2 Corintios 13:11 - Qheshwa Biblia DC

¹¹ Kunanqa hermanos, kusikuychej, sumajta kausaychej, sonqo tiyakuypi uj yuyaylla kaychej, sonqo tiyakuypi kausakuychej, munakoj sonqo tiyachej Diostaj qankunawan kachun.

DIOSPA QHELQACHISQAN DEUTEROCANONICAL

¹¹ Munasqa wawqe panakuna, kay jinata nispa tukuychani: Qankuna kusisqa kawsakuychej. Wiñay tukusqa kanaykichejkama wiñallaychejpuni. Ujkuna ujkuna sonqochanakuychej. Uj sonqolla kaychej, qankunapurataj allinta kawsakuychej. Chantá munakuyta, sonqo tiyaykuytawan qoj Dios qankunawan kanqa.

DIOSPA QHELQACHISQ

¹¹ Munasqa wawqe panakuna, kay jinata nispa tukuychani: Qankuna kusisqa kawsakuychej. Wiñay tukusqa kanaykichejkama wiñallaychejpuni. Ujkuna ujkuna sonqochanakuychej. Uj sonqolla kaychej, qankunapurataj allinta kawsakuychej. Chantá munakuyta, sonqo tiyaykuytawan qoj Dios qankunawan kanqa.

Quechua South Bolivia: Dios Parlapawanchej

¹¹ Khepanpi, hermanosníy, cusicuychej. Causayniyquichejta allinchaychej. Yuyaychaskaycuta uyariychej. Uj yuyayniyojlla caychej, allinpitaj causacuychej. Chaymanta munacoj allinyachej Dios kancunawan canka.

2 Corintios 13:11 Referans Kwoze

Hebreos 12:14

Allin kausayta tukuywan mask'aychej, llimphu kaytapis, mana chaywanqa, mana pipis Señorta rikonqachu.

1 Corintios 1:10

Hermanos, mañakuykichej Señorninchej Jesucristoj sutimpi, tukuyniykichej uj kajllata parlanaykichejta; amataj qankuna ukhupi t'aqanaku kachunchu, astawanqa allin ujchasqapuni kaychej, uj sonqolla, uj yuyayllataj.

Romanos 12:16

Uj sonqolla kaychej qankuna ukhupi; ama jatunchakuspa llamp'u sonqo kajkunawan kausakuychej. Amataj qankunaj yuyayniykichejpi yachaysapas kaychejchu.

Romanos 15:33

Sonqo tiyakuyta qoj Dios qankunawan kachun. Amén.

Romanos 12:18

Atikojtenqa atisqaykichejman jina tukuy runawan allimpi kausakuychej.

Marcos 9:50

Sumajmin kacheqa. Kachitajchus q'aymayanman chayqa, imawantaj kachinchawajchej? Qankunapis kachinchasqas jina kaychej; ujkuna ujkunawantaj allinta kausakuychej.

1 Pedro 3:11

Sajra kajmanta t'aqakuchun, allin kajtataj ruwachun. Sonqo tiyasqa kayta mask'achun. Chaytataj qhatichun.

2 Corintios 13:14

Señor Jesucristoj khuyakuynin, Diospa munakuynin, Santo Espíritoj ujchakuyninwan, tukuy qankunawan kachun. Amén.

2 Corintios 13:9

Chayrayku noqayku kusikuyku pisi kallpas kasqaykumanta, qankuna sinch'is kasqaykichejmantapis. Noqaykoqa Diosmanta mañallasqaykupuni allin kanaykichejpaj.

1 Pedro 5:10

Tukuy imata qoj Diostaj, pichus wajyasorqachej janaj pacha wiñay k'anchayninman Jesucristonejta, pisi p'unchaykunata ñak'arisqaykichejmanta, qhepaman sumajta allinyachisonqachej, thuruyachisonqachej, kallpachasonqachej, sayachisonqachejtaj.

1 Pedro 3:8

Kunanqa tukuyniykichej uj sonqolla kaychej, wajkunapaj sumaj sonqoyoj, hermanospura munanakuspa, khuyakuyniyoj, llamp'u sonqos; ama sajramanta sajrallatataj kutichispa, nitaj maldicionmantapis maldicionllatatajqa; manachayqa bendicispa, imaraykuchus Diosqa wajyasorqachej bendicionta jap'inaykichejpaj.

Santiago 1:4

Chay pacienciataj sumaj wiñasqa kachun, tukuy imapi junt'asqas, allinchasqastaj kanaykichejpaj; ajinapi ni ima pisisonqachejchu.

2 Tesalonicenses 2:16

Kikin Señorninchej Jesucristo, Dios Tatanchej ima munakuwarqanchej, qhasimanta qowarqanchej wiñay kusiyta, sumaj suyaytawan khuyakuyninrayku.

1 Tesalonicenses 4:1

Kay qhepantataj hermanos, qankunamanta mañakuyku, umachaykutaj Señor Jesuspi, imaynatachus noqaykumanta yachachisqas karqankichej, ajinata purinaykichejta, Diosta kusichispa, astawan astawantaj wiñaspa.

Filipenses 4:9

Chay yachasqaykichejta, jap'isqaykichejta, uyarisqaykichejta, rikusqaykichejta noqapi, chayta ruwaychej. Sonqo tiyaykuchej Diostaj qankunawan kachun.

Filipenses 1:27

Munani ari allinta kausakunaykichejta, Cristoj evangelionman jina; ajinapi noqa watukoj jamojtiypis, chayri karupi kajtiypis, uyariyta munani qankuna sinch'is kasqaykichejta uj kikin espiritullapi, atipaspapuni uj yuyaylla evangeliopi feniykichej kasqanrayku.

