2 Corintios 12:9 - Qheshwa Biblia DC

⁹ Señortaj niwarqa: Khuyakuynillay atipachisonqa; imaraykuchus atiyneyqa pisi kallpayojkunapi astawan rikuchikun. Chayrayku kusisqa kani. Pisi kallpayoj kaspa jatunchakuni, Cristoj atiynin noqapi kakunampaj.

DIOSPA QHELQACHISQAN DEUTEROCANONICAL

⁹ Diostajrí niwarqa: Chay ñak'ariyniykita awantanaykipaj k'acha yanapaynillay yanapasonqa, imaraykuchus atiyneyqa pisi kallpayojkunapi astawan rikuchikun, nispa. Chayrayku kusiywan pisi kallpayoj kasqaymanta jatunchakusaj, Cristoj atiynin noqapi imatachus ruwasqan sut'ita rikukunanpaj.

DIOSPA QHELQACHISQ

⁹ Diostajrí niwarqa: Chay ñak'ariyniykita awantanaykipaj k'acha yanapaynillay yanapasonqa, imaraykuchus atiyneyqa pisi kallpayojkunapi astawan rikuchikun, nispa. Chayrayku kusiywan pisi kallpayoj kasqaymanta jatunchakusaj, Cristoj atiynin noqapi imatachus ruwasqan sut'ita rikukunanpaj.

Quechua South Bolivia: Dios Parlapawanchej

⁹ Payrí cutichiwarka: “C'acha yanapayniy basta kanpaj, pisi callpayoj cashajtiyqui atiyniywan aswan sumajta ruwanqui”, nispa. Chayraycu astawanraj may cusiywan mentacusaj pisi callpayoj caskaymanta Cristoj atiynin nokapi tiyacunanpaj.

2 Corintios 12:9 Referans Kwoze

Filipenses 4:13

Tukuy imata atini Cristo kallpachawajniypi.

2 Corintios 12:10

Chayrayku pisi kallpayoj kasqaypi kusikuni. Chantá kusikullanitaj k'amiykunapi, pisichikuypi, ñak'ariykunapi ima. Maypachachus pisi kallpayoj kani, chaypacha atiyniyoj kani.

Efesios 3:16

Janaj pacha qhapaj kayninman jina qosunkichej atiyta, Santo Espiritunejta kallpachasqas kanaykichejpaj.

Josué 1:9

Noqa kayta kamachiyki, sumaj kallpasapa wapu kay. Ama manchachikuychu, amataj q'ewakuychu. Noqa Señorniyki, Diosniykeqa qanwampuni kasaj, maymanchá rinki chaypi.

Isaías 43:2

Yaku mayusta chimpashajtiykeqa noqa qanwan kasaj. Mana yakoqa apasonqachu. Nina chaupita rishaspapis mana ruphachikunkichu. mana larwaynillampis q'aspasonqachu.

1 Corintios 10:13

Qankunaqa kallpaykichejman jinalla tentaciontaqa aguantankichej. Diosqa cheqamin, manataj saqesonqachejchu tentasqa kanaykichejta, mana atipay atina tentacionwanqa. Astawanqa tentación jamojtin, Diosllataj yanapasonqachej imaynatachus chay tentacionmanta llojsinaykichejta, ajinapi atipayta atinaykichejpaj.

Hebreos 4:16

Mana manchachikuspa ari, yanapaynimpaj tiyakunanman qayllaykuna, khuyakuyninta jap'inanchejpaj, yanapayninta tarinanchejpajtaj maychus tiempompi.

2 Corintios 12:5

Chaykunamanta alabakusaj, pisi kallpayoj kasqaymantawan. Noqa kikiymantarí mana alabakusajchu.

1 Corintios 15:10

Chaywampis, Diospa khuyakuyninrayku imachus kani chay kani. Khuyakuynintaj noqapajqa mana qhasipajchu karqa. Chantá tukuyninkumanta astawan llank'arqani; mana noqallachu, astawanqa Diospa khuyakuynin noqapi kasqanrayku.

Colosenses 1:11

Mañakullaykutaj tukuy atiyninwan kallpachasqas kanaykichejta, janaj pacha k'anchaynimpi atiyninman jina, tukuy imata jap'ikunaykichejpaj pacienciawan.

San Lucas 21:15

Noqa yachayta qosqaykichej parlanaykichejpaj; chay parlasqaykichejtataj enemigosniykichejqa, mana atipayta, nitaj kutichikuytapis atenqankuchu.

2 Corintios 11:30

Alabakuna kajtenqa, alabakusaj pisi kallpayoj kasqaymanta.

1 Timoteo 1:14

Señorninchejpa khuyakuynintaj astawan ashkhayarqa fewan, munakuywan ima Cristo Jesuspi.

Hebreos 11:34

Paykuna ninaj kallpanta thasnorqanku, cuchilloj filonmanta ayqerqanku, onqoykunamanta walejyakaporqanku, maqanakuspi sinch'ita sayaykorqanku, waj llajtayojkunaj yupa soldadosninta t'usterqanku, ayqecherqankutaj.

Sofonías 3:17

Señor Diosniykeqa qanwan khuskamin kashan. Atiyniyojmin payqa, salvasonqataj! Señortaj kusikonqa qanmanta. Munakuyninwan mosoj kausayta qosonqa. Fiestapi jina kusikuynimpi takenqa.

Salmos 8:2

Juch'uy wawas ñuñojkunapis atiyniykita qhaparinku. Chay qhaparisqaykutawanqa, qan enemigosniykoj ñaupaqempi jark'anata sayachinki, chejnisojkunata, contraykipi oqharikojkunatawan ch'inyachinaykipaj.

San Mateo 28:18

Jesustaj qayllaykuspa, paykunata parlapayarqa: Noqa tukuy atiyniyoj kani, janaj pachapi, kay pachapipis.

Isaías 11:2

Chaypa patampi Señorpa Espíritun samarikonqa, chaytaj qonqa yachayta, yuyayta, yuyaychayta, atiyta, tukuy imata rejsiyta, Señorta manchachikuyta ima.

2 Corintios 12:15

Noqaqa may kusiywan tiyapuwasqanta gastasaj. Noqa kikiytaj kausayniyta qosaj almaykichejrayku. Qankunata anchata munakusqaykichejmanta, pisi munasqachu kasaj?

2 Reyes 2:15

Jericopi kaj profetas, Jordán mayoj uj ladompi, chay jinata rikuspa nerqanku: Eliaspa espíritun Eliseoj patanman jamun. Chantataj paykunaqa Eliseoj ñaupaqenman jamuspa qonqoriykukorqanku.

1 Corintios 2:3

Qankuna ukhupeqa, pisi kallpayoj karqani, anchata manchachikuspa, kharkatitispataj; palabrasniypis, willasqaypis, mana runakunaj yachayninman jinachu karqa; astawampis Espíritoj rikuchiyninwan, atiyninwantaj karqa, amataj feniykichej runakunaj yachaynimpi kanampaj, astawanqa Diospa atiynimpi.

2 Corintios 12:1

Cheqamanta noqa jatunchakunayqa mana allinchu; munajtinkurí, Señor rikuchiwasqanmanta, sut'inchawasqanmanta ima parlasaj.