1 Pedro 5:9

Payman sinch'ita sayaykuychej feniykichejwan, yachaspa hermanosniykichejpis mundontimpi kikillantataj ñak'arishasqankuta.

Hebreos 6:8

Ima jallp'achus khishkasta, qhasi qhorasta poqojqa, qhesachasqaña, maldicisqa kanampajtaj qayllapiña, tukukuynimpitaj ruphachisqa kanqa.

Ezequiel 18:28

Allinta qhawarikuspa tukuy sajra ruwasqasninmanta t'aqakun chayqa, cheqamanta kausanqa, manataj wañonqachu.

1 Corintios 6:15

Manachu yachankichej qankunaj cuerpoykichejqa Cristoj cuerponmanta kasqanta? Chaykunata Cristoj cuerponmanta qhechuspachu qhencha warmej cuerponman chajruyman? Manapuni.

Romanos 1:28

Paykuna Diosta qonqapusqankuraykutaj, Diosqa jap'icherqa sajra yuyaykunaman, mana allin kajta ruwanankupaj.

Tito 1:13

Kay nisqayqa cheqapuni. Chayrayku sinch'ita k'amiy, feninkupi paykuna allin kanankupaj, ama kasunankupaj judiospa llulla yachachiyninkuta, nitaj runakunaj kamachisqankutapis cheqa kajmanta t'aqasqa kajkunamantapis.

2 Timoteo 3:8

Imaynatachus Janeswan, Jambreswan, Moisesta mana kasuyta munarqankuchu, ajinallatataj kaykunapis cheqa kajta mana kasuyta munankuchu. Sajra yuyayniyoj runas mana feniyojtaj kanku.

1 Timoteo 2:15

Chay tukuywampis, salvasqa kanqa wawasniyoj kaspa, sichus allinta sayanqa, llamp'u sonqowan, fepi, munakuypi, llimphu kaypi ima chayqa.

Colosenses 2:19

Paykunaqa Cristota mana kasunkuchu. Cristoqa uma kasqanrayku iglesiata tukuy cuerponta jina mikhuchin, ankuswan t'inkispataj wiñachin Dios wiñayta qosqanman jina.

Jeremías 6:30

Sutichanachá kanqa wijch'usqa qolqe nispa, imaraykuchus qan, Señor, paykunata qhesacharqanki.