Romanos 16:20

Pisimantawan sonqo tiyakuy Dios, Satanasta chakiykichej urapi saronqa. Señorninchej Jesucristoj khuyakuynin qankunawan kachun.

Romanos 15:13

Suyayta qoj Dios tukuy kusiywan, sonqo tiyakuywan creeypi qankunaman junt'achichun, suyaypi Santo Espíritoj atiyninwan kallpachasqas kanaykichejpaj.

Apocalipsis 22:21

Señor Jesucristoj khuyakuynin tukuyniykichejwan kachun. Amén.

Hebreos 13:20

Sonqo tiyachej Diosqa, pichus wañusqakunamanta kausarichimorqa Señorninchej Jesucristota, ovejaspa jatun michejninta, wiñay tratoj yawarnimpi, tukuy ima allin ruwaypi qankunata wakichichun, paypa munayninta ruwanaykichejpaj. Ajinata qankunapi pay ruwachun imachus ñaupaqempi allin kajta Jesucristonejta. Payman janaj pacha k'anchay kachun, wiñaypa wiñayninkama. Amén.

2 Timoteo 2:22

Ajinallatataj, waynaspa sajra munapayayninkumantapis ayqey. Cheqa kajtapuni ruway fewan, munakuywan, sonqo tiyakuywan, pikunachus llimphu sonqowan Señorpa sutinta wajyakunku chaykunawan.

2 Tesalonicenses 3:16

Kikin sonqo tiyakuypa Señornin, qankunaman samakuyta tukuy imapi qochumpuni. Señortaj tukuy qankunawan kachun.

1 Tesalonicenses 5:23

Sonqo tiyachej Diosqa allintapuni qankunata llimphuchachun. Tukuy kayniykichej, espirituykichej, almaykichej, ukhuykichejpis mana k'aminayoj waqaychasqas kachunku Señorninchej Jesucristo jamunankama.

1 Tesalonicenses 5:16

Kusisqallapuni kakuychej.

1 Tesalonicenses 5:13

Ruwasqasninkuraykutaj may munakuywan, paykunata allimpaj qhawaychej. Sonqo tiyakuywantaj qankunapura kausakuychej.

1 Tesalonicenses 4:18

Chayrayku, kay palabraswan purajmanta sonqochanakuy chej.

Filipenses 4:4

Kusikuychejpuni Señorpi. Ujtawan niykichej, kusikuychej.

Filipenses 4:2

Evodiata k'amini, jinallatataj Sintiquetapis, uj sonqolla Señorpi kanankupaj.

Filipenses 3:16

Kayman chayamuspataj uj yuyaylla, uj kamachiyllapitaj kausanachej.

Efesios 6:23

Dios tatamanta, Señorninchej Jesucristomantawan sonqo tiyasqa kay, munakuywan, fewantaj hermanospaj kachun.

2 Corintios 1:4

Paytaj sonqochawayku tukuy ima llakiyniykupi, noqaykupis sonqochanayku, llakiypi, ñak'ariypi kajkunata, imaraykuchus noqaykupis sonqochasqas karqayku Diosmanta.

Hechos 23:30

Wañuchinankupaj wateqasqankuta yachaspataj qanman pusachimushani. Payta ch'ataykojkunamampis nillanitaj, qampa ñaupaqeykipi uyanchanankuta.

Hechos 18:21

Ripushaspataj paykunaman nerqa: [Jamoj fiestapajqa Jerusalempi kanay tiyan.] Dios munajtenqa ujtawan kutimusaj qankunawan kanaypaj. Niytawantaj Efesoman riporqa.

San Juan 17:23

Noqa paykunapi kashani, qantaj noqapi; paykuna uj yuyayllawan allin junt'asqas kanankupaj; mundo yachanampaj qan kachamuwasqaykita, paykunatataj munakusqaykita, imaynatachus noqatapis munakuwanki ajinata.

San Lucas 9:61

Chantá ujpis nillarqataj: Noqaqa qhatisqayki Señor, chaypajrí saqeway ari wasiypi kacharpayata ruwamunaypaj.

Marcos 10:49

Jesustaj sayaykuspa wajyacherqa; paykunataj wajyarqanku ciegota: Sonqochakuy, jatariy. Jesús wajyasunki, nispa.

San Mateo 5:48

Imaynatachus janaj pachapi kashaj Tataykichej cabal, ajinallatataj qankunapis cabal kaychej.

San Mateo 1:23

Uj sipas, manaraj qharita rejsej, wijsallikonqa, nacichikonqataj uj qhari wawata. Paytataj Emanuel sutiwan sutichanki. Kay sutitaj niyta munan: Dios noqanchejwan kashan.

Génesis 45:24

Joseqa wauqesninta kacharpayashaspa nerqa: Pajtataj ñampi phiñanakuspa maqanakushawajchej, nispa. Paykunataj riporqanku.

Génesis 37:4

Chaymanta wauqesnenqa reparakorqanku payllata astawan munakusqanta paykunamanta nisqaqa, ajinamanta chejnikuyta qallarerqanku, ni napaykullajpischu kanku.

Efesios 4:3

Espiritupi ujlla kayta, k'uchi kaywan waqaychaychej, sonqo tiyakuytawan khuska.

Romanos 14:19

Ajinaqa, imachus sonqo tiyakuyta apamun, chayta qhatina, purajmanta kallpachankuspa.

1 Tesalonicenses 3:10

Tuta p'unchay anchatapuni Diosmanta mañakuyku uyaykichejta rikunaykupaj, feniykichejman pisisqantataj junt'anaykupaj.

2 Tesalonicenses 3:1

Kunanrí, hermanos, noqaykupaj mañapuwayku, Señorpa palabran tukuynejpi rejsisqa kanampaj, yupaychasqataj, imaynachus qankuna ukhupi karqa ajinata.